د بهرنیو چارو وزارت سرپرست امیرخان متقي نن کابل کې د یوې ناستې پر مهال وویل چې د پاکستان حکومت دې د پېښور برید په اړه څېړنه وکړي او د ملامتۍ ګوته دې افغانستان ته نه نیسي.
هغه پاکستان ته په خطاب ک ویلي: پاکستان دې په پېښور کې د وروستۍ چاودنې دقيقه څېړنه وکړي او افغانستان ته دې د ملامتۍ ګوته نه نيسي.»
د بهرنیو چارو وزارت د پاکستان د خېبرپښتونخوا ایالت د پولیسو مرکز اړوند یوه جومات کې شوې چاودنې ته په غبرګون کې د دغه هېواد حکومت او د قربانیانو کورنیو سره خپله خواخوږي ښودلې او یاد برید یې غندلی دی. دغه برید پرون دوشنبه ۱:۴۰ بجې هغه مهال په یاد جومات کې رامنځته شوی چې خلک پر لمانځه ولاړ وو.
د امریکا د بهرنیو چارو وزارت په یوې خبرپاڼه کې ویلي چې د افغانستان لپاره د دغه هېواد ځانګړی استازی توماس وېسټ پاکستان، المان او سویس ته سفر کوي.
د امریکا د بهرنیو چارو وزارت په خبرپاڼه کې راغلي چې دغه سفر د جنورۍ ۲۹مې نېټې څخه پیل شوی او د فبرورۍ تر څلورمې به دوام ولري.
د پاکستان د بلوچستان ایالت په لسبیله سیمه کې د یوې ټرافیکي پېښې پر مهال د ماشومانو په ګډون ۴۱ کسان مړه شوي دي.
پاکستاني رسنیو نن یکشنبه د سلواغې نهمه راپور ورکړی چې د بلوچستان په لسبیله سیمه کې یوې ژورې کندې ته د یوه موټر د لوېدو له امله ۴۱ کسانو خپل ژوند له لاسه ورکړی دی.
په پاکستان کې سلګونو مېشتو افغان خبریالانو پرون ماښام دوی ته د نړیوالې ټولنې او د خبریالانو د ملاتړو بنسټونو د نه پاملرنې په غبرګون کې اعتراض وکړ.
دغو خبریالانو نیوکه وکړه چې نړیوالې ټولنې له دوی سره پر کړیو ژمنو عمل نهدی کړی او له څه باندې یو کال راهیسې یې لا هم بېبرخلیکه پريښي دي.
پاکستاني رسنیو نن شنبه د سلواغې اتمه راپور ورکړی چې د دغه هېواد د کراچۍ یوه زندان کې یو افغاني مړ شوی دی.
رسنیو د کراچۍ ښار د لانډي زندان د چارواکو له خولې ویلي، دغه افغان بندي د ناروغۍ له کبله مړ شوی دی. دا د پاکستان په زندانونو کې درېیم افغان بندي دی چې مړ کېږي. په کراچۍ کې د افغانستان جنرل کونسل عبدالجبار هم د یاد افغان مړینه تایید کړې، خو په اړه یې نور معلومات نه دي ورکړي.
پاکستاني رسنیو نن جمعه د سلواغې اوومه راپور ورکړی چې د دغه هېواد په سِند ایالت کې د زهرجنو کیمیاوي موادو له کبله ۱۸ کسان مړه شوي دي.
د رسنیو د راپورونو له مخې، په مړو شویو کې ماشومان هم شامل دي.
د پاکستان د بهرنیو چارو وزارت په یوه خبرپاڼه کې لیکلي چې د افغانستان لپاره د روسیې ځانګړي استازي ضمیر کابلوف او په بهرنیو چارو کې د پاکستان د دولت وزیرې حنا رباني کهر سره لیدلي او د افغانستان په اړه یې خبرې اترې کړې دي.
د پاکستان د خېبرپښتونخوا په چارسده سیمه کې د پولیسو پر یوې پوستې د وسلهوال برید له امله دوه پولیس وژل شوي او یو بل ټپي شوی دی.
د امریکا د بهرنیو چارو وزارت ویاند نېډ پرایس په یوې ناسته کې ویلي چې د پاکستان خلکو په ترهګرویزو بریدونو کې سخت اغېزمن شوي او دغه هېواد حق لري د ترهګرۍ پر وړاندې له ځان دفاع وکړي.
د افغانستان پخواني ولسمشر حامد کرزي د پاکستان د ملي امنیت شورا د ناستې او دې ناسته کې د نیول شوې پرېکړې په غبرګون کې ویلي، د پاکستان اوسنی وضعیت او ناامني د دغه هېواد د حکومت د سیاستونو پایله ده. پخواني ولسمشر همداراز له پاکستان غوښتنه کړې چې له ناامنۍ سره د اغېزمنې مبارزې لپاره دې خپلو وروستیو څو لسیزو پر سیاستونو ژور فکر وکړي او بدل دې یې کړي.
د اسلامي امارت ویاند ذبېحالله مجاهد پرون سهشنبه په یوې خبرپاڼه کې ویلي، اسلامي امارت د پاکستان په ګډون ټولو ګاونډیو سره ښې اړیکې غواړي او پاکستان څخه یې غوښتنه کړې چې له پاروونکو او بېبنسټه څرګندونو ډډه وکړي. ذبېحالله مجاهد ویلي چې په دې وروستیو کې د پاکستان له لوري د افغانستان په اړه ناسمې څرګندونې د تاسف وړ دي.
د پاکستان د دفاع وزارت خواجه محمداصف ویلي چې له اسلامي امارت سره د شوې هوکړې خلاف د افغانستان خاوره د پاکستان پر ضد کارول کېږي.
د پاکستان د دفاع وزیر له جیونیوز سره په خبرو کې ویلي چې د اسلامي امارت حکومت پاکستان سره ژمنه کړې چې خاوره به یې د دغه هېواد پر وړاندې نه کارول کېږي.
د نیوزیلنډ او پاکستان د کرېکټ ملي لوبډلو ترمنځ له لومړۍ ټسټ لوبې وروسته دواړو لوبډلو نن دویمه ټسټ لوبه پیل کړه چې نیوزیلنډ پهکې ښه پیل اخیستی دی.
د پاکستان د کورنیو چارو وزیر رانا ثنالله له «اکسپرېس ټي وي» سره د یوې مرکې پر مهال ویلي چې د نړیوالو قوانینو پر بنسټ پاکستان حق لري، افغانستان کې د ټيټيپي (پاکستاني طا لبانو) پټنځایونه په نښه کړي. خو اسلامي امارت بیا په وار وار ویلي،
افغانستان کې وسلهوالې ډلې نشتون نهلري او چا ته به ګواښ پېښ نهشي.
د افغانستان پخواني ولسمشر حامد کرزي د پاکستان حکومت له لوري د دغه هېواد په زندانونو کې د افغان کډوالو زنداني کول او چلن ناوړه او د ارزښتونو خلاف بللی دی.
کرزي له پاکستان غوښتنه کړې چې د یوه متمدنه ګاونډي او د بشر حقونو او نړیوالو اصولو پر بنسټ له افغان کډوالو سره نېک چلن وکړي.
