د ازموینو ملي ادارې پرون د افغان نجونو له ګډون پرته یوازې د هلکانو د کانکور ازموینې پایلې اعلان کړې.
د دغو پایلو اعلان د هغو هلکانو لپاره چې بېلابېلو پوهنځیو ته بریالي شوي وو، د خوښۍ وړ وې، خو د هغو نجونو لپاره دردوونکې وې چې کلونه یې لپاره زیار ګاللی او له یو عالم هیلو سره یې ښوونځی پای ته رسولی و.
د ۱۴۰۲ کال د کانکور ازموینې لومړی پړاو نن پنجشنبه د چنګاښ ۲۹مه د هېواد په ۱۱ ولایتونو کې د نجونو له حضور پرته پیل شو چې دوه ورځې به دوام وکړي.
د لوړو زدهکړو وزارت په یوه مکتوب کې له خصوصي پوهنتونونو او موسسو څخه غوښتي چې نجونې محصلانې ونه نیسي. د لوړو زدهکړو وزارت دغه مکتوب نن پر ټولنیزو رسنیو لاس په لاس کېږي.
هرات کې یوشمېر ښځینه ښوونکو نن په دغه ولایت کې د سږني کانکور ازموینه کې د بریالي شویو زدهکوونکو په ستاینغونډه کې ټینګار وکړ چې د نجونو پر مخ باید ښوونځي پرانېستل شي. دا غونډه د هرات د پوهنې ریاست له لوري جوړې شوې وه.
ازانګه افغان د سږنی کال کانکور ازموینې د زرګونه کډونوالو له ډلې هغه ښځينه زده کوونکې ده چې د ننګرهار پوهنتون د کمپیوټر ساینس پوهنځي ته یې لاره پیدا کړې ده. د فېسبوک ګڼشمېر کارونکو په دې تړاو تبصرې کړي او زده کړو ته د هڅونې او ملاتړ په موخه یې د عزت افغان هڅه ستایلې ده.
د ازموینو ملي اداره نن شنبه د لړم ۱۴مه د یو لړ مراسمو په لړ کې د ۱۴۰۱ کال د کانکور د ازموینې پایلې اعلان کړې. د یادې ادارې د اعلان مخې، سږ کال له هرات ولایت څخه د سلیمان ولد غلام جیلاني په نوم یو زدهکوونکی په ۳۵۵ نمرو د سږني کانکور عمومي اول نمره اعلان شوی دی.
د کانکور ازموینې یوشمېر ګډونوالې شکایت کوي چې سږ کال یې د خپلې خوښې پوهنتون، پوهنځي او څانګې د غوراوي حق نه درلود.
دوی وايي، که څه هم په کانکور ازموینه کې یې ګډون کړی، خو پایلو ته یې خوشحاله نهدي؛ ځکه په وینا یې، دوی پهکې په خلاص لاس غوراوی نه شوای کولای.
که څه هم د لوړو زدهکړو وزارت څو ورځې وړاندې له ځینو رسنیو سره په مرکو کې یو ځل تایید کړه چې د کانکور ازموینه کې یې ځینې بدلونونه راوستي، خو وروسته یې بېرته خپله خبره واخیسته. زما د معلوماتو پر بنسټ او ولایتونو کې د کانکور ازموینې اخیستو او شته سندونو ته په کتو، د دې پوښتنې ځواب دا دی چې د لوړو زدهکړو وزارت رښتیا هم په دې پروسه کې بدلون راوستی دی.
د ازموینو ملي اداره وايي چې ټاکل شوې سبا (د تلې څوارلسمه، پنجشنبه) په ولایتونو کې د کانکور ازموینې پیل شي.
د دې ادارې په وینا، پرون یې د ګډونوالو د بایومټریک بهیر پیل کړی او نن یې هم دوام درلود.
د ازموینې ملي ادارې مسوولانو نن کابل کې د یوې خبري ناستې پرمهال وویل چې سږکال به د کانکور ازموینه په یوه پړاوو کې واخیستل شي.
د ازموینو ملي ادارې نن د یو لړ مراسمو په ترڅ کې د ۱۴۰۰کال د کانکور ازموینې پایلې اعلان کړې.
د ازموینو ملي ادارې مسوولانو نن په کابل کې د یوې خبري غونډې پر مهال د روان کال د غويي میاشتې پر ۸مه نېټه د ۱۴۰۰ کال د کانکور ازموینې پیلېدو خبر ورکړ چې په وینا يې، په درېوو پړاوونو کې به واخیستل شي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
