بېګاه شاوخوا نهه بجې د کابل ښار د ۱۷مې امنیتي حوزې اړوند په مرادبېګ کلا سیمه کې د تېلو ټانکرو اور واخیست چې له کبله یې ډېری ټانکرونه د اور په لمبو کې وسوځېدل.
د دغې پېښې سیمې ته نن د سلاموطندار خبریاله حمیده مددي ورغلې ده. هغه وايي، د اورلګېدنې په سیمه کې ښکارېدل چې ټانکرونه په بشپړه توګه له منځه تللي وو او له اورلګېدنې څو ساعته وروسته لا هم پرې بل اور نه و مړ شوی.
د کورنیو چارو وزارت ویاند طارق ارین وايي، د شکردرې ولسوالي د کارېزمیر او مرادبېګ کلا اړوند د کابل په شمالي دروازه کې د بېګانۍ اورلګېدنه له کبله لږترلږه ۷ کسان مړه شوي او ۱۴ نور ټپیان دي. دا شمېرې وروستۍ نه دي او ښايي لوړې شي. د نوموړي په وینا، یاده اورلګېدنه بېګاه شاوخوا ۹ بجې د تېلو یوه ټانکر کې له اورلګېدنې پیل او وروسته ترې لسګونو نورو ټانکرو هم اور اخیستی او بشپړ ډول سوځېدلي دي.
د سولې کتاب نندارتون تېره جمعه د کتاب نړیوالې ورځې په مناسبت د پل سرخ فرهنګي مرکز په نوښت جوړ شو. په دغه نندارتون کې یوشمېر خپرندویه ټولنو هم ګډون کړی و او د نندارتون هره ورځ د ټولنې بېلابېلو برخو وګړو ته ځانګړې شوې وه.
د دغه نندارتون جوړوونکی شاهد فرهوش وایي، دغه نندارتون د کتاب نړیوالې ورځې په مناسبت او د افغان سولې بهیر په ملاتړ جوړ شوی و.
د کورنیو چارو وزارت چارواکي وایي، د کابل ولایت د پغمان ولسوالي په ارغندۍ سیمه کې د یوې ټرافیکې پېښې له امله ۷ کسان مړه شوي او ۷۰ نور ټپیان دي.
د یاد وزارت ویاند طارق ارین وایي، دغه ټرافیکي پېښه د مسافر وړونکو ۴۰۴ ډوله دوو موټرو د ټکر له امله شوې چې په مړو او ټپیانو کې
برښنا شرکت د وري میاشتې په ۲۰مه وویل چې تر دې وروسته به په کابل کې د برښنا د لګښت بلونه هره میاشت پر خلکو وېشل کېږي.
که څه هم د کابل اوسېدونکو تمه لرله چې په میاشتني ډول د برښنا بلونو وېش به یې د لګښت پیسې کمې کړي، خو اوس د برښنا شرکت د دې پرېکړې په اړه شکایت لري.
بېګاه شاوخوا ۹ بجې او پنځوس دقیقې د کابل ښار د پنځلسمې امنیتي حوزې اړوند په شهید څلورلارې کې درنه چاودنه وشوه چې غږ یې د کابل ښار په لرو پرتو سیمو کې هم اورېدل شوی دی.
امنیتي مسوولان وايي، په دې چاودنه کې د امنیتي ځواکونو دوه رېنجرې له منځه تللي، خو د پېښې عیني شاهدان وايي چې ملکيانو ته یې هم مرګژوبله او مالي زیانوني اړولي دي.
د کابل والي محمدیعقوب حیدري وايي، د سولې خبرو کې دې پر هغو ارزښتونو معامله نه کېږي چې د لویې جرګې له لوري تصویب شوي دي.
نوموړي نن په غازي سټډیوم کې «د سولې په اړه د کابلیانو غږ» په نوم جوړه شوې غونډه کې چې زرګونه کسانو پهکې ګډون کړی و، وویل چې سوله د افغانانو بنسټیزه غوښتنه ده، خو باید د خلکو او هېواد ګټې پهکې خوندي شي.
په داسې حال کې چې د ولسې جرګې رییس او د دې جرګې یوشمېر غړي د پاکستان د پارلمان مشر اسد قیصر په مشري یوه پلاوي ته د هرکلي په موخه د حامد کرزي هوایي ډګر ته ورغلي وو، خو د پلاوي الوتکه په یاد هوايي ډګر کې د امنیتي ستونزې له کبله بېرته ګرځېدلې ده.
