د افغان ښځينه فعالانو د نیونې په اړه د پراخو نړیوالو غبرګونونو پر دوام، په تازهګۍ سره د بشري حقونو څار بنسټ ترڅنګ د بښنې نړیوال سازمان او نورو بنسټونو په یوې ګډه خبرپاڼه کې د افغان معترضو ښځو د هر څه ژر خوشې کېدو غوښتنه کړې ده.
یوشمېر هېوادوال شکایت کوي چې شاوخوا درې میاشتې مخکې یې د پاکستان ویزو د ترلاسه کولو لپاره غوښتنلیکونه ورکړي وو، خو دغه سفارت تراوسه هېڅ ځواب نه دی ورکړی او په میاشتو میاشتو د سفارت ځواب ته په تمه وي.یوشمېر هېوادوال شکایت کوي چې شاوخوا درې میاشتې مخکې یې د پاکستان ویزو د ترلاسه کولو لپاره غوښتنلیکونه ورکړي وو، خو دغه سفارت تراوسه هېڅ ځواب نه دی ورکړی او په میاشتو میاشتو د سفارت ځواب ته په تمه وي.
د افغانستان لپاره د روسیې ځانګړي استازي ضمیر کابلوف له یوې رسنۍ سره د مرکې په ترڅ کې ویلي، مسکو کې د افغان سفارت لپاره د اسلامي امارت له لوري د ډيپلوماټانو د ورپېژندنې غوښتنه مني. نوموړي همداراز زیاته کړې، د اسلامي امارت د ډيپلوماټانو راتلل، د افغانستان د کورنیو چارواکو او سفارتخونو خپله پرېکړه ده او روسیه په دې بهیر کې ځان نه ښکېلوي.
د لوړو زدهکړو وزارت د یوې خبرپاڼې په خپرولو سره له هغو استادانو چې هېواد کې د وروستیو تحولاتو له امله نورو هېوادونو ته تللي، غوښتنه کړې چې د افغانستان د ابادۍ او پرمختګ لپاره هېواد ته راستانه شي.
د روغتیا نړیوال سازمان رییس تدروس ادهانوم ګبریسوس ویلي چې د اسلامي امارت د عامې روغتیا له وزیر قنلدر عباد سره یې لیدلي دي. دواړو لوریو په دې لیدنه کې افغانستان کې د روغتیايي او انساني ناورین په اړه خبرې کړي دي.
افغانستان کې د ملګروملتونو سیاسي استازولۍ یا یوناما ویلي، د ملګروملتونو ځانګړې استازې دیبرا لاینز د اسلامي امارت د بهرنیو چارو سرپرست وزیر امیرخان متقي ته «د نادرکه شویو ښځینه افغان فعالانو برخلیک» په تړاو د نړیوالو غوسې په اړه ویلي.
یوناما ویلي چې د بهرنیو چارو سرپرست وزیر دیبرا لاینز ته د دغې مسلې د حل لپاره د هڅو ډاډ ورکړی دی.
هېواد کې د فقر او بېکارۍ زیاتېدو په دوام دې وروستیو کې د بادغیس اوسېدوونکيو تاریخي سیمو کې ناقانونه کیندنې پیل کړي او هڅه کوي لرغوني اثار استخراج کړي. دغه کار د بادغیس د لرغونپوهانو او د مدني فعالانو د اندېښنې لامل شوی.
د افغانستان لپاره د روسيې ځانګړي استازي ضمير کابلوف ويلي، که اسلامي امارت د بشري حقونو او ټولشموله حکومت رامنځته کولو کې اقدام وکړي، روسیه د اسلامي امارت په رسمیت پېژندلو کې همکاري کولی شي.
هغه زیاتوي، چې د بشري حقونو رعایتول، د ټولشموله حکومت جوړول او ښځینهوو ته د کار او زدهکړو اجازه ورکول د نړیوالې ټولنې مهم شرطونه دي.
کابل ښاروالي د ډالرو بیې له بېثباتۍ، د خوراکي او سون توکو د بیو له لوړوالي وروسته، د احتکار د مخنیوي، د خوړو او سون توکو د بیو د کنټرول او ټاکلو کمېسیون له جوړېدو خبر ورکوي.
وروسته له هغې چې روانه اوونۍ کابل کې ۳ صرافان برمته شول، په غبرګون کې یې پرون د هېواد په کچه د پیسو د راکړې ورکړې تر ټولو ستر مرکز شهزاده سرای د یوې ورځې لپاره تړل شوی و.
د اسلامي امارت کابینې د رییسالوزرا محمدحسن اخند په مشري نن په خپله دوهویشتمه ناسته کې معلولانو، یتیمانو او کونډو ته د مرستو په اړه د شهدا او معلولانو وزارت طرحه تصویب کړې ده.
په ملګروملتونو کې د افغانستان دایمي استازولي اعلان کړی چې د دې استازولۍ مرستیال او وزیر مختار محمدولي نعیمي په ملګروملتونو کې د افغانستان د دایمي استازولۍ د سرپرست په توګه ټاکل شوی دی. په خبرپاڼه کې ویل شوي، په دې موده کې محمدولي نعیمي چې روغتیا یې هم ښه نه ده، خو بیا یې هم د ملګروملتونو په ناستو کې په عادي توګه ګډون کاوه.
د کابل د امنیه قومنداني ویاند خالد ځدراڼ وايي چې د پلازمېنې کابل د اوومې امنیتي حوزې اړوند «جای رییس» سیمه کې یې یو کس د یوې ښځې او د هغې د دوو لورګانو د وژنې په تور نیولی دی.
د اسلامي امارت یو پلاوی جېنوا کې د یوه نادولتي سازمان په ناسته کې د ګډون په موخه سویس ته تللی دی. ټاکل شوې چې یاده ناسته راتلونکې دوشنبې د بندو دروازو ترشاه پیل او تر جمعې ورځې دوام وکړي. یاد پلاوی به د یوې اوونۍ په ترڅ کې له نادولتي او مرستندویه سازمانونو، د سویس او د اروپايي هېوادونو له یوشمېر چارواکو سره لیده کاته ولري.
د افغانستان د سوداګرۍ خونې مسوولان او هټیوال نن کابل کې په جوړ شوي نندارتون کې وویل، د بانکي سېسټمونو محدودیت، سوداګر او هټیوال له ګڼو ستونزو سره مخ کړي دي.
د کابل ښار یو شمېر اوسېدوونکي عامي روغتیا وزارت په کم کارۍ او بې غورۍ تورنوي او وايي، په داسې حال کې چې د اومېکرون ویروس د خپرېدو کچه لوړه ده خو یاد وزارت د دغه ویروس د خطرونو په اړه خلکو ته عامه پوهاوی نه دی ورکړی.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
