د نړیوالې ټولنې ۴۰ میلیونه نغدي مرسته کابل ته راورسېده
د افغانستان بانک په یوې خپره کړې خبرپاڼه کې ویلي چې افغانستان سره د نړیوالې ټولنې د بشردوستانه مرستو په لړ کې نن چهارشنبه د وږي ۳۰مه د ۴۰ میلیونه ډالرو د مرستې یوه بله جوپه کابل ته راورسېده.
د افغانستان بانک په یوې خپره کړې خبرپاڼه کې ویلي چې افغانستان سره د نړیوالې ټولنې د بشردوستانه مرستو په لړ کې نن چهارشنبه د وږي ۳۰مه د ۴۰ میلیونه ډالرو د مرستې یوه بله جوپه کابل ته راورسېده.
د کابل د امنیې قومنداني ویاند خالد ځدراڼ د درېیمې امنیتي حوزې اړوند دهمزنګ سیمه کې چاودنه تایید کړې او ویلي یې دي، پېښه کې درې کسان وژل شوي او ۱۳ نور ټپیان دي.
چاودنه نن چهارشنبه د وږي ۳۰مه د برښنا عمومي ریاست ته څېرمه په یوه هوټل کې رامنځته شوې وه.
د جوزجان مرکز شبرغان ښار ته څېرمه د خښتو بټیو د دغې سیمې اوسېدونکي پر بېلابېلو ناروغیو اخته کړي چې هره ورځ له دوو تر پنځو ناروغان له یادو سیمو ډاکټرانو ته مراجعه کوي.
د پکتیکا د ارګون ولسوالي هټۍوال وایي، له نن سهار راهیسې یې بازار له دې امله د اعتراض په توګه تړلی چې د مستوفیت مسوولانو لهخوا ترې د تېرو کلونو په پرتله څو چنده مالیه اخیستل کېږي.
کاپیسا کې یوې حکومتي سرچینې د نوم نه ښودلو په شرط سلاموطندار ته ویلي، دغه ولایت کې د دوو ښځو په ګډون څلور کسان د نامشروع اړیکو په تور په «دُرو» وهل شوي دي.
د هلمند محلي مسوولانو منلې چې درې ورځې وړاندې دغه ولایت کې د کور په کور چاڼیزو عملیاتو پرمهال امنیتي ځواکونو په تېروتنه دوه ښځې وژلي او دوه نور یې ټپیانې کړې دي.
د امریکا د بهرنیو چارو وزارت په افغانستان کې له ښځو سره د اقتصادي مرستې لپاره د یوې نوې طرحه خبر ورکوي.
د امریکا د بهرنیو چارو وزیر انټوني بلنکېن بېګاه شپه د وږي ۲۹مه پر خپله ټوېټرپاڼه لیکلي چې امریکا په افغانستان کې د ښځو اقتصادي پیاوړتیا په موخه یوه نوې طرحه چمتو کړې ده.
د لوګر امنیې قومنداني مسوولان وايي، پرون مازدیګر د مرکز پلعلم په «جمعه کلا» سیمه کې د یوې ټرافیکي پېښې پرمهال د ښځو او ماشومانو په ګډون دوه کسان مړه او دوه نور ټپیان شوي دي. هغه زیاته کړه، ټپیان ولایتي روغتون ته لېږل شوي چې د یوه ماشوم روغتیايي حالت نازک ښودل شوی دی.
د کورنیو چارو وزارت د نشهيي توکو پروړاندې د مبارزې معین عبدالحق اخوند نن د خپل کلني کاري راپور وړاندې کولو په خبري غونډه کې وویل چې اوس په ټول افغانستان کې یو جریب ځمکه نشته چې تریاک یا چرس دې پرې کرل شوي وي.
هغه وايي، د تریاکو او چرسو ټول کښتونه یې له منځه وړي دي. د نوموړي په وینا، نه یوازې افغانستان، بلکې ټوله نړۍ د نشهيي توکو له ستونزې سره مخ ده.
د پاکستان د بهرنیو چارو وزیر بلاول بوټو زرداري د افغانستان لپاره د امریکا له ځانګړي استازي ټوماس وېسټ سره په خبرو کې ویلي چې «سولهيیز، باثباته او پر ځان بسیا افغانستان د پاکستان لومړیتوب دی.» د پاکستان د بهرنیو چارو وزارت په یوه خبرپاڼه کې لیکلي چې بلاول بوټو زرداري په نیویارک کې له ټوماس وېسټ سره خبرې کړې دي.
د کورنیو چارو وزارت وايي چې یوې سوداګرې مېرمنې د دغه وزارت د مرکزي ادارو لپاره د ډبرو سکرو د برابرولو قرارداد ګټلی دی.
د رییس الوزرا دویم مرستیال عبدالسلام حنفي «کسبګرو او هټۍوالو څخه د ملاتړ» غونډه کې د مالیو راټولولو پرمهال پر شفافیت ټینګار وکړ او وویل چې هېوادوالو څخه د ا.ا لهخوا راټوله شوې مالیه تر ډېره د ښوونې او روزنې او روغتیا په برخو کې لګول کېږي.
هېواد کې د نورو ناورینونو او ننګونو ترڅنګ روانې وچکالۍ هم خلک او کروندګر تر ډېره اغېزمن کړي دي. کروندګر وايي چې د عاید یوازینۍ سرچینه کښت دی، خو سږنۍ وچکالي او د حاصلات نهشتون، له اقتصادي پلوه زیانمن کړي دي.
د نیمروز محلي چارواکي وايي، په تېره یوه اوونۍ کې له ایران څخه شاوخوا ۶۰۰۰ افغان کډوالو بېرته هېواد ته راستانه کړل شوي دي.
باختر خبري اژانس د دغه ولایت د کډوالو چارو رییس صدیقالله نصرت له قوله نن سهشنبه د وږي ۲۹ پر خپله ټوېټرپاڼه لیکلي چې دغه افغان کډوال دغه ولایت کې د ورېښمو پُل له لارې له ایران څخه بېرته هېواد ته راشړل شوي دي.
پکتیا کې مېشت یوازینی افغان سېک وايي چې هېواد کې د وروستیو جګړو پرمهال یې کورونه او عبادتځایونه ویجاړ شوي او هغه چې پاتي، زورواکي ترې نیولي دي.
د کابل ـ جلالاباد پر لویه لاره د جلالاباد ښار اومې ناحیې نظراباد سیمه کې یو پل د تېرو سېلابونو پرمهال نړېدلی چې له کبله یې پر دغه لویه لاره موټر چلوونکي او مسافر د تګ راتګ پرمهال له ستونزو سره مخ دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون