پاکستاني رسنیو د جمعې په ورځ د دغه هېواد د مرکزي بانک له قوله خبر ورکړ چې په ۲۰۲۳ کال کې افغانستان ته د پاکستان د خوراکي توکو په صادراتو کې ۷۶ سلنه کموالی د افغانستان اقتصادي ستونزې نورې هم زیاتې کړې دي.
د لوګر په ولایتي روغتون کې یو ناروغ عصمتالله وايي، په دغه روغتون کې د ځای کموالي له کبله په هره کوټه کې چې د یوه کس لپاره ده، څلور کسان بستر دي. د نوموړي په وینا، خلک اقتصادي ستونزې لري او خصوصي روغتون ته د درملنې لپاره نهشي ورتللی.
د غزني د حوزوي روغتون یوشمېر ډاکټران او روغتیايي کارکوونکي وايي، د ۲۰۲۳ کال د وروستيو څلورو میاشتو تنخوا یې نه یوازې په څو میاشتې ځنډ ورکړل شوی، بلکې له ۵۰ تر ۶۰ سلنې پورې کم شوی هم دی. دوی سلاموطندار ته ویلي چې د تنخواوو کمېدو له سختو اقتصادي ستونزو سره مخامخ کړي دي.
د تخار په ولایتي روغتون کې د درملو نشتوالي ناروغان او د هغوی پایوازان له ګڼو ستونزو سره مخامخ کړي دي. د تخار په ولایتي روغتون کې یوشمېر ناروغلرونکي د درملو د کمښت او د ډاکټرانو د نه پاملرنې په اړه شکایت کوي او وايي، سره له دې چې له ګڼو اقتصادي ستونزو سره مخامخ دي، خو بیا هم اړ دي چې د ناروغانو لپاره په بهر کې درمل واخلي.
د پروان امبولانس د فعالیت له کمېدو وروسته د دغه ولایت یوشمېر اوسېدونکي وايي، له سیمو څخه روغتیايي مرکزونو ته د ناروغانو په لېږدولو کې له سختو ستونزو سره مخامخ دي.
د دوی په وینا، دا ستونزه لامل شوې چې خپل ناروغان په لوړ لګښت روغتون ته ولېږدوي او کلهناکله داسې هم کېږي چې ناروغان یې په لاره کې ساه ورکړي.
یوه ډله چینایي سوداګر د پکتیا او خوست د جلغوزیو پېرلو او چین ته یې د لېږدولو په موخه د لومړي ځل لپاره پکتیا ته تللي دي.
د پکتیا د سوداګرۍ خونې مسوول حسیب ګردېزی د جلغوزیو پېرلو لپاره دغه ولایت ته د بهرنیو سوداګرو ورتګ مهم بولي او وايي، په دې سره به د جلغوزیو سوداګري لا پراختیا ومومي.
د یوشمېر ولایتونو اوسېدونکي د افغانستان بانک له لوري د «افغانۍ» کارېدو او په پنځو سوېلي او سوېل لوېدیځو ولایتونو کې د بهرنیو اسعارو پر کارولو له بندیز سره هممهاله په کندهار، زابل، هلمند، روزګان او دایکندي کې د «افغانۍ» بانکنوټونو کموالي په اړه شکایت کوي.
د کابل ښار د ډېریو خصوصي وړکتونونو مسوولان وايي چې له تېرو دوو کلونو راهیسې په دغو وړکتونونو کې د ماشومانو شمېر ۸۰ سلنه کم شوی دی.
د تخار د یوشمېر کلینیکونو مسوولان وايي چې په تېر یوه کال کې د وینې کموالي سره مخ مېرمنو، په تېره امېندواره مېرمنو شمېر زیات شوی دی. د دوی په وینا، د وینې کموالی لامل کېږي چې ماشوم مړ وزېږېږي او یا هم د یوشمېر میندو د مړینې لامل هم کېږي.
په داسې حال کې چې اوس د کابل دولتي کلینیکونو ته د ورتلونکو ناروغانو شمېر مخ په ډېرېدو دی، خو دغه کلینیکونه د درملو، مسلکي کارکوونکو او ځای له کمښت سره مخامخ دي.
د کابل ښار د تايمني اوسېدونکې سیماګل چې خپل دوهکلن ماشوم يې د دې سیمې کلينيک ته ور وړى، په دغه روغتيايي مرکز کې د درملو له نشتوالي شکايت کوي.
د کندوز ښار د درېیمې ناحیې یوشمېر اوسېدونکي په یاده سیمه کې د روغتیايي خدمتونو د کموالي په اړه شکایت کوي او وايي، روغتیايي کارکوونکي ناروغانو ته سمه پاملرنه نه کوي او د هغو له پایوازانو سره هم ناسم چلن کوي.
له هغه وروسته چې د ملګرو ملتونو د بشري مرستو د همغږۍ ادارې یا اوچا په یوه تازه راپور کې له افغانستان سره د خپلو مرستو د کمېدو خبر ورکړ، د اقتصاد وزارت د دغه راپور په غبرګون کې ویلي چې ملګري ملتونه او مرستندویه بنسټونه باید په افغانستان کې د بنسټیزو پروژو په پلي کولو سره د هېواد له اقتصادي ودې سره مرسته وکړي.
د اسلامي امارت او نړۍ ترمنځ تقابل چې د تېرو شاوخوا شلو میاشتو پر مهال په افغانستان کې بشري حقونو، په ځانګړې توګه د ښځو حقونو په پام کې نه نیولو له کبله ډېر شوی، دغه وضعیت له افغانانو سره د نړیوالې ټولنې مرستې هم را کمې کړې دي.
د لوګراوسېدونکي وايي، د ولایتي روغتون تر څنګ، په ولسوالیو او لرې پرتو سیمو کې هم د ښځینه ډاکترانو او قابلو شمېر لږ دی او همدا لامل دی چې خلکو ته په سم ډول روغتیايي خدمتونه نه رسېږي.
اسلامي امارت په یوه خبرپاڼه کې لیکلي چې د مالیې ورکولو او دولتي ادارو کې د اداري چارو سر ته رسولو برخه کې د خصوصي سکټور لپاره یې تازه اسانتیاوې په پام کې نیولې دي.
یوشمېر هغه ناروغان او ناروغلرونکي چې د درملنې لپاره د جوزجان ولایتي روغتون ته ورغلي وايي، په دغه روغتون کې د قابلو کمښت لامل شوی چې ناروغانو ته لازم روغتیايي خدمتونه ونه رسېږي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
