د امریکا او قطر د بهرنیو چارو وزیرانو له افغانستان څخه د امریکايي وګړو او د افغان همکارانو د اېستلو بهیر د بیا پیل په اړه خبرې کړي دي.
د امریکا د بهرنیو چارو وزارت ویلي، د انتوني بلنکېن او د قطر د لومړي وزیر مرستیال او د بهرنیو چارو وزیر محمد بن عبدالرحمان الثاني دغه خبرې پرون په خپله لیدنه کې کړې دي.
د سلاموطندار پښتو فېسبوکپاڼه وڅارئ
د امریکا د بهرنیو چارو وزارت په یوې ویناپاڼه کې ویلي چې دواړو لوریو له کابل څخه د تخلیې الوتنو د بیا پیل او همداراز د افغانانو د بشردوستانه او اقتصادي اړتیاوو پر پوره کولو ټينګار کړی دی.
دغه لیدنه داسې مهال ترسره کېږي چې د رپوټونو پربنسټ، نږدې یوه میاشت کېږي چې له افغانستان څخه د تخلیې بهیر درېدلی دی. ویل کېږي دغه الوتنې هغه مهال ودرول شوې چې بهر ته د اسلامي امارت اړوند ځواکونو او غړو د لېږد غوښتنې ونه منل شوې.
