ارګ نن دوشنبه د کب ۲۱مه پر خپله اېکسپاڼه دغه پیغام خپور کړی او د نوموړي په حواله لیکل شوی چې ځینې فرصتطلبه خلک د روژې میاشتې په رارسېدو سره د خوراکي او نورو توکو بیې لوړوې چې په وینا یې، مسوولان یې باید مخه ونیسي.
د افغانستان په ګډون په ګڼو اسلامي هېوادونو کې نن دوشنبه د کب ۲۱مه د روژې مبارکې میاشتې لومړۍ نېټه ده.
د لوګر مرکز پلعلم ښار کې د ۱۴۰۳کال د نیالګیو کېنولو کمپاین پيل شو چې له مخې به یې، سل زره مېوهلرونکي او غیرې مېوهلرونکي نیالګي کېنول شي.
پلعلم کې د نیالګيو کېنولو کمپاین ته د دغه ولایت والي ضیاالرحمن مدني وویل، ټولو هېوادوالو ته پهکار ده چې د نوي کال پرمهال په خپلو سیمو کې مېوهلرونکي او غیرې مېوهلرونکي نیالګي کېنوي.
د کار او ټولنیزو چارو وزارت ۵۰۹ روږدو ته چې دامهال تر درملنې لاندې دي او د حرفې په برخه کې یې زدهکړې کړي، د فراغت سندونه ووېشل.
د دغه وزارت مسوولانو نن یکشنبه د کب ۲مه کابل کې د یوې غونډې پرمهال وویل، د افغانستان په کچه د دغه وزارت ۵۲ حرفوي او فني مرکزونو کې، نږدې ۲۰زره روږدي د حرفوي زدهکړو په ترلاسه کولو بوخت دي.
کابل ښاروالي د نوي کال په رانږدې کېدو او د پلازمېنې زرغونتیا په موخه د نیالګیو کېنولو کمپاین پیل کړ.
د نیالګیو کېنولو دغه کمپاین «شنبه، کب ۱۹مه» د کابل وزیر محمداکبر خان تپه کې د ښاروالي او سرپرست حکومت د یوشمېر چارواکو له لوري پیل شو چې دې کمپاین کې به شاوخوا دوه میلیونه نیالګي کېنول شي.
په خوست کې د لومړي ځل لپاره د پنځو هېوادونو د لوبغاړو په ګډون د «ازادې مبارزې سيالي» وشوې.
مسوولان وايي چې يادې لوبې د «اوايفسي» سازمان په چوکاټ کې شوي چې سياليو کې د اتو بهرنیو لوبغاړو سربېره، د هېواد له اوو ولايتونو څخه ۱۸ لوبغاړو هم پهکې ګډون درلود.
د افغانستان بانک مسوولان وايي چې سبا «یکشنبه، کب ۱۹مه» به «۱۵» میلیونه امریکايي ډالر د لیلام په توګه بازار ته وړاندې کړي.
د افغانستان بانک (شنبه، د کب ۱۸مه) پر اېکس شبکه «ټوېټرپاڼه» لیکلي چې د «افغانۍ» ارزښت ساتنې او ثبات لپاره به سبا یکشنبه «۱۵» میلیونه امریکايي ډالر لیلام کړي.
د سرپرست حکومت د بهرنیو چارو وزارت سرپرست امیرخان متقي نن «جمعه، مارچ اتمه» د افغانستان لپاره د هند ځانګړي استازي جيپي سنګ سره کتلي دي.
د بهرنیو چارو وزارت ویاند عبدالقهار بلخي پر خپله اېکسپاڼه لیکلي چې دې لیدنه کې دواړو لوریو د افغانستان او هند ترمنځ پر اقتصادي او ټرانزیټي مسایلو خبرې او بحث کړی دی.
د لوګر پوهنې ریاست چارواکي وایي چې د تېر یوه کال په ترڅ کې یې د ۴۱میلیونه افغانیو په مالي لګښت ۶۸ بېلابېلې پوهنیزې پروژې بشړې او ګټېاخیستنې ته سپارل شوي دي.
