د ماشومانو خوندیتوب اداره وايي چې افغانستان کې د اقتصادي پاشلتیا، روانې وچکالۍ او د اوکراین جګړې د اغېزو له امله په دغه هېواد کې ۹.۶ میلیونه ماشومان هره ورځ په لوږه تېروي.
دغه سازمان پرون د یوه راپور په خپرولو سره ویلي چې د وګړو ژغورنې لپاره په لنډ وخت کې بېړنیو خوراکي مرستو ته اړتیا ده، خو دغه مرستې افغانستان کې د لوږې له ناورین سره د مقابلې لپاره بسنه نه کوي.
یو کال وړاندې په همدې ورځ د غويي په اتلسمه د کابل لوېدیځ کې د سیدالشهدا د نجونو پر ښوونځي درې پرلهپسې خونړي بریدونه وشول چې ګنشمېر زدهکوونکو ته یې مرګژوبله واړوله هاو د یو کال په تېرېدو سره د دغه خونړي برید اغېز اوس هم تر سترګو کېږي.
د ښځو د حجاب په اړه د اسلامي امارت وروستي فرمان د دولتي ادارو د ښځینه کارکوونکو او نجونو زدهکوونکو ترمنځ وېره او اندېښنه ډېره کړې ده.
د بادغیس یوشمېر اوسېدونکي د دغه ولایت، ولایتي روغتون په ګډون په ټولو روغتیایي مرکزونو کې د درملو له کمښت څخه شکایت کوي او وايي، اړ دي چې د خپلو ناروغانو د اړتیا وړ درمل، د مرکز قلعهنو ښار له درملتونو څخه په لوړه بیه وپېري.
د اسلامي امارت چارواکي وايي، په نږدې راتلونکې کې به د یو لړ مهمو سیاسي، امنیتي او ملي مسایلو په اړه لویې جرګې ته ورته یوه ستره مشورتي غونډه جوړه کړي. له دې سره د ښځو د حقونو یوشمېر فعالانې ټینګار کوي چې د افغانستان اوسني وضعیت ته په کتو اړتیا ده، څو دغه ډول ملي غونډې جوړې او افغانان خپلې ستونزې د خبرو له لارې حل کړي.
په داسې حال کې چې د ښځو د ححاب جبري کولو په اړه د اسلامي امارت د امربالمعروف او نهې عنالمنکر وزارت فرمان له ګڼو نړیوالو او کورنیو غبرګونونو سره مخ شوی، د چارو یوشمېر شنونکي هم په دې باور دي چې دا فرمان به د افغانانو پر راتلونکې منفي اغېز وکړي.
د روزګان مرکز ترينکوټ ښار کې د «ترياکو چوک» په نوم ځای ته چې د ولايت مقام په شاوخوا ۵۰ مترۍ کې موقعیت لري، هره ورځ سلګونه کسان ورځي او په ازاده توګه د نشهيي توکو پېر او پلور کوي.
په هلمند کې مسوولان وايي، د دغه ولایت په مارجې، نادعلي او باباجي ولسوالیو کې د ولسي شخړو له امله دوه کسان وژل شوي او اووه نور ټپیان دي. د هلمند د اطلاعاتو او فرهنګ رییس وايي، د دغه ولایت د ناوې ولسوالي په ناکیلو سیمه کې د دوو ورونو ترمنځ د شخړې له امله یو کس ټپي شوی و چې وروسته یې بیا په روغتون کې ساه ورکړې ده.
د امریکا د بهرنیو چارو وزیر انتوني بلینکن له خپل پاکستاني سیال بوتو زرداري سره ټیلیفوني خبرې کړي دي. دواړو خواوو له افغانستان سره پر خپلو ژمنو او په دغه هېواد کې د ترهګرۍ سره پر مبارزې خبرې کړې دي.
د اسلامي امارت د امر بالمعروف او نهې عنالمنکر وزارت نن په یوه تازه فرمان کې له ټولو مېرمنو غوښتي چې اسلامي حجاب مراعت کړي، کنه نو د بېحجابه ښځې «ولي» ته به سزا ورکول کېږي. د اسلامي امارت له خوا پر ښځو د حجاب جبري کېدو پرېکړې ملي او نړیوال غبرګونونه راپارولي دي.
ایراني رسنیو راپور ورکړی چې د ایران د بهرنیو چارو وزیر حسین امیر عبداللهیان د ملګرو ملتونو له سرمنشي انتونیو ګوترېش سره د افغانستان د روان وضعیت په اړه ټیلیفوني خبرې کړې دي.
د امر بالمعروف او نهی عنالمنکر وزارت د ښځو د حجاب په اړه تازه فرمان صادر کړی او ویلي چې له دې ورسته ټولې مېرمنې باید اسلامي حجاب مراعت کړي. په دغه فرمان کې راغلي، په هره جامه چې بدن پټ کړای شي هغه حجاب دی، خو په هغه شرط چې نازک او تنګ نوي.
روزګان کې محلي مسوولان سلاموطندار ته وايي چې پرون ناپېژنده وسلهوالو د دغه ولایت اړوند په دهراوود ولسوالي کې پر یوه موټر ډزې کړي چې له امله دوه کسان وژل شوي دي.
بغلان ولایت کې محلي سرچینې سلاموطندار ته وايي چې ناپېژنده وسلهوالو د دغه ولایت د امنیې قومنداني د جنايي جرمونو پر وړاندې د مبارزې مدیر، لومړی له کور څخه راوېستلی او وروسته یې وژلی دی.
د سرچینې په وینا، دغه پېښه پرون د دغه ولایت اړوند په تاله او برفک ولسوالي کې رامنخته شوې ده.
د پوهنې وزارت مسوولان وايي، د نجونو زدهکوونکو د منځنۍ او لېسې دورې د ښوونځیو بیاپرانیستلو په تړاو به کابل کې د دیني علماوو ناسته جوړه شي.
د هند او فرانسې مشرانو د اعلامیې په خپرولو سره په افغانستان کې د بشري ناورین او د بشري حقونو د سرغړونو په اړه اندېښنه څرګنده کړې. هغوی ټینګار کړی چې د سولهییز، باامنه او باثباته افغانستان ملاتړ کوي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
