د رسنیزو سرغړونو د مخنیوي کمېسیون مسوولان وایي، د سهشنبې په ورځ یې د دغه کمېسیون په دویمه ناسته کې پرېکړه کړې چې کورنۍ رسنۍ او خبریالان باید له هغو بهرنیو رسنیو سره همکاري ونه کړي چې د ا.ا رسمي جواز نه لري.
د خصوصي پوهنتونونو او د لوړو زدهکړو موسسو ټولنې مسوولان وايي، د نجونو پر مخ د پوهنتونونو له تړلکېدو وروسته د ۳۵ خصوصي پوهنتونونو مسوولانو پرېکړه کړې چې هېواد کې فعالیتونه وځنډوي او خپله شتمني بهر ته ولېږدوي.
د امریکا د بهرنیو چارو وزارت انټوني بلنکېن په غیردولتي کورنیو او بهرنیو موسسو کې د اسلامي امارت د حکومت له لوري د ښځینهوو پر کار د بندیز پرېکړه د افغانستان لپاره «ویجاړوونکې» بللې ده. د اوچا په خبرپاڼه کې راغلي: «داسې امر د ښځو بنسټییز حقونه نقضوي او د انساندوستانه اصولو سره په ټکر کې ده.»
د امریکا د بهرنیو چارو وزارت ویاند نېډ پرایس د اسلامي امارت له لوري د نجونو د لوړو زدهکړو ځنډېدو ته غبرګون ښودلی او دغه پرېکړه یې غندلې ده. نېډ پرایس په یوه خبري کنفرانس کې ویلي چې دغه پرېکړه به اسلامي امارت ته مهم پیغامونه ولري او له نړیوالې ټولنې به یې لرې کړي.
په داسې حال کې چې هوا په سړېدو ده او ژمی هم را روان دی، د تخار په خواجه بهاالدین ولسوالي کې سلګونه کورنۍ په ناسم وضعیت کې تر خیمو لاندې اوسېږي.
اسلامي امارت یادې ولسوالي ته د یوه پلاوي په لېږلو تازه پرېکړه کړې چې د دغو کورنیو مېنې هغو کسانو ته ورکړي چې څه موده مخکې ورته راغلي وو او ویل یې چې د دې سیمې مېنې او جایدادونه یې خپل دي.
د بهرنیو چارو وزارت مسوولان وايي چې د پاکستان کراچۍ ښار کې نیول شوي ۳۰۰ افغانان به له نغدي جریمې وروسته خوشې شي.
د بهرنیو چارو وزارت د ویاند مرستیال ضیااحمد تکل نن په یوه ویډيويي پیغام کې ویلي چې دغو افغان کډوالو پاکستان کې د قانوني اسنادو د نه لرلو له امله پاکستاني پولیسو نیولي چې ښځې او ماشومان هم پهکې شامل دي.
د امریکا ولسمشر جو بایډن شاوخوا درې اوونۍ وړاندې ادعا وکړه چې کابل کې یې د القاعده شبکې مشر ایمن الظواهري د یوه هوايي برید پرمهال وژلی دی. که څه هم د ا.ا حکومت په رسمي توګه تراوسه په دغه هوايي برید کې د ایمنالظواهري مړینه نهده تایید کړې، خو بیا یې هم پر افغانستان ناوړه پایلې د راڅرګندېدو په حال کې دي.
باختر خبري اژانس په ټویټر کې د امربالمعروف او نهې عنالمنکر وزارت د سرپرست محمد خالد حنفي له قوله لیکلي، د نړۍ هېوادونه «زمونږ د خوېندو» د حجاب په اړه د پرېکړې واک نه لري.
په داسې حال کې چې د ښځو د ححاب جبري کولو په اړه د اسلامي امارت د امربالمعروف او نهې عنالمنکر وزارت فرمان له ګڼو نړیوالو او کورنیو غبرګونونو سره مخ شوی، د چارو یوشمېر شنونکي هم په دې باور دي چې دا فرمان به د افغانانو پر راتلونکې منفي اغېز وکړي.
د افغانستان د صرافانو سراسري ټولنه وايي چې د صرافۍ جوازونو په اړه د افغانستان بانک د نوې طرحې د پليکېدو توان نه لري او نهشي کولای چې دغه پرېکړه عملي کړي. د افغانستان بانک د نوې طرحې له مخې، د صرافۍ جوازونو لپاره باید هر صراف ۵ میلیونه او د صرافۍ هر شرکت باید ۵۰ میلیونه افغانۍ له افغانستان بانک سره د ضمانت توګه کېږدي.
د اسلامي امارت ویاند ذبیحالله مجاهد په یوې خپره کړې خبرپاڼه کې ویلي چې په یاده ناسته کې د اسلامي امارت مشر هبتالله اخندزاده د سرپرست حکومت وزیرانو او مسوولانو ته د ادارو کارونو او د اسلامي امارت د پیاوړتیا سربېره، د نظم راوستلو او ستونزو هواري په برخه کې اړینې توصیې او لارښوونې کړې دي.
له شپږم ټولګي پورته د نجونو زدهکوونکو د ښوونځیو تړل پاتې کېدو پرېکړې ته د غبرګونونو پر دوام، د امریکا د بهرنیو چارو وزیر انټوني بلنکېن د یوې خبرپاڼې په خپرولو سره ویلي، که چېرته دغه پرېکړه ژر تر ژر لغوه نهشي، له نړۍ سره به د اسلامي امارت اړیکې زیان وویني. نوموړي ټينګار کړی چې د افغان نجونو او د دوی له کورنیو سره څنګ په څنګ ولاړ دی.
د افغانستان د شتمنۍ په اړه د امریکا د ولسمشر جو بایډن وروستي فرمان ته د غبرګونونو پر دوام نن کابل کې د پوهنتونونو د استادانو شورا یاده پرېکړه ناعادلانه وبلله او وویل چې امریکا دې له افغانانو څخه باج نه اخلي. دې شورا د بایډن وروستی فرمان له افغانانو سره ښکاره جفا بللې ده.
د افغانستان ارزي زېرمو په اړه د امریکا د ولسمشر جو بایډن وروستۍ پرېکړې ته د غبرګونونو پر دوام، کابل کې د سولې او ازادۍ لپاره د ښځو موسسې غړې وايي چې امریکا دې افغانانو ته د تېرې ۲۰کلنې جګړې غرامت ورکړي.
د افغانستان بانک د کنګل شوې پانګې د ازادېدو په برخه کې د امریکا د ولسمشر جو بایډڼ د وروستۍ پرېکړې په اړه د اندېښنو په لړ کې یوشمېر افغان صرافان وايي، په راتلونکې کې د افغانیو ارزښت ټيټوالي ته اندېښمن دي. د صرافانو ټولنې ویاند عبدالرحمن زیرک وايي، دا پرېکړه د افغانیو د ارزښت ټيټوالي لامل کېږي او امریکا باید پرې بیاکتنه وکړي.
پخوانی ولسمشر حامد کرزی وايي، امریکا دې د افغانستان د پیسو په اړه پر خپلې کړې پرېکړې بیا کتنه وکړي. جو بایډن وړمه ورځ یو فرمان لاسلیک کړ چې له مخې یې د افغانستان له اووه میلیارده ډالرو څخه نیمايي د یوولسم سپټمبر د پېښې د قربانیانو کورنیو ته ورکول کېږي او پاتې یې په افغانستان کې د بشري ناورین د کابو کولو لپاره ځانګړې شوي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