د دغه ولایت پوهنې ریاست رییس مولوي جنتګل عزیز پلعلم کې یوې غونډې ته وویل، یادې پروژې د پوهنې وزارت، کورنیو او نړیوالو موسسو او خیریه بنسټونو په مرسته په یوه کال کې پلي شوي دي.
د «راه دانش» مسلکي زدهکړو او خیاطۍ مرکز مسوولانو نن په دغه مرکز کې هغو ۶۰ نجونو ته چې د تېر یوه کال پر مهال یې د خیاطۍ، څرمن ګنډلو، انځورګرۍ، خطاطۍ او ځینو نورو لاسي صنایعو په برخو کې زدهکړې کړې وې، د فراغت سندونه ورکړل.
ایراني رسنیو خبر ورکړی چې د دغه هېواد د نشهيي توکو پر وړاندې د مبارزې عمومي منشي سکندر مومني له افغانستان څخه ایران ته د نشهيي توکو د قاچاق زیاتوالي په اړه اندېښنه ښودلې ده.
د ایراني رسنیو د راپورونو پر بنسټ، نوموړي ټینګار کړی چې په تېرو لسو میاشتو کې له افغانستان څخه د نشهیي توکو په قاچاق کې کموالی راغلی، خو برعکس له افغانستان څخه ایران ته د صنعتي نشهيي توکو په قاچاق کې ۲۰ سلنه زیاتوالی راغلی دی.
کندهار کې یو ښوونځی چې ۳۱۷ زره امریکايي ډالره لګښت پرې راغلی نن د کندهار ښار د نهمې ناحیې اړوند په میانکوه سیمو کې ګټې اخیستنې ته وسپارل شو.
د کندهار د اقتصاد رییس عبدالسلام بریالي چې په دغو مراسمو کې یې ګډون کړی و، وویل چې پر یاد ښوونځي ۳۱۷ زره امریکايي ډالره لګښت راغلی او په نهو میاشتو کې د ۱۲۰ کسانو له لوري جوړ شوی دی.
د ملګرو ملتونو د خوړو نړیوال پروګرام وايي، د هرات زلزلهځپلي لا هم تر خیمو لاندې اوسېږي او سختې شپې او ورځې تېروي.
دغه پروګرام نن پر خپلې اېکسپاڼې لیکلي چې یاد زلزلهځپلي اوس د واورې توپان سره هم مخامخ دي.
د خوست د کليو پراختيا او بيارغونې رييس عنايتالرحمن جلالي وايي، د دغه ولایت په یوشمېر سیمو کې په څه باندې ۱۳میلیونه افغانیو د اوبو
هرات کې پر «کاشیو» د خطاطۍ صنعت یوشمېر کاروباریان او خطاطان د یاد صنعت د بازار سوړوالي له امله شکایت کوي.
هرات کې پر کاشیو د خطاطۍ او حکاکۍ صنعت اوږده مخینه لري چې اوس، د دغه صنعت کاروباریان وايي، ملاتړ ته اړتیا لري.
۷۰کلن میراحمد صبري هروي چې څه باندې ۵۰کاله یې په دې صنعت کې کار کړی، وايي، هڅه کوي، څو پر کاشیو د خطاطۍ صنعت ژوندی وساتي.
د لوګر پوهنې ریاست چارواکي وایي چې په راتلونکي ۱۴۰۳ ښوونیز کال کې په مرکز او ولسوالیو کې ۱۳ نوي ښوونځي پرانېستل کېږي.
د دغه ولایت پوهنې ریاست ویاند شاهپور عرب سلاموطندار ته وویل، دا ښوونځي د ولسي خلکو په وړاندیز او د پوهنې وزارت په منظورۍ په مرکز پلعلم او ټولو ولسوالیو کې پرانېستل کېږي چې ۸زره نجونو او هلکانو ته به پهکې د لیکلوست زمینه برابره شي.
د خوست محلي مسوولان وايي چې نن «دوشنبه، کب ۱۴مه» د دغه ولایت مرکز «خوست ښار» کې د ازادۍ پر تپه د «زرغون خوست» کلنی دودیز جشن جوړ شو.
د خوست ښاروال قاري بسمالله بلال وايي چې ياد جشن هرکال جوړېږي چې سږ کال يې نهم پړاو دی او درې ورځې به دوام وکړي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
