د میدانوردګ د طبیعي پېښو پر وړاندې د مبارزې ریاست چارواکي وایي چې د وروستیو اورښتونو او سېلابونو له امله درې کسان مړه شوي او دوه نور ټپيان او لسګونه کورونه نړېدلي دي.
د دغه ولایت د طبیعي پېښو پر وړاندې مبارزې ریاست رییس فیضالله جلالي سلاموطندار ته وویل، د وروستیو اورښتونو له امله په مرکز میدانښار، جلرېز، نرخ، چک او دایمیرداد ولسوالیو کې د ځاني زیان سربېره شاوخوا ۴۰ کورونه نړېدلي، ۶۰۰ جریبه کرنیز فصلونه او لسګونه څاروي هم لهمنځه تللي دي.
د سلاموطندار پښتو فېسبوکپاڼه وڅارئ
جلالي زیاته کړه چې په یوشمېر ولسوالیو کې د سېلابونو له امله پلونه او پلچکونه هم تخریب شوي، خو تراوسه کومه لاره د خلکو د تګراتګ پر مخ نهده تړل شوې.
د نوموړي په وینا، مرکز او ولسوالیو کې د وروستیو اورښتونو او سېلابونو له امله د اوښتو زیانونو په اړه یې پېښو ته د رسېدو په چارو کې د دولت وزارت سره خپل راپور شریک کړی، خو په وینا یې، کورني او نړیوال بنسټونه دې هم په دغه ولایت کې له سېلابځپلیو سره بېړنۍ مرستې وکړي.