چین کې د افغانستان د ګاونډیو هېوادونو ناسته؛ شنونکي: له اقتصادي پلوه ګټوره ده

د چین د بهرنیو چار وزارت ویلي چې هېواد به یې سبا چهارشنبه د افغانستان د ګاونډیو هېوادونو د بهرنیو چارو وزیرانو د دوه ورځنۍ ناستې کوربه وي.

که څه هم د اسلامي امارت چارواکو ویلي، تر اوسه د یادې غونډې له اجنډا څخه ډېر معلومات نه‌لري، خو زیاتوي چې پر اقتصادي او ورته مسایلو به په‌کې خبرې وشي.

چین د افغانستان د کانونو استخراج او انرژۍ د توليد په برخه کې پانګونه کوي

د رییس‌الوزرا د لومړي مرستیال مطبوعاتي دفتر سلام‌وطندار ته په لېږلې خبرپاڼه کې ویلي، د چین بهرنیو چارو وزیر وانګ‌يي نن کابل ته سفر کړی او ملا عبدالغني برادر سره یې لیدلي. دغه لیدنه کې ملا برادر چين ته د ټولو هغو اندېښنو د له منځه وړلو ډاډ روکړی چې دوى يې د افغانستان له خاورې څخه د پېښېدو په اړه لري.

د پاکستان د ملي امنیت سلاکار په ناڅاپي سفر کابل ته راغلی

کابل کې د پاکستان سفیر منصور احمد خان پر خپل ټویټرپاڼه لیکلي چې د پاکستان د ملي امنیت سلاکار معید یوسف نن غرمه کابل ته راغلی دی. منصور احمدخان پر خپل ټویټرپاڼه لیکلي، د پاکستان د ملي امنیت سلاکار د یوه پلاوي په مشري له اسلام‌اباد څخه کابل ته راغلی او د اسلامي امارت د بهرنیو چارو وزارت له سرپرست سره یې لیدلي دي.

بلنکېن له خپل قطري سیال سره له افغانستانه د تخلیې بهیر پر بیا پیل غږېدلی

د امریکا او قطر د بهرنیو چارو وزیرانو له افغانستان څخه د امریکايي وګړو او د افغان همکارانو د اېستلو بهیر د بیا پیل په اړه خبرې کړي دي.

د امریکا د بهرنیو چارو وزارت ویلي، د انتوني بلنکېن او د قطر د لومړي وزیر مرستیال او د بهرنیو چارو وزیر محمد بن عبدالرحمان ال‌ثاني دغه خبرې پرون په خپله لیدنه کې کړې دي.

اسټرالیا: د طالبانو له لوري د ملکیانو وژنه د اندېښنې وړ ده

د استرالیا د بهرنیو چارو وزیره ماریس پین وایي چې افغانستان کې د وسله‌والو طالبانو له لوري د دوی تر ولکې لاندې سیمو کې د تاوتریخوالي دوام، د ملکیانو زورول په ځانګړې توګه د مېرمنو او نجونو شکنجه د اندېښنې وړ ده. د استرالیا د بهرنیو چارو وزیرې دغه څرګندونې د افغانستان د بهرنیو چارو له وزیر محمدحنیف اتمر سره نن په یوې ټيلیفوني اړیکه کې کړې دي.

پاکستان او چین په افغانستان کې د سولې د ټینګښت غوښتنه وکړه

د افغانستان، چین او پاکستان د بهرنیو چارو وزیرانو ترمنځ په څلورمه درې اړخېزه غونډه کې د دې ناستې ګډونوالو په افغانستان کې د هراړخیز اوربند، د سولې خبرو بیا ځلې پیل او د تلپاتې سولې د ټینګښت غوښتنه وکړه. دغه ناسته پرون د چین په کوربه‌توب په انلاین بڼه جوړه شوې وه.