له اووه‌لسو ښځو سره د سلام‌وطندار مرکې؛ «پر ټولنیزو رسنیو ځورول کېږو»

په کابل کې اووه‌لس ښځو له سلام‌وطندار سره مرکو کې ویلي چې په ځلونو پر ټولنیزو رسنیو د یوشمېر کسانو له‌خوا ځورولې شوي او پر ټولنیزو رسنیو یې امنیت خوندي نه‌دی. د دغو ښځو له دلې اته هغو ویلي چې پر ټولنیزو رسنیو ځورول کېدو یې پر ژوند سخت منفي اغېز کړی او په ټولنه کې یې نوم ته زیان اړولی دی.

د افغان ښځو د غوراوي حق لرلو د کچې ارزونه

په شپږو ولایتونو کې له ۵۳۰ افغان ښځو او نجونو سره د مرکو پر بنسټ د سلام‌وطندار د سروې موندنې ښيي چې ۶۱،۱ سلنه ښځې او نجونې چې په دې سروې کې یې ګډون کړی، د ژوند په چارو کې د غوراوي حق نه لري او ۳۹،۹ سلنې یې بیا ویلي چې په ځینو برخو کې د غوراوي حق ورکړل شوی دی. د سروې ګډونوالو بېلابېل عمرونه لرل او ډېره برخه یې له ۲۰ تر ۲۵ کلونو پورې ښځې جوړوي او دا د سروې د ټولو ګډونوالو ۴۹،۲ سلنه کېږي.

د طب د تخصص دورې ازموینه د یوشمېر نجونو په ګډون واخیستل شوه

د عامې روغتیا وزارت د ازموینو ملي ادارې سره په همغږۍ د طب زده‌کړیالانو لپاره د تخصصي زده‌کړو ملي ازموینه د یوشمېر نجونو په ګډون نن په کابل کې واخیستل شوه.
د دغه وزارت چارواکو د دوشنبې په ورځ په کابل کې د یوې خبري غونډې پر مهال وویل چې په دې دوره کې ۶۲۲۰ زده‌کړیالانو برخه اخیستې وه چې ۱۲۰۰ یې نجونې وې.

کابل کې د یوشمېر نجونو نیول کېدل؛ د امر بالمعروف مسوولان: ټولنه کې یې بې‌حجابي دودوله

د امر با.لمعروف او نهې ‌عن‌.المنکر وزارت د محتسبانو له لوري د کابل په ځینو سیمو کې د یوشمېر نجونو د نیولو په اړه د راپورونو خپرېدو سره هم‌مهاله د دغه وزارت مسوولان مني چې محتسبان یې د شرعي مکلفیت پر بنسټ، اړ شوي په ټولنه کې د فحشا او ناسم حجاب مخه ونیسي.

د پوهنتونونو له تړل کېدو وروسته د ښځینه زده‌کړیالانو وضعیت

په نننۍ نړې کې د زده‌کړو حق د بشري حقونو تر ټولو بنسټيز حق ګڼل کېږي چې ټولو هېوادونو او دولتونو نه یوازې منلی، بلکې ملاتړ یې کوي او د یوه بنسټیز بشري حق په توګه منلو کې یې هېڅ شک نشته. دغه حق د بشري حقونو په بېلابېلو سندونو کې تایید شوی او په زده‌کړو کې د جنسیت له مخې توپیري چلن د بشري حقونو ښکاره نقض دی.

ندیم: درې ولایتونو کې په ۲۱۸ میلیونه افغانیو د لوړو زده‌کړو لپاره نیمه‌کاره ودانۍ جوړوو

د لوړو زده‌کړو وزارت سرپرست ندامحمد ندیم زابل ته د سفر پر مهال ویلي چې دغه وزارت په درېوو ولایتونو کې په ۲۱۸ میلیونه افغانیو څلور نیمه‌کاره ودانۍ جوړوي.
د نوموړي په وینا، یادې ودانۍ چې یوه یې په زابل، یوه په نیمروز او دوه په کندهار کې دي، د ا.ا د مشر هبت‌الله اخوندزاده د ځانګړي حکم پر بنسټ جوړېږي.

عباس ستانکزی: علم پر نارینه او ښځینه‌ فرض دی، ا.ا دې یې اسانتیاوې برابرې کړي

د بهرنيو چارو وزارت سياسي مرستيال شېرمحمد عباس ستانکزي د بايزيد روښان انسټېټیوټ د محصلانو او د رحمان بابا، خوشال خان خټک او پيرمحمد کاکړ لېسو د زده‌کوونکو په فراغت‌غونډه کې د خبرو پر مهال وویل چې هېڅ ټولنه له پوهې پرته پرمختګ نه‌شي کولای.

