د تورخم کمیسار مولوي عصمتالله یعقوب وایي، پاکستان بېګاه ناوخته یو ځل بیا د تورخم دروازه د ټرانزیټ پر مخ وتړله.
د نوموړي په وینا، د پاکستان نظامي مسوولانو بېګاه ناوخته غوښتل چې د تورخم دروازې ته څېرمه شل متره د افغانستان خوا ته د لوحې په پلمه بله دروازه جوړه کړي، خو دوی یې د جوړېدو مخه نیولې ده.
د تورخم کمیسار زیاتوي چې پاکستاني لوري د دوی له غبرګون وروسته د تورخم دروازه د هر ډول ټرانزیټ پر مخ وتړله.
سلاموطندار پر ټویټر هم وڅارئ
د یادونې ده چې پاکستان څو ورځې وړاندې هم د تورخم دروازه د ټرانزیټ پر مخ تړلې وه چې له کبله یې ګڼشمېر افغان سوداګرو ته مالي زیانونه اوښتي وو.
