پاکستاني رسنیو د ملګرو ملتونو د کډوالو ادارې یا (یواېناېچسيار) د چارواکو له قوله راپور ورکړی چې دغه اداره په پام کې لري چې یاد هېواد کې ۸۰۰زره سېلاب ځپلیو افغان کډوالو سره مرسته وکړي.
رسنیو همداراز ویلي چې اسلاماباد کې د امریکا سفارت دغه هېواد کې له سېلاب ځپلیو سره د دوو میلیونو ډالرو نوې مرستې اعلان هم کړی دی.
له ۲۰۰۵ کال راپدېخوا نن د انګلستان کرېکت ملي لوبډله په لومړي د پاکستان کراچۍ ښار کې د دغه هېواد د کرېکټ ملي لوبډلې سره لوبه کوي.
دغه سیالي به د پاکستان پر وخت نن شپه ۷:۰۰ بجې پیل شي.
د پاکستان لومړی وزیر شهباز شریف وايي، نړۍ باید افغانستان کې د وضعیت ښهوالي په موخه له یوه بل سره همکاري وکړي او افغانستان باید له پامه ونه غورځول شي.
نوموړي دغه څرګندونې نن جمعه د ازبکستان په سمرقند ښار کې د شانګهای همکاریو سازمان د غړیو هېوادونو د مشرانو په غونډه کې کړي دي.
د ا.ا د ویاند مرستیال بلال کریمي نن چهارشنبه د وږي ۲۳مه پر خپله ټوېټرپاڼه لیکلي چې د ډیورنډ پر فرضي کرښه د ا.ا او پاکستاني ځواکونو ترمنځ نښته رامنځته شوې ده. بلال کریمي زیاته کړې چې پاکستاني ځواکونو غوښتل د ډیورنډ کرښې ته نږدې پوسته جوړه کړي، خو د ا.ا ځواکونو یې مخه نیولې چې په پایله کې یې د دواړو لوریو ترمنځ نښته شوې ده.
د ریاست الوزرا اقتصادي معاونیت نن چهارشنبه د (وږي ۲۳) پر خپله ټوېټرپاڼه لیکلي چې د کابل ښار له بېلابېلو سیمو څخه یې تراوسه د ښځو او ماشومانو په ګډون ۵۹۱۴ سوالګر راټول کړي دي. همداراز د کابل له بېلابېلو سیمو څخه په راټولو شویو ۵۱۸ نارینه سوالګرو کې ۱۳۸ یې مستحق او ۳۸۰ یې مسلکي ښودل شوي دي.
د افغانستان کرېکټ ملي لوبډله نن د اسیا کپ روان څلور غوره پړاو سیالیو په لړ کې د هند کرېکټ ملي لوبډلې پر وړاندې لوبه کوي. دواړه لوبډلې اسیا کپ څخه بهر شوي او دغه لوبه یوازې تشریفاتي بڼه لري. ټاکل شوې چې یاده سیالي نن ماښام د افغانستان په وخت ۶:۳۰ بجې پیل شي. افغانستان او هند دواړو په روان پړاو کې له پاکستان کرېکټ ملي لوبډلې څخه ماتې خوړلې دي.
د اسیا کرېکټ کپ روان پړاو کې نن د افغانستان کرېکټ ملي لوبډله د پاکستان له کرېکټ ملي لوبډلې سره لوبه کوي.
ټاکل شوې چې دغه سیالي نن ماښام د افغانستان پر وخت ۶:۳۰ بجې پیل شي.
د افغانستان د کرېکټ ملي لوبډلې روزنکی عمرګل وايي چې د اسیا کرېکټ جام په روان پړاو کې له پاکستان سره په نننۍ لوبه کې یې د بابر عظم او محمد رضوان لپاره ښه پلان جوړ کړی دی.
د اسیا کرېکټ جام سیالیو په لړ کې نن د دغو لوبو له لومړي ګروپ څخه پاکستان د هانګ کانګ لوبډلې پر وړاندې لوبه کوي.
ټاکل شوې چې دغه سیالي نن ماښام د افغانستان په وخت ۶:۳۰ بجې پیل شي.
د اسیا کپ د څلور غوره لوبډلو پړاو ته تراوسه افغانستان، هند او سریلانکا لار پیدا کړې چې څلورمه لوبډله به یې نن د پاکستان او هانګ کانګ کرېکټ لوبډلو ترمنځ د سیالي ګټونکې لوبډله وي. سریلانکا کرېکټ ملي لوبډلې بېګاه له یوې په زړه پورې سیالي وروسته بنګلدېش ته ماته ورکړه او سبا به له افغانستان سره د یاد کپ د څلور غوره لوبډلو پړاو کې لوبه وکړي.
د افغانستان د کرېکټ ملي لوبډله نن د اسیا جام په لومړۍ سیالي کې د سریلانکا کرېکټ ملي لوبډلې پر وړاندې لوبېږي. ټاکل شوې دغه سیالي نن ماښام د افغانستان پر وخت ۶:۳۰ بجې پیل شي.
د اسیا کرېکټ جام ته د لارموندنې سیالیو په لړ کې بېګاه شپه دوه لوبې وشوې چې کویټ سنګاپور او هانګ کانګ عربي متحده اماراتو ته ماتې ورکړې، خو هانګ کانګ لوبډلې په خپلې بریا سره د اسیا جام ته لار پیدا کړه.
د اسیا کرېکټ جام ته د لارموندنې سیالیو په لړ کې نن هانګ کانګ لوبډله له عربي متحده اماراتو او کویټ له سینګاپور لوبډلې سره لوبېږي.
د افغانستان کرېکټ بورډ د راتلونکي اسیا کرېکټ جام سیالیو لپاره نن د ملي لوبډلې د لوبغاړو نوملړ اعلان کړ. د کرېکټ بورډ د معلوماتو له مخې، په اعلان شوې ۱۷ کسیزه لوبډله ۷ توپوهونکي، ۶ الرونډران او ۵ یې توپ اچوونکي دي.
د بشري حقونو د څار بنسټ، د ښځو برخې مرستیاله هیدر بار وايي، حکومتونو له افغان ښځو سره پر خپلو کړيو ژمنو عمل نه دی کړی او له همدې امله باید له دوی څخه بښنه وغواړي.
د دفاع وزارت سرپرست محمد یعقوب مجاهد د ا.ا د واکمنۍ لومړۍ کلیزې په اړه جوړه شوې غونډې ته د وینا پرمهال وویل، واخان د افغانستان سر دی او تر څو چې دوی وي، افغانستان به خوندي وي. نوموړي وویل: «واخان د افغانستان لپاره د سر حیثیت لري، څو چې موږ پورې سرونه وي، افغانستان به خوندي وي.»