کابل کې ۸۰ ښځې د مسلکي زده‌کړو له شپږمیاشتنۍ دورې فارغې شوې

په کابل کې د یوې موسسې له لوري له زده‌کړو او کار څخه محرومې ۸۰ نجونې او مېرمنې د مسلکي زده‌کړو له یوې شپږمیاشتنۍ دورې څخه فارغې شوې. د هغې په وینا، هڅه کوي هغه نجونې چې تازه له دغو مسلکي زده‌کړو فارغې شوي، په خپل بنسټ کې ورته د کار اسانتیاوې هم برابرې کړي.

د پوهنې وزارت سرپرست: د هلکانو په پرتله د نجونو «جهل» زیات دی

حبیب‌الله اغا پرون یکشنبه د تلې دویمه دغه ولایت کې د یوې دینې مدرسې د جوړېدو چارو د پرانېستلو په اړه جوړې شوې غونډه کې ویلي، هلکان او نجونې حق لري چې دینې زده‌کړې وکړي او په وینا یې، «د هلکانو په پرتله د نجونو جهل زیات دی.»

بدخشان کې څلور ځوانې نجونې اوبو وړي

د بدخشان د امنیې قومانداني مسوولان وايي چې څلور نجونې پرون (د وږي ۲۵مه، د شنبې ورځ) د دغه ولایت د مایمي ولسوالي په «تنګ شېوه» سیمه کې اوبو ډوبې کړې دي.

محلي ټولګيو د له زده‌کړو بې‌برخې نجونو نوې هیلې را ټوکولي

یوه ورځ سهار یوه داسې کلي ته روان شوم چې هلته له رسمي زده‌کړو پاتې نجونې په محلي ټولګیو کې سره راټولې شوي او په ډېره مینه یې ښوونکي ته غوږ نیولی، څو کوم تازه څه زده کړي. دغه زده‌کوونکې چې په یوه خټینه کلا کې ناستې دي، وايي چې غواړي په زده‌کړو د روښنايي لوری وڅاري، څو په راتلونکي کې د ځان، کورنۍ او هېواد لپاره ګټورې تمامې شي.

د ښوونځي پر ور د پَل کېښودو هیله؛ زده‌کوونکې:‌ درسونه مو له یاده تللي

یو‌شمېر نجونې زده‌کوونکې چې له تېرو دوو کلونو راهیسې د ښوونځیو بېرته پرانېستو ته سترګې پر لاره دي، وايي چې د بې‌وزلۍ او ژور خپګان له امله اړ شوي چې د سړک تر غاړې د توکو پلور ته مخه کړي.

دوی وايي، دې کار یې پر زده‌کړو اغېز کړی او هغه څه یې چې ښوونځي کې زده‌کړي وو، اوس یې له یاده وتلي دي.

پر ښځو د محدودیتونو دوام یو‌شمېر نجونې په کم عمر کې واده ته اړ کړي

د ښځو حقونو یو‌شمېر فعالانې وايي چې د ښځو حقونو ملاتړ بنسټونو په ځانګړې توګه د ښځو چارو وزارت د فعالیتونو درېدو له امله د جبري او په کم عمر کې د ودونو کره شمېر په لاس کې نه‌لري، خو په وینا یې، هغه اطلاعات او راپورونه چې دوی ته رسېدلي، ښايي چې هېواد کې د جبري او کم عمر کې د ودونو شمېر زیات شوی دی.

د بدخشان په مرکز او څلورو ولسوالیو کې د کتابونو دوه‌ورځنی نندارتون جوړ شو

د بدخشان د اطلاعاتو او کلتور رییس معزالدین احمدي سلام‌وطندار ته وویل چې د مرکز فیض‌اباد په ګډون یې د دغه ولایت په څلورو ولسوالیو کې هم د سړک پر سر زرګونه ټوکه کتابونه نندارې ته ایښي دي. هغه وايي، هڅه کوي چې د بدخشان په نورو ولسوالیو کې هم ورته نندارتونونه جوړ کړي دي.

پکتیا کې د لومړنیو زده‌کړو ۱۵۰ محلي ټولګي جوړ شوي

د پکتیا محلي مسوولان وايي چې د دغه ولایت په مرکز او یو‌شمېر ولسوالیو کې سلګونه نجونو او هلکانو ته د لومړنیو زده‌کړو ۱۵۰ محلي ټولګي جوړ شوي دي.

دغه محلي ټولګي د یونېسف په مالي لګښت او د افغان پرمختیایي موسسې له‌خوا جوړ شوي دي. د پکتیا پوهنې رییس عبدالوکیل خالد زیاته کړه چې دغو ټولګیو کې هغو ماشومانو ته د زده‌کړو زمینه برابره شوې چې له ښوونځي پاتي وو.