لوګر کې د سېلابونو له امله ۳۰۰ جریبه کرنیز فصلونه له‌منځه تللي

د لوګر کرنې، اوبولګولو او مالدارۍ ریاست مسوولان وایي چې د تېرو درېوو ورځو پرله‌پسې اورښتونو او سېلابونو له امله د دغه ولایت په مرکز پل‌علم او ولسوالیو کې شاوخوا ۳۰۰ جریبه کرنیز فصلونه سېلابونو له‌منځه وړي دي. شاهد زیاته کړه چې په مرکز پل‌علم او ازرې ولسوالیو کې لسګونه هستوګنیز کورونه، پلونه او پلچکونه هم سېلابونو نړولي دي.

د ګردېز- خوست لویه لاره د غرښوویېدنې له امله د باروړونکو موټرو پرمخ تړل شوې

پکتیا کې چارواکي وايي چې د ګردېز-خوست لویه لاره د غرښوویېدنې له امله د لویو موټرو د تګ‌راتګ پرمخ تړل شوې.

د پکتيا د ټولګټو چارو رياست د ودانیزو چارو امر محمدرسول کريمي وايي، بېګاه «۱۰ بجې» د ګردېز- خوست ترمنځ لویه لاره د «سټوکنډو» کې د غرښوویېدنې له امله تړل شوې.

پکتيا کې د غر ښوویېدنې له امله د يوې کورنۍ پنځه غړي مړه شوي

د پکتیا محلي مسوولان وايي چې دغه ولایت کې د غر ښوویېدنې له امله د یوې کورنۍ پنځو غړیو خپل ژوند له لاسه ورکړی دی.

د یاد ولایت د پېښو پر وړاندې د مبارزې رياست رييس نثاراحمد نجات وايي، د پکتيا د وزې ځدراڼ ولسوالي اړوند سیمه کې پر يوه کور غر ښوویېدلی چې له امله يې د يوې کورنۍ پنځه غړي مړه شوي دي.

کورنیوچارو وزارت: نږدې یوې میاشت کې د ټرافیکي پېښو پرمهال ۱۴۱کسان مړه شوي

د کورنیوچارو وزارت د ټرافیک عمومي ریاست مسوولان وايي، د روان‌کال، وري میاشتې راهیسې، د هېواد په کچه څه باندې ۲۹۰ ټرافیکي پېښې شوي چې پایله کې یې ۱۴۱ کسان مړه او تر ۵۰۰ ډېر ټپیان شوي دي. یو‌شمېر هغه کسان چې ټرافیکي پېښو کې ټپیان شوي، وايي، ډېری ټرافیکي پېښې د موټرچلوونکو د بې‌احتیاطي له امله رامنځته کېږي.

د لوګر ښوونځيو ته ۱۸زره نوي زده‌کوونکي جذب شوي

د لوګر پوهنې ریاست مسوولان وایي چې د روان ۱۴۰۳ ښوونیز کال له پیلېدو سره هم‌مهاله نږدې ۱۸زره د ښوونځي عمر برابر نوي ماشومان ښوونځیو کې جذب شوي دي.

د دغه ولایت پوهنې ریاست ویاند شاه‌پورعرب سلام‌وطندار ته وویل،  یاد زده‌کوونکي د هلکانو او نجونو پر ۲۸۱ ښوونځیو کې جذب شوي چې ټولو یې په ښوونځي کې د شاملېدو عمرونه بشپړ کړي دي.

د کورنيوچارو وزارت لومړی مرستيال: که فکر کوو چې نظام په ملا جوړېږي، اشتباه ده

د کورنیو چارو وزارت لومړی مرستیال محمدنبي عمري وايي، که دی او مشران دا فکر کوي چې اوسنی نظام یوازې په ملا او مجاهد جوړېږي، ټول تېروتنه او اشتباه کوي.

نوموړي دغه څرګندونې «یکشنبه، وري ۲۶مه» خوست کې د میخانیکي انسټیټیوټ زده‌کړیالانو د هڅې په موخه جوړې شوې غونډې ته کړې دي.

کارپوهان: امنیت شورا باید د ایران-اسراییلو د کړکیچ مخنیوي لپاره پرېکنده اقدام وکړي

د سوریې پلازمېنه دمشق کې د ایران پر سفارت د اسراییلو د برید په ځواب کې، دغه هېواد «یکشنبه، اپرېل ۱۴مه» د اسراییلو پر اهدافو سلګونه کروز او بالستیک توغندي توغولي دي.

د اسراییلو پوځ ادعا کړې چې ایران د بې‌پیلوټه الوتکو، کروز او بالستیک توغندیو له لارې پر دغه هېواد تر ۲۰۰ ډېر بریدونه کړي.

هند سره د پاکستان مخالفت؛ شنونکي: د تماس ډلې د جوړېدو مخه نشي نیولی

د پاکستان د حکومت ځینو سرچینو د شنبې پر ورځ اکسپرس ټریبیون ورځپاڼې ته ویلي، د افغانستان په اړه د سیمې په کچه تماس ډله کې د هند له ګډون سره د پاکستان د مخالفت له امله د دغې ډلې د جوړولو طرحه له ستونزو سره مخ شوې. اکسپرس ټریبیون ورځپاڼې راپور ورکړی چې پاکستان دغه ډله کې د هند له حضور سره مخالفت څرګند کړی دی.

ایران پر اسراییلو د ډرون بریدونه کړي

ایراني چارواکي وايي چې د دغه هېواد له لوري پر اسراییلو غچ اخیستونکي د بې‌بېلوټه الوتکو بریدونه شوې دي.

د ایران دولتي خبري اژانس «ایرنا» د دغه هېواد د سپاه پاسداران له قوله ویلي چې د ډرون الوتکو پر مټ یې په اسراییلو کې هدفونه په نښه کړي دي.

ایران وايي چې دغه بریدونه یې د سوریې دمشق کې اسراییلو له لوري د یاد هېواد د کونسلګري د نښه کولو له امله کړي دي.

پروان کې د ټرافیکي پېښې له امله درې کسان مړه او درې نور ټپیان شوي

د پروان د ټرافیکو مدیریت مسوولان وايي چې دغه ولایت کې د یوې ټرافیکي پېښې له کبله درې کسان مړه او درې نور ټپیان شوې دي.

یاده پېښه، جمعه، د وري ۲۴مه د دغه ولایت مرکز چاریکار ښار اړوند سررباط سیمه کې د یوې سراچه او باروړونکي موټر د ټکر له امله رامنځته شوې.

بادغیس کې د چت لوېدو له امله د یوې کورنۍ درې غړي مړه شوي

د بادغیس امنیتي مسوولان وايي چې د دغه ولایت اړوند سیمه کې د یوه کور د «ګوټې د چت» لوېدو له امله د یوې کورنۍ درې غړي مړه شوې دي.

د یاد ولایت د امنیې قومنداني د رسنیو دفتر په یوې خبرپاڼه کې ویلي چې دغه پېښه د دې ولایت په اب‌کمري ولسوالي کې رامنځته شوې.