د بدخشان محلي مسوولان وايي چې د دغه ولایت د واخان ولسوالي ورک کلي کې یې هغه واورین پړانګ بېرته ازاد کړی چې د خلکو لهخوا نیول شوی و.
د بدخشان د اطلاعاتو او فرهنګ رییس معزالدین احمدي سلاموطندار ته ویلي، دغه واورین پړانګ وروسته له هغې د خلکو لهخوا نیول شوی و چې یاد کلي کې یې د خلکو پر څارویو برید کړی و.
د نوموړي په وینا، یاد واورین پړانګ ته زیان نه دی رسېدلی او د محلي مسوولانو له لوري بېرته طبیعت ته ګرځول شوی دی.
معزالدین احمدي همداراز وویل چې واورین پړانګ د کلیوالو اته پسونه هم لهمنځه وړي دي.
سلاموطندار پر ټویټر هم وڅارئ
واورین پړانګان هغه حیوانات دي چې نړۍ کې ډېر لږ پیدا کېږي، خو د افغانستان د بدخشان په پامیر او واخان کې لا هم دغه پړانګان شته. د معلوماتو له مخې، یاد پړانګان د نورستان، لغمان او بامیان په غرونو کې هم لیدل شوي دي.