د فاریاب امنیتي مسوولان وايي چې ناپېژنده وسلهوالو په دغه ولایت کې یو کروندګر وژلی دی.
د فاریاب د امنیې قومانداني ویاند حمیدالله بتشکن سلاموطندار ته ویلي چې دا پېښه د وري په اوومه، دوشنبې د دغه ولایت د پښتونکوټ ولسوالي په «خوشباني» سیمه کې شوې ده.
بتشکن زیاتوي چې یاد کروندګر پر خپلې ځمکې قلبه کوله چې د ناپېژنده وسلهوالو له لوري په توپانچې ویشتل شوی او وژل شوی دی.
د هغه په خبره، یاد کسان له پېښې وروسته تښتېدلي، خو د اسلامي امارت ځواکونو یې په اړه پلټنې پیل کړې دي.
د سلاموطندار پښتو فېسبوکپاڼه وڅارئ
د یادونې ده چې ناپېژنده وسلهوالو د وري په شپږمه، د یکشنبې ورځ د فاریاب په قیصار ولسوالي کې هم یو کس په چاکو وژلی و.
