د امريکا د ملي امنیت سلاکار اعلان وکړ چې په افغانستان کې د امریکایي ځواکونو د کمولو لپاره حکم صادر شوی دی.
د متحده ایالاتو د ملي امنیت سلاکار رابرټ اوبراين تېره ورځ خبریالانو ته وویل چې د امريکا د دفاع سرپرست وزیر کریسټوفر مېلر په افغانستان او عراق کې د امریکايي ځواکونو د کمولو امر کړی دی.
د ناټو سرمنشي ينس سټولټنبرګ وايي، له افغانستانه په بېړه وتل به ګران پرېوځي. نوموړي ويلي، له افغانستانه په بېړه وتل به دا هېواد یوځل بیا د نړیوالو ترهګرو لپاره خوندي پټنځای شي او که چېرې د سرتېرو وتل عملي شي، نو په افغانستان کې به داعش بېرته را ژوندي شي.
د کډوالو او بېرته راستنېدونکيو چارو وزارت مسوولان وایي، د سولې خبرو له پیل راهیسې هېواد څخه بهر ته د کډوالۍ او د بېرته راګرځېدو په کچه کې توپیر نهدی راغلی؛ خو که د سولې خبرې پایله ور نهکړي، نو شونې ده چې ډېر کسان به هېواد څخه د کډه کېدو هڅې وکړي.
په داسې حال کې چې قطر کې د بینالافغاني خبرو له پیله شاوخوا دوه نیمې میاشتې تېرېږي او اوس په ټپه ولاړې دي؛ خو د کډوالو او بېرته راستنېدونکيو چارو وزارت د ویاند مرستیال رضا بابري وايي، نورو هېوادونو ته د کډوالۍ او هېواد ته د بېرته راګرځېدونکيو په شمېر کې کوم بدلون نهدی راغلی.
د ملي دفاع وزارت نوماند او سرپرست وزير اسدالله خالد وايي، ښايي په افغانستان کې د بهرنیو ځواکونو شمېر ډېر شي.
نوموړي چې نن سه شنبه د خپلو برنامو وړاندې کولو لپاره ولسي جرګه تللی ويلي، د بهرنيو ځواکونو د کمېدو د خپرو شويو راپورونو پر خلاف، ښايي د بهرنيو ځواکونو شمېر لوړ شي.
د بدخشان د ولایتي شورا غړی ناجي نظري وايي، تېره شپه جرم ولسوالۍ کې د طالبانو په يوه کمين کې د عمر په نوم د محلي پولیسو یو قومندان او لس نور سرتېري وژل شوي دي.
خو يوه بله سرچينه د نوم نه خپراوي په شرط سلاموطندار ته وویل، په دې برید کې ۱۲ محلي پولیسان وژل شوي او ۱۰ نور ټپیان دي.
کندوز ولايت کې امنيتي مسوولان وایي، امنيتي ځواکونو له طالبانو د کندوز د دښتارچي ولسوالۍ یو شمېر سيمې بېرته ونيولې.
د ۲۱۷ پامیر قول اردو د ویاند مرستیال هادي جمال وايي، افغان ځواکونو د سېشنبې په سهار د کندوز د دښتارچي ولسوالۍ بېرته نیولو لپاره عملیات پیل کړل چې د ولسوالۍ مقام او امنیه قومنداني یې بېرته نیولې او عملیات یې دوام لري.
د بادغيس ولايت امنيتي مسوولان وايي، طالبانو د بادغيس- هرات لويې لارې «برقکزده» سيمه کې دوه ښځينه پوليسې وژلې دي.
د ياد ولايت د ولايتي شورا رييس عبدالعزیز بېک د یاد خبر په تاييد سره سلاموطندار ته وايي، دغه پېښه تېره ورځ مازديګر مهال شوې ده.
د جوزجان ځايي چارواکي مني چې وسلهوال طالبان دغه ولایت کې ماشومانو ته پیسې ورکوي، ترڅو د افغان ځواکونو په لاره کې ماینونه خښ کړي. د دوی په خبره، طالبان ماشومان ته پنځوس افغان ورکوي، ترڅو پلچکونو، امنیتي پوستو او عامه تاسیساتو کې ماینونه خښ کړي.
شېرمحمد د هغه ۱۴ کلن جوزجاني ماشوم مستعار نوم دی چې د طالبانو له خوا په دولتي تاسیساتو کې د ماین اېښودلو لپاره د دغې ډلې له خوا جذب شوی. شېرمحمد وایي، د هر ماین اېښودلو لپاره ۵۰ افغانۍ ترلاسه کوي.
د طالبانو په ليکو کې د بهرنيو ځواکونو حضور نوې خبره نه ده بلکې له دې وړاندې هم په دې اړه راپورونه خپاره شوي؛ خو اوس د فارياب ولايت مسوولان وايي چې بهرنيان طالبانو ته د بېپيلوټه الوتکو د کارونې زدهکړې ورکوي.
