د غزني د والي ویاند حافظ عمر غزنوي وايي چې امنیتي ځواکونو په دغه ولایت کې په مرموز ډول د یوې کورنۍ د پنځو غړیو د وژلو په تور ۱۱ کسان نیولي دي.
د نوموړي په وینا، یاد کسان یې په «زنهخان» ولسوالي کې څاه ته د یوې کورنۍ د پنځو غړیو د ورغورځولو په تور نیولي دي.
هغه وايي، له نیول شویو کسانو یې څېړنې پیل کړي او تمه ده چې ډېر ژر به د دې پېښې اصلي عاملان په ګوته شي.
ناپېژنده وسلهوالو دوه ورځې وړاندې د غزني د زنهخان ولسوالي په «ګډول» سیمه کې د یوې کورنۍ پنځه غړي چې یوه ښځه او څلور ماشومان پهکې وو، یوې څاه ته غورځولي وو او بیا یې د ګازو ډبې سر خلاص کړی او ورپسې غورځولې وه، څو یې د مرګ په اړه ډاډ ترلاسه کړي.
د وژل شویو کسانو جسدونه پرون-چهارشنبه له څاه نه را واېستل شول.
