د افغانستان د سوداګرۍ او صنایعو خونې مسوولان وايي چې سږکال په هېواد کې د وچکالۍ او نورو لاملونو له کبله د غنمو تولیدات کم وو او افغانستان ۶۰سلنه وارداتي غنمو او اوړو ته اړتیا لري. د یادې خونې غړی خانجان الکوزی سلاموطندار ته وايي، افغانستان هرکال شاوخوا ۷ میلیونه مټریک ټنه غنمو او اوړو ته اړتیا لري.
د افغان ښځو لپاره د امریکا ځانګړې استازې رینا امیري ویلي چې افغانستان کې له اسلامي امارت سره د پرمختګ لپاره د ښځو او نجونو د حقونو راګرځول او دغه هېواد کې د زیانمنو وګړو خوندیتوب اړین دی. نوموړې د بهرنیو چارو وزارت له سرپرست امیرخان متقي سره په یوې ټیلیفوني اړیکه کې پر دې موضوع ټينګار کړی دی.
د اسلامي امارت لهخوا افغانستان ته د پخوانیو چارواکو د بېرته ستنېدو جوړ شوی کمېسیون نن رسماً کار پیل کړ. دا کمېسیون دنده لري چې د تېر نظام هغه چارواکي او سیاستوال چې بهر ته تللي، وهڅوي څو بېرته افغانستان ته راشي.
اروپایي ټولنې د افغان ښځو د وضیعت ارزونې په موخه دوه ورځنۍ غونډه جوړه کړې وه چې نږدې ۶۰ افغان مېرمنو پهکې په حضوري او انلاین ډول برخه اخیستې وه.
د امر بالمعروف او نهې عنالمنکر وزارت د ښځو د حجاب په اړه له سيانان خبري شبکې سره د پخواني ولسمشر حامد کرزي د خبرو په غبرګون کې ویلي، د نوموړي دا څرګندونې د بحث وړ نه دي.
وروسته له هغې چې سلاموطندار د روزګان ولایت مقام ۵۰ مترۍ کې د ترینکوټ ښار په «تریاکو چوک» کې د نشهيي توکو د ازاد بازار په اړه يو راپور خپور کړ، اوس د یاد ولایت امنیتي مسوولان وايي چې دغه بازار یې تړلی دی. د روزګان د امنیې قومنداني وياند اغاولي قريشي سلاموطندار ته ویلي، د تریاکو دغه بازار یې نن تړلی دی.
د افغانستان پخواني ولسمشر حامد کرزي د اسلامي امارت له لوري د ټلوېزیونونو پر ښځینه ویاندویانو د تازه محدودیت په غبرګون کې ویلي، اړتیا نشته چې ښځینه ویاندویانې خپل مخونه پټ کړي.
کرزي له سيانان خبري شبکې سره د یوې مرکې پرمهال ټينګار کړی چې د مخ پټول حجاب نه دی او نه هم د افغانستان د فرهنګ برخه ده، بلکې د نورو هېوادونو دود چې افغانستان ته رالېږدول شوی دی.
د ملګرو ملتونو د بشري حقونو عالي کمېشنرې مېشل باشله د افغانستان د بشري حقونو د خپلواک کمېسیون د منحلېدو په اړه اندېښنه ښودلې او هغه یې د «شاتګ پر لور ګام» بللی دی. نوموړې پرون په یوې خبرپاڼه کې ویلي چې افغانستان کې د بشري حقونو خپلواک کمېسیون منحلېدو حیرانه کړې ده.
د هلمند اوسېدونکي په دغه ولایت کې د غنمو له لوړې بیې څخه شکایت کوي. دوی وايي چې د هلمند له مرکز لښکرګاه او د یوشمېر ولسوالیو له ځمکو څخه د غنمو حاصلات ترلاسه شوي او باید بیه یې ټیټه وای، خو په وروستیو ورځو کې یې بیه په کمساري توګه لوړه شوې ده.
پر ښځو د محدودیتونو د لګولو پر دوام د امربالمعروف او نهې عنالمنکر وزارت تصویري رسنیو کې د ښځینه کارکوونکو لپاره تازه سپارښتنه کړې ده.
د اسلامي امارت ویاند ذبېحالله مجاهد په ترکیه کې د افغان سیاسي مشرانو د غونډې په تړاو وايي، که دغه غونډه د افغانستان د سولې او ارامۍ له پاره جوړه شوي وي، ورڅخه هرکلی کوي او که د افغانستان بېثباتۍ لپاره وي، ورسره به مقابله وکړي.
د هېواد په سوېلي حوزه کې د افغان ټیلیکام مخابراتي شرکت مسوولان وايي چې د نوري فایبر پرمټ، داسې یو پروګرام تر لاس لاندې لري چې له مخې به یې، د هلمند د مرکز شپږ ښوونځیو او د دغه ولایت د ولسوالیو ځينې ښوونځیو ته انټرنټي خدمتونه وړاندې کړي.
د هېواد په بېلابېلو ولایتونو کې پر جوماتونو او تکیهخانو ځانمرګونو بریدونو او چاودنو د غزني ښار په «خانقاو» کې پر تصوفي او عرفاني غونډو او فعالیتونو سیوری غوړولی دی.
طلوعنیوز خصوصي ټلوېزیون ویلي چې اسلامي امارت په یوه تازه حکم کې د موبيګروپ له ټولو تصویري شبکو غوښتنه کړې چې له دې وروسته، د یادې شبکې ټولې ښځینه ویاندویانې د ټلوېزیوني خپرونو د مخته وړلو پرمهال باید خپل مخونه پټ کړي. د اسلامي امارت تازه امر پر ټولنیزو رسنیو له پراخو غبرګونونو سره مخ شوی دی.
د امریکا د دفاع وزارت د دغه هېواد کانګرېس ته په یوه تازه راپور کې ویلي، القاعدې شبکې د اسلامي امارت په لارښوونه افغانستان کې خپل حضور او فعالیتونه محدود ساتلي، ځکه چې اسلامي امارت د نړیوال مشروعیت ترلاسه کولو په لټه کې دی.
وروسته له هغې چې د اسلامي امارت له لوري په یوه مکتوب کې شپږو دولتي ادارې منحل اعلان شوې، د افغانستان لپاره د اروپايي ټولنې ځانګړي استازي او د یوشمېر هېوادونو سفیرانو او ځانګړیو استازیو د دغې پرېکړې پر وړاندې تند غبرګون ښودلی دی. توماس نیکلسون پر خپله ټویټرپاڼه لیکلي، د نورو ادارو په پرتله دغو دولتي بنسټونو ته اړتیا ډېره لیدل کېږي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