د کابل امنیه قومانداني وايي چې کابل ښار کې د ملکي کارکوونکو پر یوه کاسټر موټر شوې چاودنه کې ۴ کسان وژل شوي او ۱۱ نور ټپیان دي.
دا چاودنه سهار شاوخوا ۷:۲۰ دقیقې د ۱۷مې امنیتي حوزې اړوند د خیرخانې کوتل په سیمه کې شوې ده.
د کابل والي محمدیعقوب حیدري د کورنیو چارو وزارت د نشهيي توکو پر وړاندې د مبارزې معینیت پر کمکارۍ د نیوکې ترڅنګ وايي، په یاده اداره کې فساد پر نشهيي توکو د خلکو اخته کېدو د ډېروالي لامل شوی دی.
د کورنیو چارو وزارت وايي چې د بېاسناده موټرو د ثبتولو موده پای ته رسېدلې او تر دې وروسته به د ګرځېدو پر مهال نه یوازې درول کېږي، بلکې ضبط به هم شي.
دغه وزارت نن په یوه خبرپاڼه کې لیکلي چې تر دې وروسته به د بېاسناده موټرو پر تګراتګ جدي څارنه کوي او له لیدو سره سم به یې ضبط کړي.
د ګلبدین حکمتیار په مشري د حزب اسلامي یوشمېر پلویانو نن په کابل کې لاریون پیل کړ.
ګلبدین حکمتیار پرون په یوه خبري غونډه کې د دغه لاریون خبر ورکړ او زیاته یې کړه چې حکومت ته یې لس ورځې وخت ورکړی، څو غوښتنې یې ومني.
د هغه په خبره، له حکومتي چارواکو یې غوښتي چې استعفاوې وکړي، څو داسې حکومت جوړ شي چې د خلکو د اصلي غوښتنو او سیاسي ګوندونو پر غوښتنه ولاړ وي.
د حزب اسلامي مشر ګلبدین حکمتیار نن په کابل کې یوې خبري غونډه کې وویل، له حکومتي چارواکيو يې غوښتي چې هر څه ژر دې استعفا ورکړي ترڅو داسې حکومت جوړ شي چې د خلکو او سیاسي ګوندونو د غوښتنو پر بنسټ وي.
د حزب اسلامي مشر خبرداری ورکړ چې اوسنی حکومت بې کفایته دی او که حکومتي چارواکي استعفا ورنهکړي، حزب اسلامي به سبا په کابل کې په پراخه کچه لاریون وکړي.
د اټومي انرژي ادارې مسوولان وايي، د ۱۳۹۹ مالي کال پر مهال د کابل په بېلابېلو سیمو کې د راډیواکټیف طبیعي موادو د ډېرو شعاعو لرونکې سیمې ثبت شوې دي.
د دوی په وینا، دغه مواد په کوهستانونو او د کابل د ودانیزو تیږو په کانونو، لکه د قصبې او افشارو غرونو او ځینو نورو سیمو کې شته.
نن « شنبه، د کب نهمه» یا حوت میاشتې نهمه د سرتېري له ملي ورځې سره برابره ده چې په کابل او يو شمېر ولايتونو کې ونمانځل وشوه. له دغې ورځې د ولسمشر محمد اشرف غني او یو شمېر نورو لوړپوړو چارواکيو په ګډون په دفاع وزارت کې نمانځنه وشوه.
په دغو مراسمو کې چې په ملي دفاع وزارت کې تر سره شول، ولسمشر غني د هېواد ټولو امنیتي ځواکونو ته د سرتېري ورځې…
د کابل ښار د څلورمې امنیتي حوزې اړوند په برهکي څلولارې کې پرونۍ خونړۍ چاودنې د خلکو توند پراخ غبرګونونه راپارولي دي. د ټولنیزو رسنیو ګڼشمېر کاروونکو د قربانیانو پر وینو لړلیو جسدونو او ویډیوګانو په خپرولو سره چې ماشومان پهکې د «مورې پورته شه!» نارې وهي، دا پېښه د اسلام او انسانیت خلاف بولي.
دغه راز، پر ټویټر هم د کابل د دې پېښې او وروستیو جنایتونو د غندلو لپاره د «#مورې پورته شه!» هشټګ په کارولو سره کمپاین پیل شوی دی.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
