د اوکراین چارواکي وايي چې د روسیې د تازه بریدونو پرمهال د دغه هېواد په بېلابېلو سیمو کې لږترلږه ۱۳ کسان وژل شوي او لسګونه نور ټپیان دي.
رویټرز خبري اژانس نن پنجشنبه(اپرېل ۱۶مه) راپور ورکړی چې روسیې تېر ماښام د اوکراین پلازمېنه کییف او نور ښارونه د توغندیو او بېپيلوټه الوتکو په وسیله په نښه کړي دي.
د راپور له مخې، په دغو بریدونو کې د اوکراین د زیربناوو او د هستوګنې ودانیو ته هم درانه زیانونه اوښتي دي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د روسیې او اوکراین ترمنځ جګړه په ۲۰۲۲کال کې پیل شوې او په تېرو څلورو کلونو کې د دې د درولو ټولې هڅې بېپایلې پاتې شوې دي.
مسکو په روانه اونۍ کې ویلي چې تر هغه وخته به اوربند ونه مني څو اوکراین د روسیې له شرایطو سره موافقه ونه کړي.