د میدانوردګ د طبیعي پېښو پر وړاندې د مبارزې ریاست چارواکي وایي، بېګاه شپه د سختو اورښتونو وروسته په سیداباد او جغتو ولسوالیو کې سېلابونه راوتلي چې خلکو ته یې درانه مالي زیانونه اړولي دي.
د میدانوردګ د طبیعي پېښو پر وړاندې د مبارزې ریيس فیضالله جلالي سلاموطندار ته وویل چې په یادو سېلابونو کې خلکو ته د مالي زیانونو اوښتو ترڅنګ، لوې لارې او پلونه هم ویجاړ شوي دي.
د سلاموطندار پښتو فېسبوکپاڼه وڅارئ
جلالي زیاته کړه چې ډېر ژر به په یادو ولسوالیو کې د اوښتو زیانونو سروې پیل او زیانمنو شویو کورنیو سره به د خوراکي او غیرې خوراکي توکو مرستې وشي.
باید وویل شي چې دوه اوونۍ وړاندې هم د میدانوردګ په جلرېز، نرخ او جغتو ولسوالیو کې د سختو اورښتونو له امله شاوخوا ۶۰ کورونه نړول شوي او نږې زر جریبه کرنیزه ځمکه تخریب شوې وه.