لوګر کې ۷۰۰ښوونکو ته د ماشومانو حقونو په اړه څلور ورځنۍ روزنه ورکړل شوه

 د لوګر پوهنې ریاست چارواکي وایي چې د ماشومانو لپاره ملګروملتونو ملاتړې ادارې (UNICEF) له لوري د محمداغې، خوښۍ او ازرې ولسوالیو سلګونه ښوونکو او د ښوونځيو د شوراګانو غړیو ته د ماشومانو د حقونو په اړه څلور ورځنۍ روزنه ورکړل شوه.

روژه او د توکو لوړې بیې؛ د بغلان اوسېدونکي: پر هټیو دې څار ډېر شي

د بغلان یوشمېر اوسېدونکي په دغه ولایت کې د خوراکي توکو د بیو له لوړوالي شکایت کوي او وايي، د لومړنیو توکو د پېرلو توان نه‌لري.

د بغلان د مرکز پلخمري ښار اوسېدونکي له چارواکو او هټیوالو غواړي چې د لومړنیو توکو بیې دې راټيټې کړي.

د نورستان «وانټ‌وایګل» کې په لومړي ځل مخابراتي شبکې فعالې شوې

د نورستان په «وانټ‌وایګل» ولسوالي کې د لومړي ځل لپاره مخابراتي شبکو خپل فعالیتونه پیل کړل چې د يادې ولسوالي اوسېدونکي ورته خوښ دي.

دوی غوښتنه کوي چې د نورستان ډېری هغه سیمې چې لا هم د مخابراتي شبکو له خدمتونو محرومې دي، مخابراتي شبکې فعالې کړي.

د افغانستان بانک سبا «۱۷» میلیونه ډالر لیلاموي

د افغانستان بانک مسوولان وايي چې سبا «سه‌شنبه، وري اوومه» به «۱۷» میلیونه امریکايي ډالر د لیلام په توګه بازار ته وړاندې کړي.

د افغانستان بانک نن (دو‌شنبه، د وري شپږمه) پر اېکس شبکه «ټوېټرپاڼه» لیکلي چې د «افغانۍ» ارزښت ساتنې او ثبات لپاره به سبا سه‌ شنبه «۱۷» میلیونه امریکايي ډالر لیلام کړي. د افغانستان بانک ویلي چې د داوطلبۍ ګټونکي باید خپل ټول حسابونه د لیلام د ورځې تر پایه تصفیه کړي.

ا.ا له خصوصي شرکتونو سره د ۴میلیارډ افغانیو په ارزښت تړونونه لاسلیک کړل

سرپرست حکومت په هېواد کې د برښنا تولید او سوداګریزو مرکزونو جوړولو په موخه له یو‌شمېر خصوصي شرکتونو سره د څلور میلیارډ افغانیو په ارزښت د څلور پروژو تړونونه لاسلیک کړل.

دغه تړونونه نن «یکشنبه، وري پنځمه» د حکومت رسنیو او اطلاعاتو مرکز کې د حکومت د لوړپوړو چارواکو په ګډون د یو لړ مراسمو په ترڅ کې لاسلیک شول.

پاکستان یو ځل بیا د مسافرو پر مخ د «تورخم دروازه» وتړله

ننګرهار کې چارواکي وايي چې پر ډیورنډ کرښه پرته د «تورخم دروازه» یو ځل بیا د پاکستان له لوري د مسافرو پرمخ تړل شوې.

یاده دروازه نن یکشنبه، وري پنځمه، سهار شاوخوا ۹ بجې د پاکستان له لوري تړل شوې. د قریشي په وینا، مسوولان هڅه کوي، څو یاده لاره ژر لاره پرانستل شي او دواړو لورو ته د مسافرو لپاره د تګ‌راتګ زمینه برابره شي.

