افغانستان کې د ملګروملتونو سیاسي دفتر «یوناما»، «فضا ته د انسان د سفر نړیوالې ورځې» په مناسبت ویلي، «پښتو» څلورمه رسمي ژبه وه چې فضا کې پرې خبرې شوې دي. مومند له فضا څخه د افغانستان تصویرونه هم واخیستل او د نجومي فیزیک، طبابت او بیولوژیکي ازمایښتونو کې یې هم ګډون وکړ.
قطر کې د سرپرست حکومت د سیاسي دفتر مشر سهیل شاهین وايي، د ځمکو د غصب مخنیوي او د ځمکو د استرداد کمېسیون د افغان هندوانو او سېکانو د غصب شویو شتمنیو د خلاصون بهیر پیل کړی.
یاد کمېسیون د عدلیې وزارت له لوري جوړ شوی او په هېواد کې د ځمکو د غصب مخنیوي اړوند چارې مخته وړي.
که څه هم د هرات په زندهجان ولسوالي کې له خونړۍ زلزلې شپږ میاشتې تېرېږي، خو یوشمېر زلزلهځپلي لا هم په خیمو کې اوسېږي.
نفسګل چې له څلوېښتو کلونو راهيسې په زندهجان ولسوالي کې ژوند کوي وايي، د تېر کال له زلزلې راهيسې په خیمه کې اوسېږي. هغه وايي، د وروستیو اورښتونو او سېلابونو له امله یې خیمې هم زړې شوې دي.
د خبریالانو د خوندیتوب نړیوالې کمېټې یا سيپيجې په افغانستان کې د فېسبوک محدودولو او یا بندولو په تړاو د ا.ا د پرېکړې په اړه اندېښنه ښودلې ده.
دغې کمېټې د افغانستان له سرپرست حکومت څخه غوښتي چې خلکو ته د معلوماتو رسولو بهیر پر وړاندې خنډ جوړ نهکړي او د فېسبوک محدودولو او یا بندیز له پلان څخه تېر شي.
د کار او ټولنیزو چارو وزارت د روان کال د وري میاشتې پنځهویشتمه، د شنبې ورځ هم عمومي رخصتي اعلان کړه.
د سرپرست حکومت د عدلیې وزارت مسوولان وايي، په ۱۴۰۲ لمریز کال کې یې د ټولنیزو او مرستندویه ټولنو او سیاسي ګوندونو له ارزولو وروسته د دوو سیاسي ګوندونو او ۷۵ ټولنیزو او مرستندویه بنسټونو مسوولان امنیتي ادارو ته ورپېژندلي دي.
د ننګرهار په کوټ ولسوالي کې د څه باندې ۲۷ میلیونه افغانیو په ارزښت یو کانال جوړ او ګټېاخیستنې ته سپارل شوی دی.
د یاد ولایت د کرنې، اوبو لګولو او مالدارۍ ریاست رییس عبدالستار محمد وایي، یاد کانال د دې ریاست په هڅو او د خوړو نړیوال پروګرام په مالي او د افغانستان راتلونکې نسلونو موسسې په تخنیکي همکارۍ جوړ شوی دی.
د پکتیا مرکز ګردېز ښار او د دغه ولایت یوشمېر اوسېدونکي وايي چې ښار کې د تفریحې او چکر لپاره پارکونه او یا هم ځانګړي ځایونه نهلري.
که څه هم ګردېز کې یوازینی پارک چې پهکې د ماشومانو د تفرېحې او ساعتتېرۍ لپاره ځینې وسایل هم لګول شوي، خو د ځوانانو د ناستې او تفریح لپاره پهکې امکانات کم او په نشت حساب دي.
د کابل ښار یوشمېر اوسېدونکي له کورنیو چارو وزارت څخه غواړي چې ښار کې دې د اختر ورځو پرمهال د امنیت ټینګښت لپاره لا زیاتې هڅې وکړي.
دوی وايي، د کورنیو چارو وزارت باید هغو ځایونو کې چې د اختر ورځو پرمهال د خلکو ګڼهګوڼه په کې زیاته وي، کلک امنیتي تدابیر ونیسي.
د لوګر د پلعلم ښاروالي له لوري د تېرو درېوو میاشتو پرمهال یادې دوه پروژې بشپړې شوي چې د دغه ولایت والي او یوشمېر قومي مشرانو له لوري پرانېستل شوې.
کندوز ولایت کې د کبانو یوشمېر فارملرونکي وايي چې دغه ولایت کې د «کبانو» روزنې صنعت کمرنګه شوی چې ورسره یې د پلور کچه هم راټیټه شوې.
دغه ولایت کې د کبانو یو فارملرونکی عزیزالله سلاموطندار ته وايي، د تېرو کلونو په پرتله یې سږکال د کبانو پلور کم شوی دی.
د سرپرست حکومت د رویت هلال مرکزي کمېټې له خلکو غوښتنه کړې چې په خپلو سیمو کې د میاشتو د لیدو هڅه وکړي.
سترې محکمې بېګاه وخته «شنبه، وري ۱۸مه» پر خپله اېکسپاڼه لیکلي چې د خلکو له لوري د میاشتې د لیدو اهتمام یو شرعي اصل دی.
د کوچني اختر په نږدې کېدو سره د غزني یوشمېر اوسېدونکي سلاموطندار ته وايي چې د اختر نمانځنې لپاره د جامو ګنډلو او وچې مېوې د پېرلو توان نهلري.
صدام چې د غزني ښار په «فرخي چوک» کې نکریزې پلوري، وايي، د کمزوري اقتصاد له امله اختر لپاره جامې او وچه مېوه نهشي اخیستلی.
د ریاستالوزرا سیاسي مرستیال محمدعبدالکبیر په کابل کې د یوشمېر هېوادونو سفیرانو او ډيپلوماټانو سره لیدنه کې ټینګار کړی چې داعش ډله افغانستان کې ځپل شوې.
نوموړي زیاته کړې چې داعش نه یوازې د افغانانو، د بشریت، سیمې او نړۍ ګډ ګواښ دی او د سیمې او نړۍ په کچه ځینې کړۍ افغانستان کې د دغې ډلې لپاره تبلیغات کوي.
د سرپرست حکومت د معلوماتو او ټکنالوژۍ وزارت سرپرست نجیبالله حقاني وايي چې افغانستان کې به د فېسبوک کارول محدود او یا هم وتړي.
د معلوماتو او ټکنالوژۍ وزارت سرپرست نجیبالله حقاني دغه څرګندونې له طلوع نیوز سره د یوې ځانګړې مرکې پرمهال کړې دي.
پروان او پنجشېر ولایتونو کې د غاښونو یوشمېر ناروغان یادو ولایتونو کې د «غاښونو ناروغانو درملنې» برخه کې د امکاناتو له کمښت شکایت کوي او وايي چې د یادو ولایتونو دولتي روغتونونو کې د روغتیايي امکاناتو کمښت لامل شوی چې د غاښونو ناروغان خصوصي روغتونونو ته مراجعه وکړي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
