ایراني چارواکي وايي چې د دغه هېواد له لوري پر اسراییلو غچ اخیستونکي د بېبېلوټه الوتکو بریدونه شوې دي.
د ایران دولتي خبري اژانس «ایرنا» د دغه هېواد د سپاه پاسداران له قوله ویلي چې د ډرون الوتکو پر مټ یې پر اسراییلو کې هدفونه په نښه کړي دي.
ایرنا همداراز زیاته کړې چې ایران د فلسطین په اشغال شویو سیمو کې هم بریدونه کړي دي.
د سلاموطندار پښتو فېسبوکپاڼه وڅارئ
اسراییلو هم تایید کړې چې ایران پر دغه هېواد بریدونه کړي دي. د اسراییلو دفاع وزارت له خلکو غوښتنه کړې چې خوندي ځایونو ته پناه یوسي او د دوی لارښونو ته پام وکړي.
د اسراییلو دفاع وزارت ویاند ډانیل هګري په یوې ټلوېزیوني وینا کې وویل چې بېپېلوټه الوتکې لا د دغه هېواد خاورې ته نهدي ورننوتي او بشپړ چمتووالی لري.
هغه همداراز وویل: «موږ له امریکا او نورو ملګرو سره بشپړ همغږي لرو او په بشپړه توګه دفاع او بریدونو ته چمتوو یوو.»
ایران وايي چې دغه بریدونه یې د سوریې دمشق کې اسراییلو له لوري د یاد هېواد د کونسلګري د نښه کولو له امله کړي دي.
په هغه برید کې د ایران د سپاه پاسداران د یوه مهم قومندان په ګډون اووه کسان وژل شوي وو. یاد برید د روانې وري میاشتې پر ۱۴مه شوی و.