په افغانستان کې د ملګرو ملتونو د ماشومانو د ملاتړ صندوق یا یونیسف ویلي چې ټاکل شوې د اروپايي ټولنې په همکارۍ په افغانستان کې ۳۸۵ دولتي ښوونځي جوړ او ۲۰۰ زره افغان ماشومانو ته د زدهکړو اسانتیاوې برابرې کړي.
د بهرنیو چارو وزارت سرپرست امیرخان متقي د افغانستان لپاره د اروپايي ټولنې له ځانګړي استازي ټوماس نېکلاسون سره د لیدنې پر مهال ویلي، له نړۍ سره د مثبتو اړیکو ساتل د ا.ا پالیسي ده.
د اروپايي ټولنې کمېسیون وايي چې د اېلن ماسک د پیغام رسولو ټولنیز پلټفارم «اېکس» د «ګوګل او ټېکټاک» په پرتله د کاروونکو له منځپانګې کم څارونکي لري.
د دې کمېسیون یوه غړي ویلي، اېکس دا مهال د کاروونکو منځپانګې څخه د څارنې لپاره ۲۲۹۴ څارونکي لري چې د ګوګل او ټېکټاک په پرتله خورا کم دي.
د افغانستان لپاره د اروپايي ټولنې ځانګړي استازي ټوماس نېکلاسون د ریاستالوزرا له سیاسي مرستیال مولوي عبدالکبیر سره په لیدنه کې ویلي چې د اسلامي امارت دې له حکومت نه دباندې پر کارپوه او تکړه افغانانو مشورې واورې؛ ځکه په خبره یې، مخکینی حکومت همدغه انحصار له منځه یووړ. عبدالکبیر په دې لیدنه کې د ټولشموله حکومت پر جوړېدو او حکومت کې د مسلکي کسانو پر نیولو ټینګار کړی دی.
د اروپايي ټولنې د بهرني سیاست مسوول جوزپ بورل نن پر ټویټر د نجونو پر مخ د پوهنتون د دروازو تړل کېدو په اړه د اسلامي امارت پرېکړه غندلې ده.
نوموړي د اسلامي امارت د دې پرېکړې د غندنې ترڅنګ، ویلي چې دا په نړۍ کې یوه بېمخینې کار دی.
د خوړو نړیوال پروګرام وايي چې افغانستان کې له اړمنو کسانو سره د مرستې لپاره له اروپايي ټولنې ۵۰ میلیونه یورو ترلاسه کوي.
د خوړو نړیوال پروګرام نن چهارشنبه د لړم ۱۸مه په یوې خبرپاڼه کې ویلي چې افغانان له تېر یوه کال راهیسې له کمسارو اقتصادي ستونزو او د چاپېریال له امله له طبیعي پېښو سره مخ دي او له یوه سخت ژمي سره مخ دي.
د افغانستان لپاره د اروپايي ټولنې د غړو هېوادونو ځانګړو استازو بروکسل کې د غونډې پرمهال ویلي، اسلامي امارت د بشري حقونو د وضعیت ښهوالي لپاره پر خپلو ژمنو عمل نهدی کړی. دوی د اسلامي امارت پر حکومت نیوکه کړې چې د منسجمو سیاستونو په غوره کولو کې پاتې راغلی دی.
د افغانستان لپاره د اروپايي ټولنې سفیر وان برانټ ویلي چې د یادې ټولنې سفیرانو د افغانستان وضعیت په اړه انلان ناسته جوړه کړې ده.
اروپايي ټولنې او د مرکزي اسیا هېوادونو تېره ورځ د تاشکند غونډې په پای کې د افغانستان روان وضعیت او سیمې ته یې د پایلو په اړه ګډه بیانیه خپره کړه. دغه بیانیه کې د افغانستان امنیت او وګړو څخه د ملاتړ لپاره د اروپايي ټولنې او مرکزي اسیا پر همکاریو ټینګار شوی دی.
د اروپايي ټولنې د بهرنیو چارو وزیران نن په بروکسل کې د افغانستان روان اقتصادي او ناوړه بشري وضعیت په اړه ناسته کوي. د جرمني د بهرنیو چارو وزارت په یوې خپره کړې ویناپاڼه کې ویلي چې په دغه ناسته کې به افغانستان ته د بشري مرستو رسولو پر وړاندې د شته خنډونو د لرې کولو او اړمنو کسانو ته د مرستو رسولو پر لارو چارو خبرې وشي.
اروپايي ټولنې ویلي، د دغې ټولنې ۱۵ غړو هېوادونو هوکړه کړې چې ۴۰۰۰۰ افغانان به په خپلو هېوادونو کې مني او د مېشتېدو اسانتیاوې به ورته برابروي. د اروپايي ټولنې د کورنیو چارو کمېشنرې یلوا یوهانسون پرون د اروپايي ټولنې هېوادونو د کورنیو چارو او عدلیې وزیرانو ترمنځ له ناستې وروسته دغه اعلان وکړ.
د ازبکستان د بهرنیو چارو وزیر عبدالعزیز کاملوف پرون ورځ بروکسیل کې د اروپایي ټولنې چارواکو سره د لیدنې پرمهال ویلي، افغانستان کې د اوسني وضعیت او د هر ډول رامنځ ته کېدونکي ناورین مسوول د هغه نړیوال اېتلاف غړي هېوادونه دي چې افغانستان کې ښکېل وو.
د افغانستان لپاره د اروپايي ټولنې مخکینی ځانګړی استازی رولانډ کوبیا په خپل ټویټرپاڼه لیکلي چې اروپايي ټولنې ۲۵ ټُنه د درملو مرسته افغانستان ته لېږلې ده. د افغانستان لپاره د اروپايي ټولنې مخکیني استازي ویلي، د اړمنو کسانو لپاره د اروپايي ټولنې د مرستو دغه جوپه پرون افغانستان ته رسېدلې. نوموړي دغه مرسته « د خلکو ژوند ژغورلو درمل» یاد کړي .
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
