بلخ ولايت کې د ملي اردو سرتېرو پر لېږدوونکي رنجر موټر د ناپېژاندو موټرسايکل سپرو وسلهوالو بريد کې ۲ سرتېرې وژل شوي او ۳ نور کسان ټپيان دي.
د ۲۰۹ شاهين قول اردو وياند محمدحنیف رضايي د ياد خبر په تاييد سره وايي، دغه پېښه نن سهار د مزارشريف ښار پنځمې ناحيې اړوند سيمه کې هغه مهال شوې کله چې د سرتېرو موټر قول اردو ته پر لاره و.
د رضايي په وينا، په دې پېښه کې دوه ښځينه سرتېرې وژل شوي او د موټرچلوونکي په ګډون درې نور کسان ټپيان دي.
د طالبانو په ګډون تر اوسه پورې هېڅ يوې وسلهوالې ډلې د بريد مسووليت نه دی منلی.
