د افغانستان د سوداګرۍ او صنایعو خونې خصوصي سکټور او د ولسي جرګې یو شمېر وکیلان چې له دوه ورځو راهيسې په اسلامکلا ګمرک کې د اور لګېدو له کبله د اوښتو زيانونو په اړه څېړنې لپاره هرات کې دي، نن يې په يوه خبري ناسته کې خپلې موندنې ټوليزې کړې.
د افغانستان د سوداګرۍ او صنایعو خونې…
د هرات محلي چارواکي وايي، مافیا او ځینو موټرچلوونکو د چور او د هغوی د ناقانونه مالونو د نه رسوا کېدو لپاره لسګونه موټر په کلیو کې خپلو کورونو ته لېږدولي دي.
د ننګرهار محلي مسوولانو په دې ولايت کې د فساد په تور د ننګرهار د ګمرک د رييس حشمتالله وليزي او د ۵ نورو کارکوونکيو د نيول کېدو خبر ورکوي.
د ياد ولايت والي ضیاالحق امرخېل رسنيو ته ويلي، د فساد په تور نيول شوي کسان د لا ډېرو څېړنو…
د بامیان د امنیې قومانداني مسوولان په دغه ولایت کې د بډو اخیستو په تور د یوه څارنوال د نیولو خبر ورکوي.
د بامیان امنیه قوماندان زبردست ساپي سلاموطندار ته ویلي چې پرون یې د دغه ولایت د یکاولنګ۱ ولسوالي یو څارنوال د ۳۰ افغانیو بډو اخیستو پر مهال نیولی دی. ساپی د نیول شوي کس په اړه نور جزیات نه ورکوي.
د عامې روغتیا وزارت ۳ کارکوونکي د ۸۰ زره ډالرو بډو اخیستو په تور په بند محکوم شول. لويې څارنوالۍ د يوې خبرپاڼې په خپرولو سره ويلي، په یاو ۳ کسانو کې د مرکزي سټاک امریت سرپرست غلام سخي نظر او د مرکزي سټاک د راپورونو د رسید مدیر غلام مصطفی پر پنځو پنځو کلونو او د فني امریت معتمد احمد فواد پر ۳ کالو تنفیذي بند محکوم شوي دي.
د لویې څارنوالۍ ویاند جمشېد رسولي وايي، د اداري فساد له لویو جرمونو سره د مبارزې عدلي او قضايي مرکز ابتدایه محکمې د بلخ پخوانی ښاروال محمد نصیر عیني له وظیفوي واک څخه د ناوړه ګټې اخيستنې په تور په یوه کال او شپږ میاشتو تنفیذي بند محکوم کړی دی.
لویه څارنوالي وايي، د اداري فساد درنو جرمونو پر وړاندې د عدلي او قضايي مرکز ابتداییه محکمې د مشرانو جرګې درې سناتوران په یوه علني محکمه کې په بند محکوم کړي دي.
د لویې څارنوالي له لوري په خپره شوې خبرپاڼې کې لیکل شوي چې په یاده محکمه کې د مشرانو جرګې غړي لیاقتالله بابکرخېل، محمدانور باشلیق او عظیم قویاش په لس کاله او یوه میاشت تنفیذي بند او ۴۰ زره ډالره نغدي جریمې محکوم شوي دي.
پر اساسي قانون پر تطبیق د څار کمېسیون مسوولان نن «ملت ته د دولت حساب ورکونې» په پروګرام کې د دغه کمېسیون د یوه کال فعالیت راپور وړاندې کړ.
یو شمېر دوکانداران چې د کابل ښار کې په قوای مرکز سیمه کې دوکانداري کوي وايي، پولیس له ټرافیکو سره په همغږۍ له دوی باج اخلي او د رشوت غوښتنه ترې کوي.
دغه دوکانداران شکایت کوي او وايي، که چېرې غوښتل شوې پیسې ور نهکړي د دې ترڅنګ چې د کار مخه يې هم نیسي له فزیکي تاوتریخوالي سره هم مخ کېږي.
د پکتيا يوشمېر مدني فعالانو، قومي مشرانو او ځوانانو د هېواد موسسې له لوري روغتیايي مرکزونو ته پر خپل وخت د خدمتونو نه وړاندې کولو، د کارکوونکو په ګومارنه کې د بېغورۍ او فساد له کبله د دې موسسې د دفتر دروازه وتړله.
د لویي څارنوالۍ ویاند جمشېد رسولي سلاموطندار ته وايي، په ۱۳۹۸ او ۱۳۹۹ کلونو کې د خبریالانو پر وړاندې د تاوتریخوالي د ۲۱ پېښو په تړاو يې ۴۶ تورن کسان نیولي چې نغدي جریمه، تر شلو کلونو بند او ځینې يې په اعدام هم محکوم شوي دي.
د روڼتیا نړیوال سازمان ویلي چې افغانستان د نړۍ ۱۸۰ هېوادونو په ډله کې دولسم فاسد هېواد دی.
د دغه سازمان په کلني راپور کې چې نن یې د افغانستان په ګډون د نړۍ د ۱۸۰ هېوادونو د فساد په اړه خپور کړی، لیکل شوي چې افغانستان په ۲۰۲۰ میلادي کال کې له ۱۰۰ امتیازونو نه ۱۹ امتیازونه خپل کړي او ۱۶۵ ځای یې نیولی دی.
د پروان والي فضلالدین عیار وايي، د ياد ولايت د پوهنې رييس عبدالظهور حکیم د اداري فساد او له دندې د ناوړه ګټې اخيستو په تور د پروان ولايت د استيناف څارنوالۍ ته معرفي شوی دی.
د ولسمشر لومړي مرستیال امرالله صالح ويلي، د ټرافیکو ریاست ته یې لارښوونه کړې چې له دې وروسته باید د «۳۹» شمېره تل لپاره د موټرو له پلېټونو لرې کړي.
امرالله صالح نن پر خپله فېسبوک پاڼه ليکلي، دې شمېرې فساد ته لار برابره کړې او باید لرې شي.
لویه څارنوالي وايي چې تازه په لوګر، خوست، بامیان، دایکندي، بغلان، پروان او کندوز ولایتونو کې د کورونا اړوند بودجې د حیفومیل او اداري فساد اووه دوسیې دغې ادارې ته رسېدلې دي. د لویې څارنوالي ویاند جمشېد رسولي نن سلاموطندار ته په یوه لېږل شوي غږیز پیغام کې ویلي چې یادې دوسیې د ولسمشرۍ ماڼۍ د بازرس ادارې له لوري ور لېږل شوې دي.
د دایکندي محلي مسوولان وايي چې په دغه ولایت کې د پولیسو یو افسر چې پر طالبانو یې د امنیتي ځواکونو وسلې او مهمات پلورل، نیول شوی دی.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
