د پکتیا محلي مسوولان وايي چې دغه ولایت کې د غر ښوویېدنې له امله د یوې کورنۍ پنځو غړیو خپل ژوند له لاسه ورکړی دی.
د یاد ولایت د پېښو پر وړاندې د مبارزې رياست رييس نثاراحمد نجات وايي، د پکتيا د وزې ځدراڼ ولسوالي اړوند سیمه کې پر يوه کور غر ښوویېدلی چې له امله يې د يوې کورنۍ پنځه غړي مړه شوي دي.
د سلاموطندار پښتو فېسبوکپاڼه وڅارئ
نثاراحمد نجات همداراز وویل چې یاده پېښه بېګاه شاوخوا ۱۱بجې د وزې ځدراڼ ولسوالي د «خوسا چينګی» په نوم سيمه کې رامنځته شوې.
نجات دا هم وويل چې په مړو شويو کې د محمدالدين په نوم کس د هغه درې زامن او يوه لور مړه شوي.
د معلوماتو له مخې، د تېرو څو ورځو راهیسې د اورښتونو له امله تر دې دمه د پکتيا بېلابېلو سيمو کې تر ۵۰ کورونه په نيمه او بشپړ ډول لهمنځه تللي او هم کرنيزې ځمکې د سېلاب راوتو له امله ویجاړ شوې دي.