د پاکستان حکومت هغو افغانانو ته چې درېیم هېواد کې د مېشتېدو لپاره خپلو اسنادو ته په تمه دي، یاد هېواد کې د دوه میاشتو اوسېدو اجازه ورکړه.
یاد افغانان پاکستان کې د اوسېدو قانوني اسناد نهلري او درېیم هېواد ته د تلو لپاره دغه هېواد کې د خپلو کېسونو بشپړېدو او ویزو ترلاسه کولو ته په تمه دي.
د لوګر پلعلم ښاروالي چارواکي وایي چې د مرکز پلعلم ښار اړوند سټېډیوم سیمه کې د درېوو کېلومټره کوڅو او کانالونو د بیارغونې چارې پيل شوې.
د ژغورنې نړیوالې کمېټه «IRC» وايي چې د اقلیمي بدلون ترڅنګ د وسلهوالو نښتو زیاتوالی او د نړیوالو مالي ملاتړ کوونکو کمښت به راتلونکي ۲۰۲۴ کال کې په نړیواله کچه بشري ناورینونه لاپسې پراخ کړي. د رویټرز د راپور پر بنسټ، هغه کسان چې ټوله نړۍ کې له خپلو مېنو په زور اېستلو ته اړ شوي، شمېر یې ۱۱۰ میلیونه ته رسېدلی دی.
د کرېکټ نړیوالې شورا يا ایسيسي د تازه درجه بندۍ له مخې راشد خان په شل اووره نړېوالو سياليو کې لومړی ځای خپل کړی دی.
نوموړي په ۶۹۲ امتيازونو سره دغه مقام ته غوره شوی. د هند ورو توپاچونکي رافي بېشنوی هم د ورته امتيازونو په لرلو دويم ځای کې دی. بېشنوی چې له دې وړاندې له راشد خان لومړی مقام ترلاسه کړی و، نوې درجهبندۍ کې دويم ځای ته ښکته شوی دی.
کابل کې د ۴میلیونه ډالرو په لګښت د «اسیا نور» د درملو تولید یوې کارخونې په فعالیت پیل وکړ.
دغه کارخونه «چهارشنبه، لیندۍ ۲۳مه» د پلازمېنې اړوند د خیرخانې کچکین سیمه کې جوړه شوې چې په رسمي توګه یې خپل فعالیت پیل کړ. د درملو او خوړو ادارې مسوولان وايي، هېواد ته د درملو د قاچاق مخنیوي لپاره یې خپلې هڅې ګړندۍ کړې دي.
د کندهار د سرې میاشتې ریاست مسوولان وايي چې هره ورځ دغه ولایت کې له پاکستان څخه راستنېدونکو لسګونو کسانو ته روغتایيي خدمات وړاندې کوي.
شپېته کلن غلامحضرت چې نږدې یوه میاشت وړاندې یې پکتیا پوهنتون څخه د خپل فراغت سند ترلاسه کړی و، نن «چهارشنبه، لیندۍ ۲۳مه» ومړ.
تراوسه د غلامحضرت د مړینې لامل نهدی روښانه شوی، خو د کورنۍ یوه غړي یې سلاموطندار ته ویلي چې نوموړی نن سهار په ناڅاپي توګه مړ شوی دی. د غلامحضرت زوی فاروق وايي چې پلار یې کومه ناروغي نهلرله، خو سهار یې د ولیو «اوږو» ترمنځ دردونه حس کړل او کور کې یې ساه ورکړه.
د کار او ټولنیزو چارو وزارت وايي چې د تېرې یوې میاشتې پر مهال یې په بېلابېلو دولتي ادارو کې د ښځو په ګډون ۵۸۰ کسان پر دندو ګومارلې دي.
یاد وزارت نن «چهارشنبه، لیندۍ ۲۲مه» پر اېکس پاڼه لیکلي چې دې موده کې ۱۹ ښځو ته په دولتي ادارو کې د کار کولو زمینه هم برابره شوې.
روزګان کې یوشمېر خبریالان له اقتصادي ستونزو او له دوی سره د رسنیو مسوولانو له ناسم چلن څخه سرټکوي.
حکمتالله پاڅون چې روزګان کې یوې خصوصي رسنۍ سره د خبریال په توګه کار کوي، وايي، سره له دې چې معاش یې کم دی، خو بیا هم د رسنیو مسوولان ورسره ناسم چلند کوي.
د پاکستان بلوچستان ایالت اړوند چمن کې زرګونه معلولانو د پاکستان حکومت له لوري پر چمن-سپینبولدک په ویزې د تګراتګ پرېکړې له امله لاریون کړی دی.
زرګونه لاریونوال چې نن «سهشنبه، لیندۍ ۲۱مه» چمن کې په اعتراضیه توګه سره راغونډ شوي وو، له پاکستان حکومت غوښتنه وکړه چې پر چمن-سپینبولدک په ویزې او پاسپورټ د تګراتګ پرېکړه دې بېرته واخلي.
د ترکیې فوټبال فدراسیون «TFF» د دغه هېواد فوټبال سوپر لیګ کې د «انکاراکوچو فوټبال کلب» مشر له لوري د یوه لوبڅار له وهلو وروسته د فوټبال سیالۍ ځنډولې دي.
یاد فدراسیون دغه پېښه «له شرمه ډګې شپې» په نوم نومولې او پېښه کې د ښکېلو کسانو د نیونې او سختې سزا ورکولو خبر ورکړی دی.
د روان ۲۰۲۳ کال د نولس کلنو اسیا جام کرېکټ سیالیو په لړ کې د افغانستان ۱۹کلنې ملي لوبډلې د پاکستان ۱۹کلنې ملي لوبډلې پر وړاندې پر لوبه بوخت دی.
د یونېسف چارواکي وايي چې د تېرو یوولس میاشتو پر مهال یې روزګان کې ۲۲۰ تړلي ښوونځي بېرته پرانېستلي چې ورسره ۴۵زره ماشومانو ته پهکې د زدهکړو زمینه برابره شوې. سوېل کې د یونېسف ادارې د پوهنې برخې مسوول محمدسرور اماني دې ناسته کې وویل چې یونېسف تېرو ۱۱ میاشتو کې ۲۲۰ هغه ښوونځي چې د کلونو راهیسې تړلي وو، بېرته پرانېستلې دي.
د امریکا د خزانې وزارت په یوه خبرپاڼه کې لیکلي چې د افغانستان د ولسي جرګې پر پخواني رییس میررحمان رحماني او د هغه پر زوی او د ولسي جرګې پخواني غړي اجمل رحماني یې د ډېر فساد له کبله بندیزونه لګولي دي.
د سلاموطندار موندنې چې د ښځو برخه کې له ۲۱ فعالو ښځو سره د مرکو له لارې ترلاسه شوي، ښيي چې د ۱۸ هغو میاشتنۍ تنخواوې کمې شوې دي. د دغو له ډلې دوو هغو چې یوه یې ډاکټره او بله خبریاله ده، ویلي چې تنخواوې یې کمې شوې نهدي، خو په ځنډ ورکړل شوي او یوازې یوې ډاکټرې بیا ویلي چې میاشتنۍ تنخوا یې کمه شوې نهده.
په زابل کې یوشمېر کروندګر او بڼوال وايي، اقلیمي بدلونونو تر بل هر وخته د دغه ولایت کرنه او مالداري له سختو ننګونو سره مخامخ کړې ده. د دوی په وینا، د اوږدمهالې وچکالۍ او د هوا بېوخته بدلون له کبله يې شنه باغونه او پټي له یوې مخې وچ شوي دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
