Asset 1SWN

کابل کې چاودنې د عامه ساتنې د تصدۍ ویاند په ګډون ۳ کسان وژلي

WhatsApp-Image-2021-01-10-at-9.44.19-AM-p15a2dytracodt110as546lkevfxfxd87n48reh5sk

کورنيو چارو وزارت وايي، کابل ښار کې د چسپکي ماين چاودنې له کبله د عامه ساتنې د تصدۍ رياست د ویاند په ګډون ۳ کسان وژل شوي او يو ټپي دی.

ياد وزارت د چاودنې په اړه ويلي، دغه چاودنه نن سهار شاوخوا ۸نيمې بجې د کابل ښار اتمې امنیتي حوزې اړوند، سید نور محمد شاه مېنه کې د عامه ساتنې د تصدۍ رياست د ویاند ضیا ودان پر موټر د چسپکي ماین د چاودېدو له کبله شوې.

دغه چاودنه کې ضیا ودان، د هغه موټر چلوونکی او یو بل کس وژل شوی او یو هم ټپي دی.

د چاودنې مسوولیت تر دامهاله کومې ډلې پرغاړه نه دی اخیستی؛ خو حکومت وايي، داسې کړنې طالبان ترسره کوي.

کورنيو چارو وزارت  د نن ورځې چاودنې په اړه ويلي چې په دې وروستيو کې چې کوم ترهګر نيول شوي، په خپل اعتراف کې يې ویلي چې د طالبانو ډلې غړيتوب لري.

ارګ د يوې اعلاميې په خپرولو سره ويلي چې جمهورريیس دغه تروریستي برید غندلی او ويلي يې دي پر وطنپالو، ژمنو او خدمتګارو شخصیتونو برید د اسلامي ارزښتونو خلاف او بشري ضد جنایت دی.

خبرپاڼې زياته کړې،  ولسمشر امنيتي او کشفي ارګانونو ته لارښوونه کړې چې د دې برید عاملانو وپېژني او سزا ورکړي.

مرتبط با این خبر:

کلیدواژه‌ها: // // //

به اشتراک بگذارید:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
اخبار و تحلیل‌های مرتبط

اخبار و گزارش‌های سلام وطن‌دار را از شبکه‌های اجتماعی دنبال کنید:

فیسبوک

توییتر

تلگرام