د دغه ریاست رییس قاري نجیبالله نظامي په پلعلم کې خبریالانو ته وویل چې د روان کال له پیل څخه تراوسه، په لوګر کې ۲۱زره او ۵۴۸ کسانو ته برښنایي پېژندپاڼې او له ۱۳زرو څخه زیاتو نورو کسانو ته کاغذي او مثني تذکرې وېشل شوي چې له همدې درکه یاد عواید ترلاسه شوي دي.
په هېواد کې یوه ډله ځوانانو په خپل نوښت د «بلبل» په نوم یو اپلېکېشن جوړ کړی چې نورو تنکیو ځوانانو، ځوانانو او ماشومانو ته په غږیزه بڼه، دیني، معلوماتي، هنري او داستاني کتابونه وړاندې کوي.
د یاد اپلېکېشن جوړونکي وايي چې د یاد پروګرام په راښکته کولو سره، مخاطبان کولای شي، د بوختیا، موټر چلولو او هر کله په غږیزه بڼه د خپلې خوښې کتابونه واوري.
د کډوالو ستونزو ته د رسېدنې عالي کمېسیون مسوولان وايي چې ۷۵ کورنۍ له ایران او پاکستان څخه هېواد ته راستنې شوې دي.
د یاد کمېسیون د راپور له مخې، ۳۸ کورنۍ د ورېښمو پُل، ۱۵کورنۍ د هرات د اسلامکلا، او ۲۲ کورنۍ د کندهار دسپینبولدک له لارې هېواد ته راستانه شوې دي.
د پکتیکا ولايتي چارواکي وايي چې نن دوشنبه، کب ۱۸مه، د يو لړ مراسمو په ترڅ کې د نيالګيو پسرلنی کمپاين پېل کړی دی.
دغه کمپاين د پکتیکا د چاپېریال ساتنې، کرنې او اوبولګولو ریاستونو او د مرکز ښرنې ښاروالۍ په ګډه د «ځمکې ابادول د پیغمبر صلی الله علیه وسلم سنت دی» تر عنوان لاندې پيل شوی دی.
بادغیس کې یوشمېر مېرمنې وايي چې د جنین او مور د وینې ترمنځ د سمون په اړه د نه پوهاوي له امله له بېلابېلو ستونزو سره لاس او ګرېوان شوې دي.
دوی خبرداری ورکوي چې ډېری کورنۍ په دې اړه پوهاوی نهلري او دا چاره کولای شي، د مور او ماشوم ژوند له ګواښ سره مخ کړي.
یوشمېر ډاکټران وايي چې کروموزومي اختلال د جنین د سقطېدو له اصلي لاملونو څخه شمېرل کېږي او دا د اومېندوارو مېرمنو لپاره ګواښونکي بولي.
د ډاکټرانو په وینا، د جنین سقط بېلابېل لاملونه لري چې د کروموزومي اختلالات، ارثي ناروغۍ، د مور جسمي ناروغۍ، د روغتیايي مرکزونو تړلکېدل، فقر، لومړۍ اومېندواري او ډاکټر ته نه مراجعه یې، مهم هغه دي.
د ملي دفاع وزارت مسوولان وایي چې د پاکستان په بلوچستان ایالت کې یې، د اېفسي یا سرحدي ځواکونو پر یوې قومنداني هوايي برید کړی دی.
د یاد وزارت په وینا، دغه برید د پاکستاني ځواکونو د وروستیو سرغړونو په ځواب کې شوی دی. د ملي دفاع وزارت مرستیال ویاند، مولوي صدیقالله نصرت، ویلي چې په تېرو ۲۴ ساعتونو کې د پاکستاني ځواکونو پر ضد له بېلابېلو ولایتونو بریدونه شوي دي.
د اسلامي امارت ویاند ذبیحالله مجاهد وایي، تېره شپه د سوداګریزو توکو یو باروړونکی اورګاډی د هرات–خواف د اوسپنې پټلۍ له لارې د هرات د روزنک تمځای ته رسېدلی دی.
