د لوګر د طبعیي پېښو پر وړاندې د مبارزې ریاست مسوولان وایي چې د پرونيو اورښت له امله د یاد ولایت په مرکز پلعلم او خوښۍ ولسوالي کې سېلابونه راوتلي چې پرمهال یې خلکو ته درانه زیانونه اړولي دي. د نوموړي په وینا، خوښي ولسوالي کې د سېلاب ځپلیو کورنیو د ژغورنې هڅې پيل شوي او لسګونه کورنې یې خوندي ځایونونو ته لېږدولي دي.
په دایکندي کې محلي سرچینې وايي چې د دغه ولایت د شهرستان ولسوالي د «چبلک» کوتل کې یو پلانکوچ ډوله موټر چپه شوی چې له امله یې پنځه کسان مړه شوي او ۱۱ نور ټپیان دي.
د کابل د امنیې قومنداني ویاند خالد ځدراڼ سلاموطندار ته ویلي چې د پلازمېنې د ۱۷ امنیتي حوزې اړوند د خیرخانې سیمې په یوه جومات کې د پرونۍ چاودنې پرمهال ۲۱ کسان وژل شوي او ۳۳ نور ټپیان دي.
په ورته مهال د الجزیرې خبري شبکې بیا د کابل د یوې امنیتي سرچینې له قوله راپور ورکړی چې په دغه چاودنه کې ۲۰ کسان وژل شوي او ۴۰ نور ټپیان دي.
د کابل د دیارلسمې امنیتي حوزې امنیتي مسوولان وايي چې د دغه حوزې اړوند سیمه کې د شوې چاودنې له امله د ا.ا د دوو ځواکونو په ګډون څلور کسان ټپیان شوي دي.
د لوګر د امنیې قومنداني مسوولان وایي چې پرون مازدیګر د «برهکي برک» ولسوالي په «نواباد» کلي کې د هاوان مرمۍ د سرګلولې د چاودنې له امله څلور ماشومان ټپيان شوي دي.
په پکتیا کې د دوو کورنیو ترمنځ د خپلمنځي شخړې له امله یو کس وژل شوی او ۸ نور ټپیان شوي دي. پېښه نن سهار د یاد ولایت د زرمت ولسوالي اړوند د «کولالګو» په سیمه کې د دوو کورنیو ترمنځ رامنځته شوې ده. عمر بدري همداراز ویلي، پېښه کې د یوې کورنۍ یو کس وژل شوی او درې ټپیان دي او له بلې کورنۍ بیا پنځه کسان ټپیان شوي دي.
د پکتیکا محلي مسوولان وايي چې پرون ماښام د دغه ولایت د یحيخېلو ولسوالي په «یحيخېلو» کلي کې د یوې هاوان مرمۍ د سرګلولې د چاودنې له امله یو ماشوم وژل شوي او دوه نور ټپیان دي.
د راپورونو له مخې، پرون جمعه اسراییلي ځواکونو د فلسطین په غزه کې هوايي بریدونه کړي چې له امله یې د یوې وسلهوالې ډلې د مشر په ګډون لس کسان وژل شوي او ۵۵ نور ټپیان دي.
په وروستیو څو اوونیو کې د هېواد په بېلابېلو ولایتونو کې د طبیعي پېښو له امله خلکو ته ګڼ مالي او ځاني زیانونه اوښتي دي.
د نورستان د ځنګلونو له اورلګېدنې نیولې، بیا په خوست او پکتیکا مرګونې زلزلې او په وروستیو څو ورځو کې نږدې ټول افغانستان کې د سېلابونو راوتل په پراخه کچه خلک اغېزمن کړي دي.
د غزني امنیتي مسوولان وايي چې د دغه ولایت په روضې کوتل سیمه کې د ا.ا د ځواکونو رنجر موټر چپه شوی چې له امله یې دوه سرتیري مړه او لس ټپیان شوي دي. پرون هم د دغه ولایت په قره باغ ولسوالي کې د اسلامي امارت د ځواکونو اړوند رنجر موټر له یوې سراچه ډوله سره ټکر کړی چې له امله یې درې کسان ټپیان شوي.
د پکتیا د ځاځياریوب ولسوالي یوشمېر اوسېدونکي وايي چې بېګاه په دغه ولسوالي کې د سختو اورښتونو له امله سېلابونه راوتلي چې پرمهال یې دوه کسان مړه او درې نور ټپیان شوي دي.
د پکتیا محلي مسوولان وايي چې د روانې اوونۍ د دوشنبې ورځې راهیسې په مرکز ګردېز او زرمت ولسوالي کې د سختو اورښتونو له امله سېلابونه راوتلي چې خلکو ته یې درانه ځاني او مالي زیانونه اړولي دي.
د پکتیا د اطلاعاتو او فرهنګ رییس خالقیار احمدزي سلاموطندار ته ویلي چې د وروستیو سېلابونو له امله اته کسان مړه شوي او ۲۰ نور ټپيان دي.
په هلمند ولایت کې د تېرې یوې اوونۍ راهیسې د بېلابېلو ټرافیکي پېښو پرمهال یو کس مړ شوی او ۱۳ ټپیان دي.
د غزني د اطلاعاتو او فرهنګ رییس حبیبالله مجاهد سلاموطندار ته ویلي چې دغه ولایت کې د وروستیو اورښتونو له امله سېلابونه راوتلي چې په پایله کې یې دوه کسان مړه او درې کسان ټپیان شوي دي.
د کندوز امنیتي مسوولان وايي چې په دغه ولایت کې د چاودنې له امله دوه ماشومان وژل شوي دي.
پاکستاني رسنیو راپور ورکړی چې له ډیورنډ فرضي کرښې سره نږدې د خېبر پښتونخوا په سوېلي وزیرستان کې د چاودنې له امله یو پاکستانی سرتېری وژل شوی او درې نور ټپیان شوي دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