ډنډپټان کې له پاکستان سره د «خرلاڅي دروازه» بېرته پرانېستل شوه

د پکتیا په ډنډپټان ولسوالي کې پر ډیورنډ کرښه پاکستان سره د «خرلاڅي دروازه» چې پنځه ورځې وړاندې تړل شوې وه، نن «شنبه، وري څلورمه» د هر ډول تګ‌راتګ پر مخ بېرته پرانېستل شوه. د پکتيا د ګمرک رييس مولوي فضل‌الحق منيب هم تاييدوي چې د خرلاڅي دروازه نن د سوداګرۍ پرمخ پرانېستل شوې.

هلمند کې د «خرما بڼونو» دودولو لپاره هڅې پیل شوي

د هلمند د کرنې، اوبولګولو او مالدارۍ ریاست له‌خوا په دغه ولایت کې د «خرما بڼونو» د دودولو لپاره هڅې پیل شوې دي.

د یاد ریاست د مسوولانو په وینا، سږکال یې د دغه ولایت یو‌شمېر سیمو کې بزګرانو ته پر ۱۰ جریبه ځمکه د خرما ننداریز او ازمایښتي بڼوڼه جوړ کړي، څو نور کروندګر هم د خرما بڼوڼو جوړولو ته وهڅول شي.

‏پکتیکا کې خلکو د ښوونځیو جوړېدو ته ۳۸ جریبه ځمکه ځانګړې کړې

د پکتیکا محلي مسوولان وايي چې د دغه ولایت مرکز او ولسوالیو کې د اوو ښوونځیو جوړېدو لپاره خلکو ۳۷ جریبه ځمکه ځانګړې کړې ده.

دغه ځمکه په مرکز ښرنه، برمل او ګومل ولسواليو کې د یادو ښوونځیو لپاره ورکړل شوې. نوموړي ژمنه وکړه چې د روان کال تر پایه به هغو ښوونځیو ته هم ودانۍ جوړې کړي چې دا مهال ودانۍ نه‌لري.

د ۱۴۰۲کال پرمهال افغانستان کې د ښځو اړوند مسایلو په تړاو ۱۷سپارښتنې ورکړل شوي

د سرپرست حکومت له لوري د تېر ۱۴۰۲کال پرمهال افغانستان کې په ۱۷ بېلابېلو برخو کې ښځو ته سپارښتنې شوې چې د ۱۴۰۰ او ۱۴۰۱ کلونو پرمهال بیا د دې سپارښتنو شمېر ۴۹ ته رسېږي. د سرپرست حکومت په وار وار ویلي، دغه سپارښتنې د ټولنې سمون او په وینا یې، د اسلامي شریعت پلې کولو لپاره ورکول کېږي.

خوست کې د وژل شوي ډاکټر کورنۍ د نوموړي قاتلانو ته د سختې سزا غوښتنه کوي

خوست کې د «شېرالله» په نوم د وژل شوي ډاکټر د کورنۍ غړي له حکومت غوښتنه کوي چې د نوموړي قاتلانو ته دې سخته سزا ورکړي.

ډاکټر شېرالله شاوخوا لس ورځې وړاندې د دغه ولايت مرکز اړوند د لکڼو په کوړيانو کلي کې د دوو کورنيو ترمنځ شخړه کې وژل شوی و.

خواجه اصف: افغانستان سره وسله‌واله جګړه نه‌غواړو

پر افغان خاورې د پاکستان د هوايي بریدونو وروسته د دغه هېواد د دفاع وزیر خواجه اصف وايي چې له افغانستان سره وسله‌واله نښته نه‌غواړي.

نوموړي له «امریکا غږ» سره په یوې مرکه کې ویلي: «زور وروستۍ خبره ده، خو موږ نه‌غواړو چې افغانستان سره په وسله‌واله نښته کې ښکېل شو.» هغه ویلي: «که افغانستان موږ ته د دښمن په سترګه ګوري، نو موږ ولې دوی ته یو سوداګریز دهلیز ورکړو.»