د پکتيا د ولايتي شورا او مدني ټولنو استازي وايي، پکتیا د جغرافيې او د وګړو د شمېر له مخې، د سوېل ختیځ زون مرکزي ولایت دی، خو لا هم پهکې د ۴۲ کاله پخوانۍ سروې پر بنسټ خدمتونه وړاندې کېږي. د دوی په وینا، سره له دې چې د ولايت د لومړۍ درجې کولو غوښتنه یې کړې، خو لا هم نه ده منل شوې.
سره له دې چې د بادغیس د مرکز قلعهنو ښار په ځینو برخو کې د طالبانو او امنیتي ځواکونو له جګړې شاوخوا ۱۰ ورځې تېرېږي، خو په ولسي جرګه کې د دغه ولایت استازي ادعا کوي چې تر اوسه بادغیس ته مرستندویه ځواکونه نه دي لېږل شوي.
د کندوز ښار څو کیلو مترۍ کې د جګړو د پراخېدو سرههممهاله د وسلهوالو طالبانو له لوري د دغه ښار د بیا نیولو اندېښنې ډېرې شوي دي. په ولسي جرګه د کندوز د خلکو استازیو او د دغه ولایت مدني فعالانو نن په کابل کې یوې خبري غونډه کې خبرداری ورکړ، که د حکومت بې غوري همداسې دوام وکړي، کندوز ښار به د درېیم ځل لپاره د وسلهوالو طالبانو لاس ته ولوېږي.
د ولسي جرکې غړو د یادې جرګې په نننۍ عمومي غونډه کې وویل چې ولسمشر محمداشرف غني په جګړه نه پوهېږي او همدا موضوع د دې سبب شوې چې امنیتي وضیعت خراب شي.
د هېواد په ځینو ولایتونو کې د یوشمېر ولسوالیو د له لاسه وتلو او د جګړې زیاتېدو په کتو، د ځینو ولایتونو د سقوط په اړه هم اندېښنې ډېرې شوې دي.
په ولسي جرګه کې د هلمند د خلکو استازیو نن کابل کې یوې خبري غونډې ته وویل چې دغه ولایت د طالبانو له لوري کلابند شوی او که حکومت یې ژرترژره پر وړاندې اقدام ونه کړي، له لاسه به ووځي.
د ولسي جرګې یوشمېر غړیو نن د دې جرګې په عمومي غونډه کې د مالیې وزارت له سرپرست څخه وغوښتل چې د ګمرکونو په فساد کې د ښکېلو وکیلانو نومونه په ډاګه کړي.
د دغه وزارت سرپرست خالد پاینده تېره اوونۍ د دې جرګې یوې غونډې ته وویل چې په ګمرکونو کې د ورځې شاوخوا ۸ میلیونه ډالره غلا کېږي.
د راپورونو له مخې، ټاکل شوې څلور ورځې وروسته د روانې اپرېل میاشتې په شپاړسمه د ترکیې په استانبول کې د افغان سولې په اړه غونډه جوړه شي.
د افغانستان د رڼو ټاکنو بنسټ رییس نعیم ایوبزاده وايي چې د وکیلانو او خلکو ترمنځ د اړیکو څرنګوالي میکانیزم نشته.
هغه نن په یوه خبري غونډه کې چې د سولې لپاره د ښځو مطالعاتو بنسټ له لوري جوړه شوې وه، وویل چې په ملي شورا کې د وکیلانو او خلکو ترمنځ د منظمو اړیکو او ځانګړي میکانیزم نه موجودیت یوه جدي ستونزه ده.
د ننګرهار د عامې روغتیا ریاست د کتلوي معافیت څانګې مسوول ډاکټر جانمحمد صاحبزاده وايي، د جلالاباد ښار په ګډون، په بهسودو او سرهرود ولسوالیو کې د ماشومانو د ګوزڼ یا پولیو واکسین کمپاین درول شوی دی.
د نوموړي په وینا، دغه کار له هغه وروسته شوی چې تېره ورځ په جلالاباد کې د ګوزڼ واکسین درې ښځینه کارکوونکې ترور شوې.
ولسي جرګې د ۱۴۰۰ مالي کال بودیجې له دوه ځله ردولو وروسته بالاخره نن دا بودیجه د رایو په ډېروالي سره تصویب کړه.
د ولسي جرګې د مالي او بودیجې کمېسیون غړي وايي چې د ۱۴۰۰ مالي کال د بودیجې په درېیمه مسوده کې د دې جرګې د غړیو ډېری غوښتنې او وړاندیزونه په پام کې نیول شوي دي.
یوشمېر وکیلانو نن د ولسي جرګې په عمومي غونډه کې پر حکومتي چارواکو نیوکې وکړې او هغوی یې پر بېمسوولیتۍ او د وکیلانو ترمنځ پر درز اچولو تورن کړل.
د ولسي جرګې د رییس میررحمان رحماني په مشري د سولې کمېسیون پرون په یوه خبري غونډه کې وویل چې د لنډمهال حکومت طرحه ورته رسېدلې ده.
د ولسي جرګې یوشمېر غړي وايي چې حکومت د هغو وکیلانو خپلوان له دندو ګوښه کوي چې د ۱۴۰۰ مالي کال بودیجې ته یې سور کارت کارولی، څو وینا یې، پر دوی فشار راوړي.
د ولسي جرګې رییس میررحمان رحماني نن د دې جرګې په عمومي غونډه کې وویل چې حکومت د سیاسي او اداري اخلاقو له په پام کې نیولو پرته د غچ اخیستو په توګه د وکیلانو خپلوان له دندو ګوښه کوي.
د ولسي جرګې یوشمېر غړیو د ولسمشر محمداشرف غني د هغو څرګندونو پر وړاندې غبرګون ښودلی چې ویلي یې وو، ولسي جرګه یوازې د بودجې د تصویب یا رد حق لري، خو وکیلانو ترې تر ۲ زرو ډېرې پروژې غوښتي دي.
د ولسي جرګې یوشمېر غړیو د دې جرګې د نن ورځې په عمومي غونډه کې د پروموټ پروژې د څېړلو غوښتنه وکړه.
د ولسي جرګې غړي وايي، ژرترژره دې د دې پروژې د څېړلو په موخه یو ځانګړی کمېسیون جوړ شي، څو په یاده پروژه کې شوی فساد ټولو ته څرګند شي.
د ولسي جرګې یوشمېر غړو په نننۍ عمومي غونډه کې له ازادي راډیو سره د هېواد د لومړۍ مېرمنې رولا غني د هغو څرګندونو پر وړاندې چې ویلي یې وو، وکیلان رایه پلورونکي دي او جرګه د پېر او پلور ډګر دی، توند غبرګون وښود.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
