سوېلي کوریا کې ملي ماتم؛ د جشن پر مهال ۱۵۱ کسان وژل شوي
د سوېلي کوریا ولسمشر یونسوک یوول وروسته له هغې دغه هېواد کې ملي ماتم اعلان کړ چې د یاد هېواد په پلازمېنه سېول کې د هالووین جشن پر مهال د ګڼې ګوڼې له امله ۱۵۱ کسان ووژل شول او ۸۲ نور ټپیان شول.
د سوېلي کوریا ولسمشر یونسوک یوول وروسته له هغې دغه هېواد کې ملي ماتم اعلان کړ چې د یاد هېواد په پلازمېنه سېول کې د هالووین جشن پر مهال د ګڼې ګوڼې له امله ۱۵۱ کسان ووژل شول او ۸۲ نور ټپیان شول.
د عامې روغتیا وزارت وايي چې له څه مودې راهیسې په ټول هېواد کې هره اوونۍ نږدې ۳۰ کسان د تنفسي ناروغیو له امله خپل ژوند له لاسه ورکوي.
کابل کې پر کاج ښوونیز مرکز له خونړي برید وروسته نن یو ځل بیا د پلازمېنې اوسېدونکي د یوې چاودنې شاهدان وو.
د کابل د امنیې قومنداني ویاند خالد ځدراڼ وايي چې پېښه د دویمي امنیتي حوزې اړوند سیمه کې د ځای پر ځای شوي ماین له امله رامنځته شوې، خو په وینا یې چې تلفات نهلري.
د غزني د والي ویاند حافظ عمر غزنوي وايي چې امنیتي ځواکونو په دغه ولایت کې په مرموز ډول د یوې کورنۍ د پنځو غړیو د وژلو په تور ۱۱ کسان نیولي دي.
د نوموړي په وینا، یاد کسان یې په «زنهخان» ولسوالي کې څاه ته د یوې کورنۍ د پنځو غړیو د ورغورځولو په تور نیولي دي.
هلمند کې روغتیاپالان او د دغه ولایت یوشمېر اوسېدونکي وایي چې د کورونا واکسین د ماشومانو په پرتله لوړ عمر لرونکو کسانو لپاره ډېر اړین دي.
د کابل د دیارلسمې امنیتي حوزې امنیتي مسوولان وايي چې د دغه حوزې اړوند سیمه کې د شوې چاودنې له امله د ا.ا د دوو ځواکونو په ګډون څلور کسان ټپیان شوي دي.
په خوست کې یوې سرچینې ویلي، بېګاه شپه د شویو بارانونو له امله سېلابونه راوتلي چې پرمهال یې د یوې کورنۍ د دوو ماشومانو په ګډون څلور کسان مړه شوي دي. بلخوا د یادو کسانو د کورنۍ یوه غړي سلاموطندار ته ویلي چې بېګاه شپه یې د کورنۍ څلور غړي سېلاب وړي او مړه شوي دي.
د زابل محلي مسوولان وايي چې د دغه ولایت په اړوند سیمه کې د یوې سراچه ډوله او ټېلر موټر د ټکر له امله څلور کسان مړه شوي او یو ماشوم ټپي دی.
روزګان کې محلي مسوولان سلاموطندار ته وايي چې پرون ناپېژنده وسلهوالو د دغه ولایت اړوند په دهراوود ولسوالي کې پر یوه موټر ډزې کړي چې له امله دوه کسان وژل شوي دي.
سمنګان کې ځايي سرچینې سلاموطندار ته وايي، پرون ماښام د دغه ولایت د درهصوف پایان ولسوالي «کوتل رېګ» سیمه کې ۵ ملکيان چې کاریګر وو، د ناپېژنده وسلهوالو لهخوا وژل شوي دي. سرچینې وویل، د پېښې لامل تراوسه نه دی معلووم، خو وژل شوي کسان له هزاره قوم څخه دي. که څه هم تراوسه معلومه نهده چې دغه کسان د چا لهخوا وژل شوي، خو د وحدت ګوند مشر محمد محقق داعش ډلې ته اشاره کړې.
د ملګرو ملتونو د بشردوستانه مرستو د همغږۍ دفتر یا اوچا اعلان کړی چې ټاکل شوې د افغانستان لپاره د مرستو راټولو په موخه د سویس په جېنوا ښار کې تر راتلونکو دوو ورځو پورې یوه ناسته جوړه شي.
په پکتیا ولایت کې د کار په بدل کې د غنمو د ورکړې پرواګرام له لارې د دغه ولایت له مرکز سربېره په ټولو ولسواليو کې ۲۴۰۰۰ بېوزله او وزګاره کسانو ته د کار زمینه برابره شوې ده.
په ننګرهار کې یوه محلي سرچینه چې نه غواړي نوم یې واخیستل شي، سلاموطندار ته وايي چې د دغه ولایت په کوز کونړ ولسوالي کې ناپېژنده کسانو په یوه کور برید کړی او د چړو او تبر په وسیله یې درې کسان وژلي او دوه نور یې ټپیان کړي دي.
کندهار کې د ميرويس حوزوي روغتون د علمي شورا مسوول ډاکټر سورګل نوزادي وايي چې په تېرو ۳میاشتو کې یاد روغتون ته پر خوارځواکۍ اخته ۸۰۲ ناروغان ور وړل شوي چې له ډلې یې ۳۲ ناروغان مړه شوې دي.
امریکا له افغانستان سره خپلې نوې بشري مرستې اعلان کړې. د دغه هېواد د بهرنیو چارو وزارت ویلي چې په افغانستان کې له ناورین ځپلو سره د مرستې لپاره یې ۱۴۴ میلیونه ډالره نوې بشري مرستې ځانګړې کړي دي. د دغه وزارت په خبره، له نویو اعلان شویو مرستو سره په افغانستان او سیمه کې له افغان کډوالو سره په روان کال کې د امریکا د بشري مرستو کچه ۴۷۴ میلیونه ډالرو ته رسېږي.
په خوست کې د اسلامي امارت مسوولان وایي چې په وروستیو څو ورځو کې یې د اسلامي دولت نومې ډلې یا داعش پورې اړوند ۱۴ کسان د یاد ولایت له بېلابېلو سیمو څخه نیولې دي. د خوست د اطلاعاتو او فرهنګ وزارت رییس شبیراحمد عثماني سلاموطندار ته وايي چې نیول شویو کسانو غوښتل په دغه ولایت کې «ورانوونکي او ترهګریز» بریدونه ترسره کړي چې په دې ولایت کې د اسلامي امارت ځواکونو له لوري نیول شوي دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون