په افغانستان کې د ملګرو ملتونو د ماشومانو د ملاتړ صندوق یا یونیسف ویلي چې ټاکل شوې د اروپايي ټولنې په همکارۍ په افغانستان کې ۳۸۵ دولتي ښوونځي جوړ او ۲۰۰ زره افغان ماشومانو ته د زدهکړو اسانتیاوې برابرې کړي.
په افغانستان کې د ملګرو ملتونو د ماشومانو د ملاتړ صندوق یا یونیسف د سهشنبې په ورځ پر خپلې اېکسپاڼې لیکلي چې په روان زېږدیز کال کې به له جګړې د پاتې ماینونو د خطرونو په اړه د ماشومانو په ګډون، د ۳،۶ میلیونه کسانو لپاره روزنیز پروګرامونه جوړ کړي.
د ملګرو ملتونو د ماشومانو د ملاتړ صندوق یا یونیسف د افغانستان څانګه وايي چې د اسلامي پراختیايي بانک یوې ډلې د دوو قراردادونو په لاسلیکولو سره له افغانانو سره نږدې دوه میلیونه ډالره بشري مرسته کړې ده.
د ملګرو ملتونو د ماشومانو د ملاتړ صندوق یا یونیسف ویلي چې افغانستان کې د بشردوستانه مرستو کموالي له کبله نهشي کولای چې د خوړو، روغتیايي خدمتونو او څښاک اوبو برابرولو برخه کې د افغان ماشومانو بشپړ ملاتړ وکړي.
یونیسف تازه ویلي چې په روان ۲۰۲۳ کال کې د افغان ماشومانو لپاره د روغتیايي او ښوونیزو خدمتونو وړاندې کولو په موخه د خپلې بودیجې یوازې ۲۲،۴ سلنه برابره کړي.
د ملګرو ملتونو د ماشومانو د ملاتړ صندوق یا یونیسف تازه اعلان کړی چې د افغانستان په ګډون، سوېلی اسیا کې ۲۹۰ میلیونه کمعمره ودونه شوي او په دې سره یې په نړۍ کې د کمعمره ودونو تر ټولو لوړې شمېرې په خپل نوم ثبت کړې دي. یونیسف ناچاري او د ښوونځیو تړلي پاتې کېدل د کمعمره ودونو د لوړو شمېرو تر ټولو ستر لاملونه ښودلي دي.
د نومبر ۲۰مه له ۱۹۵۴ کال راهیسې په نړۍ کې د ماشومانو نړیوالې ورځې په نوم نمانځل کېږي. د ملګرو ملتونو د ماشومانو د ملاتړ صندوق یا یونیسف د مدني ګډون، اړیکو او ملاتړ برخې مشرې سام مورټ له سلاموطندار سره مرکه کې ویلي چې افغانستان او د سوېلي اسیا هېوادونو کې ۱۵ میلیونه ماشومان بېړنیو بشري مرستو ته اړتیا لري.
د هلمند پوهنې ریاست مسوولان وايي چې د دغه ولایت په یوشمېر ولسوالیو کې د جګړو پر مهال د ویجاړو شویو ښوونځیو له ډلې د ۳۶ هغو ودانۍ بیا رغول کېږي.
د ملګرو ملتونو د ماشومانو د ملاتړ صندوق یا یونیسف د «اډا» موسسې له لارې په غزني کې څلورو روغتونونو او ۹۶ کلینیکونو ته د لمریزې برښنا وسایل برابر کړي دي.
د ملګرو ملتونو د ماشومانو د ملاتړ صندوق یا یونیسف وايي چې په نیمروز کې د ۱۷ زره او ۵۰۰ ماشومانو لپاره د زدهکړو اسانتیاوې برابروي.
د یونیسف مسوولانو د شنبې په ورځ ویلي، یادو ماشومانو ته چې له زدهکړو پاتې وو، د زدهکړو اسانتیاوې برابروي.
د ملګرو ملتونو د ماشومانو وجهي صندوق (یونیسف) په ټول افغانستان کې د ګوزڼ یا پولیو واکسین کمپایل پیل کړ. دغه کمپاین نن پیل شو. یونیسف ویلي چې په دې پړاو کې به ماشومانو ته ویټامین «A» هم ورکړل شي.
د ماشومانو لپاره د ملګرو ملتونو د ملاتړې ادارې یا یونیسف د نړیوالو اړیکو مسوولې پالومه سکودرو ویلي چې څو لسیزو جګړو، وچکالۍ او د افغانستان مخ پر ودي اقتصاد پاشلتیا لامل شوی چې ماشومانو لپاره یو بېمخینې بشري ناورین رامنځته کړي. نوموړې ټينګار کړی چې یونیسف له تېرو ۷۰ کلونو راهیسې افغانستان کې د نجونو او ماشومانو لپاره کار کوي او له دې وروسته به هم له دغه هېواد څخه خپل ملاتړ ته دوام ورکړي.
د ماشومانو لپاره د ملګروملتونو ملاتړي ادارې یا «یونیسف» اعلان کړی چې د بریټانیا په مالي مرسته یې په دایکندي ولایت کې پر څه باندې ۶۰۰۰ کورنیو بېړنۍ نغدي مرستې وېشلې دي.
د ملګروملتونو له ماشومانو د ملاتړ صندق یا یونیسف افغانستان کې د ماشومانو وضعیت څخه اندېښنه څرګنده کړې او ویلي، له بېړنیو مرستو پرته نهشي کولای ماشومانو سره مرسته وکړي.
یونیسف پر ټویټرپاڼه لیکلي، غواړي ۲۰۲۲ کال کې ۱۲.۹ میلیون افغان ماشومانو ته لاسرسی وکړي، خو له سملاسي ملاتړ پرته دغومره شمېر ماشومانو سره مرسته ناممکنه ده.
په افغانستان کې د ماشومانو د ملاتړ لپاره د ملګروملتونو ادارې یا یونیسف اجرايي مدیره کاترین راسل په یوې وینا کې ویلي، لسیزو جګړو، وچکالۍ، کمزوري اقتصاد او د نړیوالو بندیزونو اغېزو افغان ماشومانو ته نه جبرانېدونکي زیانونه اړولي دي. نوموړې کابل ته د خپل سفر پرمهال خبرداری ورکړی چې افغانستان کې د ماشومانو وضعیت د اندېښنې وړ دی.
د ملګروملتونو د ماشومانو ملاتړ اداره یا یونیسف روان کال افغانستان کې پر سختې خوراځواکۍ د اخته کېدو شمېر زیاتېدو څخه خبر ورکوي.
یونیسف نن (پنجشنبه د کب په پنځمه) پر خپله ټویټرپاڼه لیکلي، روان ۲۰۲۲ میلادي کال کې به د ټول افغانستان په سطحه تر پنځو کلونو کمعمره ۳.۲ میلیون ماشومان له سختې خوارځواکۍ ځوریږي.
د افغانستان ملي ټلویزیون د پوهنې وزارت د مسوولانو له خولې ویلي چې کابل، لوګر او میدان وردګ ولایتونو کې ۴۰۰۰۰ ښوونکو باندې د نغدو مرستو د وېش لړۍ پیل شوې ده.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