مجاهد نن جمعه، د کب ۱۵مه، په خپره کړې خبرپاڼه کې ویلي چې دغه اورګاډي د سوداګریزو توکو ۳۷ واګنونه درلودل او د هرات–خواف د اوسپنې پټلۍ له لارې د توکو لېږدرالېږد په عادي ډول روان دی.
د اسلامي امارت او پاکستان ترمنځ د پوځي نښتو له دوام سره هممهاله، د کاپیسا، زابل، خوست او کونړ یوشمېر اوسېدونکي وایي چې تېره شپه په یادو ولایتونو کې په وقفي ډول نښتې او هوايي بریدونه شوي دي.
سلاموطندار د هېواد په یوشمېر ولایتونو کې له ۳۰ ځوانانو سره د مرکو پرمهال موندلې چې د رشتې خلاف دنده او کاري چاېریال کې د پرمختګ نشتوالی لامل شوی چې یاد ځوانان له ژورخپګان سره مخ شي.
د حنفي فقهې له مخې طلاق په څو ډوله دی چې لومړی رجعي طلاق دی. په دې ډول طلاق کې نارینه له عده پرته خپله مېرمن بېرته راګرځول شي. باین طلاق چې له عقد پرته امکان نهلري او خلع طلاق «مېرمن د فدیې په ورکولو طلاق اخلي» پهکې شامل کېږي. مبارات طلاق «د دواړو لوریو توافق» دی چې تفریق یا د نکاح فسخه ده چې ښځه یې، په خپله خوښه یا د قاضي په حکم جدا کېږي.
د سرکاڼو يوه اوسېدونکي عمادالله سلاموطندار ته وویل: «د پاکستان وحشتناکې مرمۍ راځي او زمونږ په بېوزله او غريبکاره خلکو کورونو باندې لګيږي، دغه يې حال دې تاسو یې وينئ، د روژې مبارکې مياشت ته ګوره او د دوی دغسې د مرمیو راتولو ته ګوره، که حکومت نښلي؛ نو حکومت سره باید ته ونښلې.»
د پنجشېر له کانونو راایستل شوي ۳زره او ۶۵۷ قیراطه زمرد، نن سهشنبه، کب ۱۲مه، د یوې رسمي داوطلبۍ له لارې او د څارونکې کمېټې په حضور کې د ۵۸زره او ۵۰ امریکایي ډالرو په ارزښت پلورل شوي دي.
مسوولان، دا اقدام د روڼتیا او د کورنیو عوایدو د زیاتوالي پر لور مهم ګام بولي.
د هرات محلي مسوولان وایي چې په دغه ولایت کې هره ورځ تر دوه نیم میلیونه پورې د چرګانو هګۍ تولیدېږي او بازارونو ته وړاندې کېږي.
د هرات د والي ویاند محمدیوسف سعیدی سلاموطندار ته وايي، په نږدې راتلونکې کې د هګیو د تولید د څو نویو شرکتونو له فعالېدو سره به په دې ولایت کې د تولید کچه لا نوره هم لوړه شي.
کابل کې د فاضله سروش په نوم یوې مېرمنې دوه کاله وړاندې لسګونه مېرمنو ته د مرخېړي «سمارق» فارم جوړ کړی چې دوی ته د عاید په سرچینې هم بدل شوی دی.
نوموړې سلاموطندار ته وايي چې په کوچنۍ پانګونې او په شخصي لېوالتیا یې، دغه فارم جوړ کړی چې اوس دې او نورو مېرمنو ته عاید هم لري.
د کابل او اسلاماباد ترمنځ د سیاسي ترینګلتیاوو له زیاتېدو سره هممهاله، په پاکستان کې مېشت یوشمېر افغان کډوال وایي چې پر دوی د نیولو او په زوره ایستلو فشارونه په بېساري ډول ډېر شوي دي.
دوی اندېښنه لري چې د اجباري ایستلو ترڅنګ، په افغانستان کې د کار، سرپناه او د ژوند د لومړنیو اسانتیاوو نشتوالی به له جدي ستونزو سره مخ کړي.
