د ازموینو ملي اداره وايي چې ټاکل شوې سبا (د تلې څوارلسمه، پنجشنبه) په ولایتونو کې د کانکور ازموینې پیل شي.
د دې ادارې په وینا، پرون یې د ګډونوالو د بایومټریک بهیر پیل کړی او نن یې هم دوام درلود.
د ازموینو ملي ادارې ویلي چې د پلان له مخې به د تلې په ۱۴مه، ۱۵مه او ۱۶مه د هېواد په ۳۳ ولایتونو کې د کانکور ازموینې واخلي.
دې ادارې زیاته کړې چې د کابل ولایت د کانکور ازموینه په دویم پړاو کې ده او د د تلې میاشتې په ۲۱مه او ۲۲مه به واخیستل شي.
تراوسه په سږني کانکور ازموینه کې د ګډونوالو شمېر نهدی په ډاګه شوی.
