د اروپايي ټولنې د بهرني سیاست مسوول جوزپ بورل نن پر ټویټر د نجونو پر مخ د پوهنتون د دروازو تړل کېدو په اړه د اسلامي امارت پرېکړه غندلې ده.
نوموړي د اسلامي امارت د دې پرېکړې د غندنې ترڅنګ، ویلي چې دا په نړۍ کې یوه بېمخینې کار دی.
هغه ټینګار کړی چې اروپايي ټولنه په افغانستان کې د اسلامي امارت له لوري د نجونو پر مخ د پوهنتون د دروازو تړل کېدل نه یوازې په سختو ټکو غندي، بلکې دا د افغانانو د حقونو او غوښتنو نقض بولي.
جوزپ بورل زیاته کړې چې اسلامي امارت په دغه کار سره افغان ټولنه د ښځو له همکارۍ محرومه کړې ده.
د لوړو زدهکړو وزارت بېګاه د یوه مکتوب له لارې له ټولو دولتي او خصوصي پوهنتونو او موسسو څخه وغوښتل چې تر بل امر پورې دې پوهنتونونو ته د نجونو ښوونځیو د مخنیوي په اړه د کابینې پرېکړه عملي کړي.
د سلاموطندار پښتو فېسبوکپاڼه وڅارئ
د اسلامي امارت دا پرېکړه په ملي او نړیواله کچه له توندو غبرګونونو سره مخامخ شوې ده.