د فارياب والي نقیبالله فایق وايي، طالبانو خواجهسبزپوش ولسوالۍ کې د نښتو پر مهال د بېپيلوټه الوتکو په مرسته د امنيتي ځواکونو ځايونه تشخيصوي. د فایق په وینا، بهرني اتباع طالبانو ته د داعشيانو انګېزې سره د بېپيلوټه الوتکو د کارونې زدهکړې ورکوي.
په داسې حال کې چې د راتلونکي مالي کال د ملي بودیجې طرحه تېره اوونۍ مشرانو جرګې ته وړاندې شوې؛ خو د دې جرګې دویم نایب اکبر ستانکزي سلاموطندار ته وویل، د بوديجې سند کې ستونزې ډېرې دي.
ستانکزی وايي، د راتلونکي مالي کال د ملي بودیجې طرحه کې د ولایتونو ترمنځ انډول نشته، ځینې پخوانۍ نیمکاره پروژې په کې نه دي شاملې شوي، د یوه ولایت بودیجه بل ولایت ته ځانګړې شوې او یو لړ نورې ستونزې هم لري.
پر کابل پوهنتون د بريد تازه موندنې ښيي چې د نیول شويو بریدګرو د څرګندونو پر بنسټ هغوی له برید ۱۰ ورځې وړاندې کابل پوهنتون څېړلی و او دې ته يې پام شوی و چې پوهنتون ته د دننه کېدو پرمهال لوکس کسان دومره جدي نه تلاشي کېږي.
د ولسمشر لومړي مرستیال امرالله صالح نن ورځ پر خپله فېسبوک پاڼه ليکلي، بريدګرو د محصلانو په څېر د لوکسو جامو په اغوستو سره، یو په بل پسې پوهنتون ته دننه شوي او بیکونه یې نه دي تلاشي شوي.
د کندوز د ولایتي شورا رييس محمد یوسف ایوبي وايي، دښتارچي ولسوالۍ د طالبانو د ډلهییزو بریدونو پایله کې سقوط شوې ده. یوه بله ځايي سرچینه هم وايي، طالبانو نن سهار پر دښتارچي ولسوالۍ بریدونه پیل کړل او امنیتي ځواکونو د ولسوالۍ بازار کې د شاوخوا سیمو پوستې خوشې کړي او شاه تګ یې کړی دی.
د کډوالو او راستنېدونکيو چارو وزارت مسوولان وايي، د ۱۳۹۹ لمریز کال له پیل راهیسې ۵۲ زره کورنۍ له خپل اصلي ټاټوبي بېځایه شوې دي. دغه مسوولان د وسلهوالو جګړو زیاتېدل او دغه راز طبیعي پېښې د دغو کورنیو د بېځایه کېدو اصلي لاملونه بولي.
د کډوالو او راستنېدونکيو چارو وزارت ویاند رضا باهر سلاموطندار سره خبرو کې وويل، هڅه کېږي چې د بهرنیو بنسټونو او همکارو موسسو په مرسته دغو کورنیو ته بشردوستانه مرستې چمتو شي.
یو شمېر پاکستاني او افغان شنونکي وايي، کابل ته د پاکستان د لومړي وزیر عمران خان سفر به د پام وړ پایلې ونه لري او دا سفر به هم د نورو پاکستاني چارواکيو د سفرونو په څېر وي.
په داسې حال کې چې دوحه کې د افغان سولې له خبرو شاوخوا دوه میاشتې تېرېږي او تراوسه مشخصه پایله نه لري، د امریکا د دفاع سرپرست وزیر ویلي، هېواد یې د القاعدې او د همکارانو د ماتولو په درشل کې دی او ډېر ژر به له افغانستانه سرتېري وباسي.
دې وروستیو کلونو کې د ناامنیو زیاتېدل لامل شوي چې هېواد څخه د کډوالۍ په ځانګړې توګه د نامنظمې کډوالۍ کچه په بېسارې توګه زیاته شي.
۲۷ کلن نور ولي اعتماد د پکتيا دی چې تر لوړو زدهکړو وروسته يې د بېروزګارۍ او خراب امنيتي وضعيت له کبله اروپايي هېوادونو ته د سفر موزې په پښو کړې دي.
پوهنې وزارت نن یکشنبه په یوه خبرپاڼه کې ویلي، د تازه پرېکړې له مخې سړو سیمو کې له لومړي ټولګي څخه تر شپږم پورې د ليندۍ له لومړۍ نېټې رخصت کېږي او له اووم څخه تر دولسم ټولګي پورې ټول ښوونځي بیا د ليندۍ میاشتې له ۱۵مې وروسته رخصت کېږي.
