په پنجشېر کې چارواکي وايي چې په ۱۴۰۴کال کې د ۲۳ مزایدو له لارې ټولټال ۱۱۱زره او ۵۷۰ قیراط زمرد د ۴ میلیونه او ۱۷۸زره امریکایي ډالرو په ارزښت پلورل شوي دي.
له دې درکه شاوخوا ۳۲ میلیونه افغانۍ عواید ترلاسه شوي چې د دغه ولایت د اقتصادي فعالیتونو د پراختیا څرګندونه کوي.
د کډوالو ستونزو ته د رسېدنې عالي کمېسیون مسوولان وايي چې تېره ورځ له ایران او پاکستانه نږدې ۴۰۰۰ کسان هېواد ته راستانه شوي دي.
د یاد کمېسیون د راپور له مخې، تېره ورځ له ایران او پاکستان څخه ۷۰۸ کورنۍ چې ۳۹۰۲ کسان کېږي، هېواد ته راستنې شوې دي.
د لوګر د کور او ښار جوړولو رییس مولوي مطیعالله «زاهد» سلاموطندار ته وويل چې د دغه ولایت د مرکز پلعلم اړوند د «اشنفور» په سیمه کې د بېرته راستنېدونکو لپاره د دویم ښارګوټي د جوړېدو په موخه د ځمکې ټاکنه او کروکي سروې ترسره شوه.
د افغانستان کرېکټ ملي لوبډلې نوی مشر روزونکی ریچارډ پایبس د ملي لوبډلې تمریناتي کمپ کې د ګډون په موخه کابل ته راغلی دی.
د روزګان اوسېدونکي شکایت کوي چې د یاد ولایت مرکزي روغتون د زیاتېدونکي نفوس په پرتله کوچنی دی او کافي امکانات نه لري.
د دوی په خبره، روغتون کې نه یوازې د بسترونو کموالی دی، د درملو او طبي وسایلو نشتوالي هم د ناروغانو لپاره جدي ستونزې رامنځته کړې دي.
د افغانستان پخواني ولسمشر حامد کرزي د هرات په انجیل ولسوالي کې پر ملکي وګړو برید غندلی او هغه یې «غمجن» بللی دی.
کرزي تېره شپه پر خپله اېکسپاڼه لیکلي چې د دې پېښې له امله د قربانیانو له کورنیو سره خپله خواخوږي څرګندوي.
سلاموطندار د هېواد په بېلابېلو ولابتونو کې له ۱۵ جوړو «نجونو او هلکانو» سره د دوی د وادونو د ځنډېد په اړه مرکې کړي چې ډېرو یې، لامل د سرو زرو بیو لوړوالی ښودلی دی.
په دې لړ کې د کورنیو د تاوتریخوالي له امله نجلۍ او هلک هم جلا شوي دي.
د پروان په سیاگرد ولسوالي کې د یوه کور چت لوېدو له امله د یوې کورنۍ اته غړي مړه شوي او یو بل کس ټپي شوی دی.
دا پېښه د وروستیو سختو بارانونو له امله رامنځته شوې ده.
د لوګر د بدني روزنې او ورزش امریت چارواکي وايي چې د بوکسینګ فدراسیون له لوري، د یاد امریت په همکارۍ، د ولایت په مرکز پلعلم ښار کې د ۵۰ غوره جوړو ترمنځ د بوکسینګ سیالۍ ترسره شوې.
د پېښو پر وړاندې د چمتووالي ملي اداره وايي چې د هند له لوري درې ټُنه بشري مرسته یې ترلاسه کړې ده.
د معلوماتو له مخې، په دغو مرستو کې ۳۰۰ روغتیايي کېټونه، ۵۰ د پخلنځي کېټونه، ۴۹۵ بسترې او ۱۶۵ ترپالونه شامل دي.
سلاموطندار د هېواد په شپږو ولایتونو کې له ۱۸ هغو مېندو سره مرکه کړې چې ښوونکې دي او ډېرو یې، د منظم پلان له مخې، د دندې او د مور اړوند مسوولیتونو ترمنځ، تعادل رامنځته کړی دی.
د یادو مېرمنو له ډلې ۱۳ یې، وايي چې دواړو مسوولیتونو ته یې منظم پلان جوړ کړی او پاتې پنځه بیا وايي، د کورنۍ د نه ملاتړ له کبله له جدي ستونزو سره لاس او ګرېوان دي.
د ملګروملتونو د بشري هستوګنې پروګرام وايي چې د پکتیا ولایت مرکز، ګردېز ښار، له ۲۰۰۴کال راهیسې تر اوسه درې برابره پراخ شوی دی.
دUN-Habitat په یوه پیغام کې ویل شوي چې که دا ښاري پراختیا د هوښیار ښاري پلان جوړونې او پانګونې له لارې مدیریت شي، نو کولی شي د خلکو لپاره کورونه او ښه ژوند برابر کړي.
که څه هم اسلامي شریعت په لویو پرېکړو له هغې ډلې، واده برخه کې د کورنیو د غړیو ترمنځ پر مشورې او هوکړې ټينګار کړی، خو ډېری کورنۍ په دې برخه کې د مېندو نظر او یا هم رول له پامه غورځوي. د فقهي سرچینو پربنسټ، د نکاح ولایت پلار یا د کورنۍ یوه نارینه ته سپارل شوی، خو دا د مور یا مېندو د رول یا ونډې نفي کول نهدي.
له پولیو خلاص افغانستان بنسټ اعلان کړی چې راتلونکې اوونۍ به د افغانستان په ټولو ولایتونو کې د پولیو ضد واکسین د تطبیق ملي کمپاین پیل شي.
دغه بنسټ نن چهارشنبه (د وري ۱۹مه) په یوه پیغام کې ویلي چې دا کمپاین به د راتلونکې اوونۍ د دوشنبې پر ورځ پیل شي.
په پنجشېر کې د زمردو د استخراج او پلور کچه لوړه شوې چې په تازه مزایده کې شاوخوا ۲زره او ۶۳۹ قیراطه استخراج شوي، زمرد د ۳ میلیونه او ۱۷۲زره او ۶۵۰ افغانیو په ارزښت پر کورنیو سوداګرو پلورل شوي دي.
د پسرلي په رارسېدو سره د هېواد په بېلابېلو سیمو کې د ګلانو او بوټو بازار بیا تازه رنګ اخیستی دی. هغه ځوانان چې له کلونو راهیسې یا د نوې لارې په توګه دې برخې ته راګرځېدلي، وايي چې په دې موسم کې یې کاروبار ښه شوی او عایدات یې زیات شوي دي.
