روزګان کې بېوزله او بېپرسته کورنۍ وايي چې روان سوړ ژمي کې له ګڼو ستونزو سره لاس او ګرېوان دي او بېلابېلې ناروغۍ یې ژوند له ګواښ سره مخ کړی دی.
دغه بېپرسته کورنۍ سلاموطندار ته وايي چې کور کې د خوړو لپاره څه نهلري او په وینا یې، حکومت باید ورسره بېړنۍ مرستې وکړي.
نن د فبروري دیارلسمه د راډیو له نړیوالې ورځ سره برابره ده. دغه ورځ داسې مهال رارسېږي چې په تازهګۍ سره هرات کې د «سحر» په نوم د ښځو ځانګړې محلي راډیو د مالي ستونزو او محدودیتونو له امله خپل فعالیتونه درولي دي.
ترکیه او سوریه کې د شوې زلزلې له کبله د مړو شویو کسانو شمېر له ۳۶۰۰۰ اوښتی دی. د رسنیو د راپورونو له مخې، لا هم د ویجاړو شویو ودانیو تر خاورو لاندې د ژوندیو کسانو د لټون هڅې روانې دي.
د بدخشان محلي مسوولان وايي چې د دغه ولایت د واخان ولسوالي ورک کلي کې یې هغه واورین پړانګ بېرته ازاد کړی چې د خلکو لهخوا نیول شوی و.
د روزګان یوشمېر ځوانان وايي چې د دغه ولایت له دولتي ادارو ګڼشمېر پر کار پوه ځوانان له دولتي ادارو کوښه کړل شوي او پر ځای یې د اسلامي امارت اړوند کسان ګومارل شوي دي.
د جوزجان-بلخ پر لویه لاره د ټرافیکي پېښې له کبله یوه کس خپل ژوند له لاسه ورکړی او درې نور کسان ټپیان شوي دي.
د جوزجان د فیضاباد ولسوالي د امنیې قومندان کفایتالله متوکل سلاموطندار ته ویلي چې پېښه د کرولا ډوله او پلنګکوچ موټرو ترمنځ د ټکر له امله رامنځته شوې ده.
د پاکستان د خېبرپښتونخوا ایالت په میرلي سیمه کې د ځانمرګي برید له کبله درې کسان وژل شوي او ۲۲ نور ټپیان دي.
پاکستاني رسنیو نن یکشنبه د سلواغې ۲۳مه راپور ورکړی چې ځانمرګي بریدګر خپل زرنج موټرسایکل د امنیتي ځواکونو له موټرو سره جنګولی چې له امله یې یاده مرګژوبله رامنځته شوې ده.
د هند او اسټرالیا د کرېکټ ملي لوبډلو ترمنځ د لومړۍ ټسټ لوبې پر دویمه ورځ د هند لوبډلمشر روهیت شرما په ټسټ لوبو کې د خپلې لوبډلمشرۍ لومړۍ سلیزه ترلاسه کړه.
په ترکیه کې د افغانستان سفارت ویلي چې دغه هېواد کې د شوې زلزلې له امله ۲۰۰ افغانانو خپل ژوند له لاسه ورکړی دی. افغان سفارت د ترکیې له حکومت او بشري بنسټونو غوښتنه کړې چې دغه هېواد کې د افغان کډوالو وضعیت ته پام وکړي. د روانې سلواغې میاشتې په ۱۷مه د ریښتر په کچه ۷.۸ درجې د دوو ګاونډیو هېوادونو ترکیې او سوریې د سرحدي سیمو ډېره برخه ولړزوله.
ترکیه او سوریه کې د زلزلې له امله د مړو شویو کسانو شمېر له ۲۱۰۰۰ اوښتی دی. د ترکیې مرستیال ولسمشر فواد اوکتای دغه هېواد کې د زلزلې له امله د مړو شویو او ټپیانو وروستۍ شمېرې له رسنیو سره شریکې کړې. فواد اوکتای ویلي، تراوسه دغه هېواد کې ۱۸۳۴۲ کسانو په زلزله کې خپل ژوند له لاسه ورکړی او ۷۴۲۴۲ کسان هم ټپیان شوي دي.
د بهرنیو چارو وزارت امیرخان متقي افغانستان کې د جاپان له سفیر تاکاشي اوکادا سره کتلي دي.
د بهرنیو چارو وزارت ویاند عبدالقهار بلخي پر خپله ټوېټرپاڼه لیکلي چې د بهرنیو چارو وزارت سرپرست امیرخان متقي پرون چهارشنبه د سلواغې ۱۹مه کابل کې د جاپان له سفیر تاکاشي اوکادا سره لیدلي دي.
ترکیه او سوریه کې د روانې اوونۍ د دوشنبې پر ورځ د شوې زلزله له امله د مړو شویو کسانو شمېر له ۱۷۰۰۰ پورته شوی دی. د رسنیو د راپورونو له مخې، دواړو هېوادونو کې په ټولیزه توګه د زلزلې له کبله ۱۷۱۷۶ کسان مړه شوي او زرګونه نور ټپیان دي.
د افغانستان بانک پر خپله ټوېټرپاڼه لیکلي چې افغانستان سره د بشردوستانه مرستو په لړ کې پرون چهارشنبه د سلواغې ۱۹مه د ۴۰ میلیونه ډالرو یوه بله کڅوړه کابل ته رسېدلې ده.
د ۴۰ میلیونه امریکايي دغه کڅوړه له نږدې یوه میاشتني ځنډ وروسته کابل ته رالېږدول شوې ده. د نغدي مرستو وروستۍ کڅوړه د مرغومې په ۲۴مه راستول شوې وه.
د دایکندي او بامیان د ټولګټو ریاستونو مسوولان وايي چې د دغو ولایتونو ټولې مواصلاتي لارې د واورې د ورښت او توپان له کبله تړل شوي دي.
د دایکندي د ټولګټو ریاست سرپرست لعلمحمد یوسفي سلاموطندار ته ویلي چې مرکز ته د ټولو ولسوالیو لارو سربېره په «قوناق» کوتل د دایکندي-بامیان لویه لاره هم له بېګاه راهیسې د ټرافیکو پر مخ تړل شوې ده.
د جوزجان او بلخ پر لویه لاره د یوې ترافیکي پېښې له کبله څلور کسانو خپل ژوند له لاسه ورکړی او درې نور ټپیان شوي دي.
د جوزجان د فیضاباد ولسوالي د امنیې قومندان کفایتالله متوکل وايي چې پېښه پرون ماښام د سلواغې ۱۹مه د جوزجان-بلخ پر لویه لاره د یوې سراچه ډوله او هینو موټر ترمنځ رامنځته شوې ده.
په ترکیه او سوریه کې د روانې اوونۍ د دوشنبې ورځې زلزلې له کبله د مړو شویو کسانو شمېر ۱۱۲۲۴ ته لوړ شوی دی. په دواړو هېوادونو کې لا هم د کنډوالو او خاورو لاندې د ايسارو کسانو د ژغورنې عملیات روان دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
