که څه هم نړیوالې ټولنې د اسلامي امارت له واکمنېدو وروسته هم له افغانانو سره خپلې بشري مرستې نه یوازې کمې کړې نه دي، بلکې نورې هم زیاتې شوې دي، خو یوشمېر کابل ښاریان بیا شکایت کوي چې د دوی په نوم راغلې مرستې، اړمنو کورنیو ته نه رسېږي.
یوشمېر هېوادوال وايي چې په سمه توګه روغتیايي خدمتونو ته لاسرسی نهلري او روغتونونو کې روغتیاپالان یې له ناروغانو سره ناسم چلن کوي.
بلخ کې نن لسګونه مېرمنو او ښځینه زدهکړیالانو کابل کې پر کاج ښوونیز مرکز د برید په غبرګون کې لاریون وکړ.
اعتراض کوونکو مېرمنو د لاریون پرمهال د «هزاره وژنه بس کړئ»، «تعلیم زموږ حق دی»، «امنیت زموږ حق دی» او «ازادي زموږ حق دی» شعارونه ورکول او د عدالت د ټينګښت غوښتنه یې کوله. .
کندهار کې یوشمېر ښځينه صنعتکارانې سلاموطندار ته وايي، په دې وروستیو کې يې صنعتي کارونه پیکه شوي او ان تر دې چې کاروبار يې په ټپه ولاړ دی.
دوی زیاتوي چې د ګڼشمېر ښځينه صنعتکارانو کاري جوازونه تر وخت تېر شوي، خو د اړوندو مسوولو ادارو لهخوا نه تمدیدېږي.
د بامیان محلي مسوولان وايي چې دغه ولایت کې د یوې ټرافیکي پېښې پرمهال یو کس مړ شوی او دوه نور ټپیان دي.
په افغانستان کې د ملګرو ملتونو سیاسي استازولي یا یوناما نن دوشنبه د تلې یوولسمه پر خپله ټوېټرپاڼه لیکلي چې د کابل د لوېدیځ دشتبرچي سیمه کې پر کاج ښوونیز مرکز د شوي برید له امله د مرګژوبلې شمېرې په زیاتېدو دي.
یوناما ویلي چې دې پېښه کې د وژل شویو شمېر ۴۳ او د ټپیانو بیا ۸۳ کسانو ته لوړ شوی دی.
د ښځو لاسي صنایعو درېورځنی نندارتون نن د بلخ په مرکز مزارشریف ښار کې جوړ شو. ۶۰۰ ښځو په دغه نندارتون کې خپل لاسي صنایع نندارې ته ايښي، څو یې لپاره پېرودونکي ومومي.
د ښځو په لاس جوړ شوي څیزونه او د هغوی تولیدات په ۸۰ غرفو کې نندارې ته اېښودل شوي دي.
د افغانستان لپاره د ملګرو ملتونو د بشري حقونو ځانګړي راپورورکوونکي ریچارډ بنټ وايي، د اسلامي امارت مشرانو په بېلابېلو ډلو وېشل شوي او همدا لامل دی چې د ښوونځیو پرانېستل کېدو په واړه واحد دریځ نه لري.
افغانستان کې لسیزو جګړو له ګڼشمېر افغانانو قرباني اخیستې چې د معلوماتو پربنسټ، یوازې تېرې شل کلنې جګړې هېواد کې د ۴۵زره امنیتي ځواکونو ژوند ترې اخیستی دی.
د حزب اسلامي مشر ګلبدین حکمتیار دوه ورځې وړاندې د جمعې لمانځه پرمهال د هېواد روان امنیتي وضعیت څخه اندېښنه وښوده او د امنیت ټينګښت لپاره یې اسلامي امارت ته یوه طرحه وړاندیز کړه. حکمتیار ویلي، خبرې باید داسې هېواد کې پیل شي چې د افغانستان کورنیو جګړو کې یې لاس نهوي لرلی.
بدخشان کې سرچینې وايي چې د دغه ولایت په کوهستان ولسوالي کې یوه کس خپله مخکینۍ مېرمن او خواښې وژلي دي.
سرچینې زیاته کړې چې پېښه بېګاه شپه ۱۰ بجې د کوهستان ولسوالي په «وخنده» کلي کې رامنځته شوې ده.
د هرات پوهنتون ښځینه زدهکړیالانو کابل کې پر «کاج» ښوونیز مرکز خونړي برید ته په غبرګون کې نن اعتراضیه لاریون وکړ.
لاریون کوونکو نن (یکشنبه، تلې لسمه) د هرات پوهنتون مخې ته د «زدهکړه زموږ حق دی»، «نسل وژنه ودروئ» او «چوپتیا خیانت دی» شعارونه ورکول او پر ښوونیزو مرکزونو د بریدونو د درېدو غوښتنه یې کوله.
پاکستاني رسنیو خبر ورکړی چې د دغه هېواد محکمې د پاکستان د مخکیني لومړي وزیر عمرانخان د نیولو امر کړی دی.
یوشمېر ښځې نن د کابل په لوېدیځ دشتبرچي سیمه کې د اعتراض په ډول سړکونو ته راووتلي، څو دغه ځای کې پر یوه ښوونیز مرکز پرونی برید وغندي، خو د اسلامي امارت ځواکونو د اعتراض اجازه ور نهکړه.
د ا.ا ځواکونو په دې سیمه کې خبریالانو ته هم اجازه ور نهکړه چې یاد لاریون ته خبري پوښښ ورکړي.
د بلوچستان د بېلتونپاله بلوڅو (بياِلای) د پوځ ویاند آزاد بلوڅ ادعا کوي چې د پاکستان پنځه پوځیان یې وژلي دي.
د نوموړي په وینا، ځواکونو یې پرون جمعه د بلوچستان ایالت په «کوهلوای» سیمه کې د پاکستان د استخباراتو یو پټنځای الوځولی دی.
د خوست د اطلاعاتو او فرهنګ ریاست چارواکي وایي چې په دغه ولایت کې د رڼا په نوم محلي راډیو نن د مالي ستونزو له امله خپل نشرات بند کړل.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
