د هېواد پر جوماتونو او ښوونځیو بريدونه؛ ايران: ترهګر افغانستان کې کورنۍ جګړه غواړي

کندوز ولایت کې د مولوي سکندر پر جومات د تېرې ورځې د برید په اړه له غبرګونوو وروسته، د ایران د بهرنیو چارو وزارت دغه برید غندلی. دغه وزارت په افغانستان کې وروستیو بریدونو ته په اشارې په دغه هېواد کې د تاوتریخوالو زیاتوالی د ژورې اندېښنې وړ بللی دی.

هېواد کې وروستيو خونړیو بریدونو خلک اندېښمن کړي

د کابل په ګډون د هېواد په یو‌شمېر ولایتونو کې وروستیو خونړیو بریدونو او چاودنو ګڼ‌شمېر افغانان اندېښمن کړي دي. د پلازمېنې کابل اوسېدونکي وايي چې له ګڼې ګوڼې څخه په ډکو سیمو  کې چاودنو د خلکو ترمنځ وېره پیدا کړې.

د کندوز یوه جومات کې چاودنه؛ مجاهد: ۳۳ ملکیان وژل شوي او ۴۳ ټپیان دي

د کندوز ولایت د امام صاحب ولسوالي یوه جومات کې خونړۍ چاودنه شوې. د اسلامي امارت ویاند په ټویټر کې لیکلي چې د کندوز ولایت امام صاحب ولسوالي اړوند د « خانقا مولوي سکندر» جومات په چاودنه کې د ماشومانو په ګډون ۳۳ ملکیان وژل شوي او ۴۳ نور ټپیان شوي دي.

د ا.ا ځواکونو او د عطا محمد نور د خوريي ترمنځ نښته کې مرګ ژوبله اوښتې

پرون د مزار شریف ښار په مرکز کې د « سه دوکان» پر جومات له خونړۍ برید وروسته د اسلامي امارت ځواکونو او د بلخ د مخکیني والي عطا محمد نور د خوریي سهیل زمري او د جمعیت اسلامي ګوند د انشعابي څانګې د مشر ترمنځ نښتې پیل شوې چې په پای کې دا نښته د سهیل زمري په وژل کېدو پای ته ورسېد. دا نښته پرون ماښام شاوخوا ۷ بجې رامنځته شوې وه.

مزارشریف کې پر جومات د برید په اړه غبرګونونه؛ د بښنې نړیوال سازمان: د ملکیانو وژنه اقدام ته اړتیا لري، نه غندنې ته

نن غرمه شاوخوا ۱۲:۴۰ دقیقې د مزارشریف د «سه دوکان» جومات کې خونړۍ چاودنه وشوه. ویل کېږي چې دا د شیعیګانو اړوند جومات دی. سرچینې تاییدوي چې په دې چاودنه کې تراوسه له ۳۰ زیات کسان وژل شوي او تر ۸۰ ډېر ټپیان شوي چې د مزارشریف ښار حوزوي روغتون ته لېږدول شوي دي.

د مدني ټولنې بنسټونه: ا.ا دې د نجونو ښوونځیو نه پرانستلو په اړه وضاحت ورکړي

 هېواد کې له شپږم ټولګي پورته د نجونو زده‌کوونکو د ښوونځیو د نه پرانستلو په لړ کې، نن د مدني ټولنې یوشمېر بنسټونو، ګوندونو او قومي شوراګان په یوې ناسته کې له اسلامي امارت څخه غوښتنه وکړه چې د نجونو ښوونځیو د نه پرانستلو په اړه دې وضاحت ورکړي. د ناستې ګډونوال وايي، د نجونو ښوونځیو نه پرانسته، له اسلامي او فرهنګي اړخه هېڅ توجیې نه لري.

د خبریالانو له نوم څخه ناوړه ګټه اخیستنه دې ودرول شي

د افغان خبریالانو د عدالت غوښتنې کمېټه وايي چې د مخکیني حکومت له نسکورېدو سره هم‌مهاله، له ګواښ سره مخ د افغان خبریالان د تخلیې بهیر کې درغلې شوې او دغه بهیر په سمه توګه نه دی مدیریت شوی. د دغې کمېټې غړي ادعا کوي چې د افغانستان د ژورنالېستانو د سراسري شورا رییس حفیظ‌‌لله بارکزي د خبریالانو په نوم، د خپلې کورنۍ غړي، له هېواده بهر ايستلي.

توماس وېسټ ا.ا ته: د نجونو پر زده‌کړو دې محدودیتونه لرې شي

د افغانستان لپاره د امریکا د بهرنیو چارو وزارت ځانګړي استازي توماس وېسټ له پخواني ولسمشر حامد کرزي سره ټیلیفوني خبرې کړې دي. نوموړي د کابل په لوېدیځ کې پر دوو ښوونیزو مرکزونو شوي بریدونه وحشیانه بللي او د نجونو پر زده‌کړو د محدودیتونو له دوام څخه یې اندېښنه څرګنده کړې ده.

د ا.ا په واکمنېدو سره فاریاب کې د شپږو سیمه‌ییزو راډیوګانو خپرونې بندې شوي

د فاریاب د سیمه‌ییزو رسنیو مسوولان وایي چې د اسلامي امارت په راتګ سره په دغه ولایت کې سیمه‌ییزې رسنۍ له ګڼو اقتصادي ستونزو سره مخ دي چې له امله یې فاریاب کې ۶ سیمه‌ییزې راډیوګانې خپلې خپرونې درولې دي.