د احصایې او معلوماتو ملي اداره وايي چې د تېر ۱۴۰۲کال پرمهال په هرات کې خلکو ته څه باندې ۴۵۴زره پېژندپاڼې وېشل شوې دي.
یادې ادارې نن سهشنبه د غويي څلورمه پر خپله فېسبوکپاڼه لیکلي چې په وېشل شویو پېژندپاڼو کې ۲۷۹زره او ۴۳۰ برښنايي او ۱۷۵زره او ۳۰۰ یې کاغذي پېژندپاڼې شاملې دي.
غزني کې چارواکي وايي چې د دغه ولایت د خوارځواکو ماشومانو د درملنې مرکز د نهه میلیونه افغانیو په لګښت له ۱۲ بسترو څخه ۲۰بسترو ته ارتقا وکړه.
د غزني ولایتي روغتون رییس نیازمند نوري سلاموطندار ته وايي چې د یاد درملیز مرکز د ارتقا او تجهیزاتو لګښت نه میلیونه افغانۍ شوی چې د «PUMAI» موسسې لهخوا ورکړل شوی دی.
د خوړو او درملو ملي ادارې مسوولان وايي چې بلخ کې یې د «تاریخ تېرو او بېکیفیته درملو د وارداتو د مخنیوي او له بازار د څار» په پار د دې ادارې یوه څانګه پرانېستله.
د میدانوردګ د طبیعي پېښو پر وړاندې د مبارزې ریاست چارواکي وایي چې د وروستیو اورښتونو او سېلابونو له امله درې کسان مړه شوي او دوه نور ټپيان او لسګونه کورونه نړېدلي دي.
د بهرنیو چارو وزارت په یوې خبرپاڼې کې ویلي، د دغه وزارت سرپرست امیرخان متقي د افغانستان په چارو کې د ایران د ولسمشر له ځانګړي استازي حسن کاظمي قُمي سره لیدلي دي. د خبرپاڼې پر بنسټ، د دوه اړخیزو اړیکو ښه کول، د ایران حقابې تامین ترڅنګ، د سیمهییز پرمختګونه د دې لیدنې د بحث وړ موضوعات بلل شوي دي.
د افغانستان د علماو شورا مسوولان وايي چې هېواد کې د «عصري زدهکړو» کچه د معیار له پلوه تر ټولو ټیټې کچه کې ده.
د یادې شورا مسوولانو دغه څرګندونې نن دوشنبه، غويي درېیمه کابل کې د یوې دیني مدرسې له «حفظ او حدیث» دورې څخه د ۴۵ نارینهوو او نجونو فراغتغونډه کې کړې دي.
د هلمند محلي مسوولان وايي چې د دغه ولایت په کجکي او بغني ولسوالیو کې د اورښتونو له امله څلور کسان مړه شوې دي.
د یادو ولسوالیو خلکو ته د شویو اورښتونو له کبله پراخ مالي زیانونه هم اوښتي دي. د مسوولانو په وینا، اورښتونه پرون پنجشنبه، وري ۳۰مه پیل شوې دي.
د بهرنیو چارو وزارت په پاکستان کې د راوتلیو سېلابونو او د اوښتو مالي او ځاني زیانونو له امله دغه هېواد ته خپله ژوره خواخوږي څرګنده کړې ده.
د بهرنیو چارو وزارت ویاند عبدالقهار بلخي پر خپله اېکسپاڼه لیکلي چې ا.ا د یادو سېلابونو له امله زیانمنو شویو کورنیو په ځانګړې توګه د قربانیانو کورنیو او د دغه هېواد حکومت ته د تسلیت مراتب وړاندې کوي.
خوست کې د خوړو او درملو امریت مسوولان وايي، دغه ولایت کې یې، هغه ۱۳۵۰ کارټنه تاريخ تیري خوراکي توکي نيولي چې د نېټې د نويکېدو او بېرته یې د بستهبندۍ هڅه کېدله.
سلاموطندار له ښوونځیو او پوهنتونونو څخه له راګرځول شویو ۳۰ نجونو سره د مرکو پرمهال موندلې چې د یادو نجونو ترمنځ د «کتاب لوستلو» انګېزه د پام وړ کمه شوې.
د مرکو پرمهال ۱۷ نجونو ویلي چې له ښوونځیو او پوهنتونونو څخه تر راګرځولو وروسته یې د کتاب لوستلو ته انګېزه نهلري او له کتابونو سره یې مخه ښه کړې.
هرات کې د نسايي-ولادي برخې یوشمېر ډاکټرانې وايي، د دغه ولایت د لروپرتو سیمو په مېرمنو او نجونو کې د «تخمدان کیست» ناروغي د پام وړ پراخه شوې. په ورته مهال هرات کې یوشمېر کلیوالي مېرمنې سلاموطندار ته وايي، د میاشتنۍ ناروغۍ پرمهال له طبي وسایلو استفاده د کورنیو د دودونو او باورونو له امله ممنوع ده.
د افغانستان بانک مسوولان وايي چې راتلونکې «شنبه، غویي لومړۍ نېټه» به «۱۶» میلیونه امریکايي ډالر د لیلام په توګه بازار ته وړاندې کړي.
د افغانستان بانک نن (پنجشنبه، د وري ۳۰مه) پر اېکس شبکه «ټوېټرپاڼه» لیکلي چې د «افغانۍ» ارزښت ساتنې او ثبات لپاره به راتلونکې شنبه «۱۶» میلیونه امریکايي ډالر لیلام کړي.
د نیوزیلنډ کرېکټ ملي لوبډلې نن د پاکستان په کوربهتوب د دغه هېواد د کرېکټ له ملي لوبډلې سره د شل اووره سیالیو لوبلړۍ پیلوي.
ټاکل شوې چې یاده لوبه نن پنجشنبه، اپرېل ۱۸مه د پاکستان د «راولپنډۍ په کرېکټ لوبغالي» کې ترسره شي.
د هند کرېکټ غوره لیګ «ایپياېل» کې نن د ممبی انډیینز کرېکټ لوبډله د پنجاب کنګز له لوبډلې سره سیالي کوي.
ټاکل شوې چې یاده لوبه نن «پنجشنبه، اپرېل ۱۸مه» د هند د مولانپور په «مهاراجا یډفنډرا سېنګ کرېکټ لوبغالي» کې ترسره شي.
پېښو ته د رسېدو په چارو کې د دولت وزارت مسوولانو کابل کې د یوشمېر بنسټونو او نړیوالو مرستندویه موسسو له استازیو سره په لیدنه کې له یادو بنسټونو غوښتي چې هېواد کې د وروستیو سیلابونو او بارانونو له امله زیانمنو شویو کورنیو سره د مرستو په رسولو کې همکاري وکړي.
د افغانستان کرېکټ ملي لوبډلې د شل اووره سیالیو لوبډلمشر راشدخان وايي چې اسټرالیا باید په دې پوه شي چې کرېکټ، افغانستان کې د خلکو د خوښۍ یوازینۍ سرچینه ده. د اسټرالیا کرېکټ بورډ د روان کال په جنورۍ کې اعلان وکړ چې له افغانستان سره د روان کال اګسټ میاشت کې کېدونکې د شل اووره سیالیو لوبلړۍ ځنډوی.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
