د لوګر پلعلم ښاروالي چارواکي وایي چې د مرکز پلعلم ښار اړوند سټېډیوم سیمه کې د درېوو کېلومټره کوڅو او کانالونو د بیارغونې چارې پيل شوې.
د لوګر د پلعلم ښاروال اسحاق سعید سلاموطندار ته وویل چې دا کوڅې او کانالونه د پلعلم ښاروالي لهخوا د یوولس میلیونه افغانیو په مالي لګښت په راتلوونکو شپږو میاشتو کې جوړېږي چې له پرانیستې سره به یې سلګونه ښاریانو ته اسانتیا رامنځته شي.
د سلاموطندار پښتو فېسبوکپاڼه وڅارئ
سعید زیاته کړه چې هڅې روانې دي، څو د پلعلم ښار په نورو سیمو کې هم د سړکونو، واټونو، کانالونو او د پارکونو د بیارغاونې چارې پيل کړي.
نوموړي د پلعلم له ښاریانو وغوښتل چې د ښار په پاک ساتلو او پراختیا کې له ښاروالي سره همکاري وکړي.
باید وویل شي چې تېره اوونۍ هم د پلعلم ښاروالي له لوري د ۱۳ میلیونه افغانیو په ارزښت د بابوس ویالې د پاسه سړک غاړو کانالونو، پلچکونو او په سړکونو د جغل اچونې پروژه پيل شوه چې په درېوو میاشتو کې به بشپړه شي.