د کورنیو چارو وزارت سرپرست سراجالدین حقاني له «سيانان» خبري شبکې سره په یوې تازه مرکه کې ویلي، اسلامي امارت د نجونو د زدهکړو مخالف نه دی او پر داسې یوې تګلارې کار کوي چې له مخې یې، د نجونې خوندیتوب تامین او ښوونځي یې بېرته پرانستل کېږي.
د امر بالمعروف او نهې عنالمنکر وزارت په کابل کې د یوناما له کارکوونکو څخه غوښتي چې حجاب مراعت کړي. د بشري حقونو څار سازمان د ښځو د برخې استازې هیدر بار پر خپله ټویټرپاڼه، د دغه سازمان یوه خبرپاڼه خپره کړې چې پهکې د یاد سازمان کارکوونکو ته د اسلامي امارت امر په اړه لیکل شوي دي.
د بامیان د امنیې قومنداني د رسنیو دفتر له لوري په یوې خبرپاڼه کې ویل شوي چې پرون دوشنبه د بندامیر ملي پارک په «ذوالفقار» جهیل کې د یوه سپین ږیري کس جسد موندل شوی چې د ژمي جامې یې اغوستي دي.
د ټولیز امنیت تړون سازمان د غړیو هېوادونو د مشرانو ناسته پرون د روسیې په پلازمېنه مسکو کې جوړه شوه.
د روسیې تاس خبري اژانس راپور ورکړی چې د ټولیز امنیت تړون سازمان د غړیو هېوادونو مشرانو له افغانستان سره د پولو د امنیت په تړاو اندېښنه څرګنده کړې او خپلو پولو کې یې د امنیت پر پیاوړتیا ټينګار کړی دی.
په کونړ ولایت کې امنیتي سرچینې وايي چې پاکستاني ملېشو د ډیورنډ فرضي کرښې له هغې غاړې د کونړ پر ناړۍ ولسوالي له تېرو دوو شپو راهیسې سخت راکېټي بریدونه کړي چې د ګڼو مالي زیانونو ترڅنګ یې ځاني زیان هم اړولی دی.
پخواني ولسمشر حامد کرزي ته نږدې سرچینو ځینو رسنیو ته منلې چې کرزي پلان درلود متحده عربی اماراتو ته سفر وکړي او د دغه هېواد د ولسمشر شیخ خلیفه بنزاید ال نهیان په جنازه کې کډون وکړي او د هغه کورنۍ ته د خواخوږۍ مراتب وړاندې کړي، خو ویل کېږي چې د اسلامی امارت چارواکو نوموړي ته له هېواد څخه د وتلواجازه نه ده ورکړې.
په غزني کې د روغتیایي علومو د نیمه لوړو زدهکړو د مرکزونو زدهکړیالان وايي، دغه مرکزونه ډېری شمېر خیالي زدهکړیالان لري چې ټولګیو ته له راتګ پرته هم د فراغت سند ترلاسه کوي.
د افغانستان پخواني ولسمشر حامد کرزي ته نیږدې سرچینو یوشمېر رسنیو ته تایید کړې چې د اسلامي امارت چارواکو متحده عربي اماراتو ته د ښاغلي کرزي د سفر مخه نیولې او هغه یې د کابل هوایي ډګر څخه بېرته راګرځولی دی.
نن د مې ۱۵مه د کورنۍ نړیواله ورځ ده. دا ورځ داسې مهال په افغانستان کې لمانځل کېږي چې په هېواد کې د کورنیو وضعیت ورځ تر بلې مخ په خرابېدو دی.
په روزګان کې یوشمېر هغه کورنۍ چې د تېرو ناامنیو پرمهال د خپلو سیمو پرېښودو ته اړ شوي او کورونه یې د جګړو په سنګرونو بدل شوي وو، اوس وايي چې له جګړو د پاتې شویو ماینونو د وېرې له امله خپلو مېنو او کورونو ته بېرته نهشي ګرځېدلی.
په هېواد کې د صرافانو د کاربندیز په لړ کې یوه سرچینه سلاموطندار ته وايي چې د اسلامي امارت ځواکونو د کابل شهزاده سرای دروازه په «زور» پرانیستلې ده.
د شهزاده سرای د صرافانو ټولنې ویاند عبدالرحمان زیرک سلاموطندار ته تایید کړې چې دغه سرای نن سهار د اسلامي امارت د ځواکونو له لوري په «زور» پرانستل شوی دی.
د کندهار محلي مسوولان وايي چې پرون ناوخته د کندهار ښار د «یوولسمې حوزې» اړوند په «عينو مينې» ښارګوټي کې د ناپېژنده وسلهوالو له لوري د افغان ترک خصوصي لېسې د مدیر مرستیال وژل شوی دی. د کندهار امنيې قومنداني وياند محمداصف حکيمي سلاموطندار ته ویلي چې د نوموړي د قاتلانو د نیولو په موخه یې هڅې پیل کړي دي.
یوشمېر ښاریان او صرافان د هېواد په بازارونو کې د زړو افغاني بانکنوټونو له زیاتوالي څخه شکایت کوي.
مالیې وزارت نن شنبه په یوې خبرپاڼه کې ویلي چې د ۱۴۰۱ مالي کال بودیجه یې د وزیرانو شورا د مصوبې پر بنسټ او د ا.ا د مشرتابه له تایید وروسته، ترتیب او اعلان کړې ده.
د دغه وزارت د خبرپاڼې له مخې، د سږ کال ملي بودیجه ۲۳۱ میلیارده افغانۍ ټاکل شوې ده. د یاد وزارت د خبرپاڼې پر بنسټ، له دې بودیجې څخه ۲۰۳ میلیارده افغانۍ یې عادي او ۲۷.۹ میلیارده افغانۍ یې پراختیايي بودیجه ده چې له کورنیو عوایدو څخه ترتیب شوې ده.
په لوګر ولایت کې ولسي سرچینې سلاموطندار ته وايي چې بېګاه شپه د دغه ولایت د مرکز پل علم ښار په دوو جلا سیمو کې ناپېژنده وسلهوالو دوه کسان په ډزو وژلي دي.
د بامیان محلي مسوولان وایي چې د بامیان د یکهولنګ نمبر۱ ولسوالي ولسوال مختار احمدي چې شاوخوا ۲۰ ورځې مخکې تښتول شوی و، له بند څخه خوشې شو.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
