د کابل یوشمېر اوسېدونکي وايي چې د پاسپورټ ترلاسه کولو لپاره یې یو کال وړاندې په انلاین بڼه نوملیکنه کړې، خو تراوسه د پاسپورټ اخیستو د چارو مخې ته وړو لپاره دغه ریاست ته نه دي ورغوښتل شوي. د دوی په وینا، پاسپورټ ته سخته اړتیا لري او نه پوهېږي خپله ستونزه چا ته ورسوي. دوی له اړوند مسوولانو د ستونزې د حل غوښتنه کوي.
د دایکندي یوشمېر ځوانان دغه ولایت کې د واده مراسمو لوړ لګښت څخه د نیوکې ترڅنګ وايي چې هر کال سلګونه ځوانان د واده لګښتونو پوره کولو لپاره ګاونډیو هېوادو ته د کار لپاره سفر کوي.
د کابل بادامباغ کې د کرنې، اوبو لګولو او مالدارۍ وزارت له لوري د هېواد زرغونتیا او د هوا ککړتیا مخنیوي په موخه د نیالګیو کېنولو ملي کمپاین پیل کړ.
د افغانستان د ژورنالېستانو او رسنیو فدراسیون نن په یوه خبرې غونډه کې د افغان رسنیو د پیاوړتیا پر لارو چارو خبرې وکړې.
وروسته له هغې چې د لوړو زدهکړو وزارت د روانې کب میاشتې په ۱۵مه سړو سیمو کې یوازې د هلکانو پرمخ د پوهنتونونو د پرانېستلو اعلان وکړ، یاده پرېکړه د نجونو زدهکړیالانو له نیوکو سره مخ شوې ده. یوشمېر نجونې زدهکړیالانې سلاموطندار ته وايي چې د دوی پر زدهکړو بندیز د میلیونونو افغان نجونو له برخلیک او راتلونکې سره لوبې کول دي.
خوست کې د «زرغون خوست» په نوم د نیالګیو کېنولو مېله پیل شوه چې درې ورځې به دوام وکړي او شاوخوا څلور زره مثمر او غیرمثمرنیالګي به کېنول شي.
کندهار کې وچکالي د نورو زیانونو ترڅنګ د کبانو روزنې صنعت هم زیانمن کړی او فارمونه یې د پخوا په پرتله څو برابره کم شوي دي.
د کبانو د روزنې فارمونو مسوولان وايي، له تېرو درېوو کلونو راهیسې دغه ولایت کې د ۵۴۸ فارمونو په تړلکېدو سره د کبانو د روزنې فارمونو شمېر له ۱۷۰۰ څخه ۱۱۵۲ ته راټيټ شوي دي.
غزني کې پر نشهیي توکو یوشمېر روږدي کسان وايي، له درمنلې وروسته یې بیا د نشهيي توکو کارونې ته مخه کړې ده. د دوی په وینا، نشهيي توکو ته ښه لاسرسی لري او حکومت هم ورته د کار اسانتیاوې برابرې نه کړې؛ نو ځکه بیا پرې اخته شول. راضیه وايي، پنځه کاله کېږي چې نشهيي توکي کاروي او دوه ځله یې پريښي، خو بېرته پرې اخته شوې ده.
کابل کې یوشمېر هټۍوال او د رسټورانټونو مسوولان له دوی څخه د لوړې مالیې له اخیستو شکایت کوي او وايي چې د هرې ورځې په تېرېدو سره د دوی پر عایداتو مالیې لوړېږي.
د کابل ښار یو هټۍوال صمد سلاموطندار ته وايي چې د پخوا په پرتله یې کاروبار ۹۰سلنه خراب شوی او د بیې لوړې شوې دي.
د چاپېریال ساتنې ملي ادارې مسوولان سلاموطندار ته وايي چې کابل کې څه باندې ۶۴۰زره ناپلان شوې لوړپوړې ودانۍ شتون لري چې د ژمي په موسم کې د ډبرو له سکرو او نورو نامعیاري توکو څخه د ګرمولو لپاره استفاده کوي چې پلازمېنه کې د هوا د ککړتیا اصلي لامل دي.
حاجي غلامرحیم د هلمند ولایت د موسیکلا ولسوالي د کلاب کارېز اوسېدونکی دی. هغه وايي چې د تېرو جګړو او وچکالیو له کبله یې ګڼشمېر باغونه زیامن یا له منځه تللي دي. په همدې حال کې د هلمند د نوزاد ولسوالي اوسېدونکی محمد بیا وايي، د له منځه تللو باغونو د بېرته زرغونولو په موخه ورسره چا همکاري نهده کړې.
د بدخشان د اطلاعاتو او کلتور رییس معزالدین احمدي وايي، د ا.ا ځواکونو نن سهار شاوخوا اتهنیمې بجې د دغه ولایت په مرکز فیضاباد ښار کې د کابل بانک دروازه کې یو ځانمرګی بریدګر موخې ته له رسېدو مخکې وژلی دی.
د پاسپورټ عمومي ریاست مسوولان وايي، سبا پنجشنبه به د پاسپورټونو پر اړوند ځینو ټولیزو موضوعاتو خبرې وشي.
نن ماښام داسې خبرونه خپاره شول چې ګواکې سبا به د پاسپورټونو د وېش بهیر له اوږده ځنډ وروسته بیا پیل شي.
د افغانستان د خپلواکو رسنیو ملاتړی بنسټ «نی» مسوولان وايي، د هلمند محلي چارواکو د له خبریالانو غوښتي چې د دغه ولایت له مسوولانو او اوسېدونکو څخه دې تصویري راپورونه نه جوړوي او نه هم خپروي.
د «نی» مسوول ظریف کریمي وايي چې د دغه محدودیتونو لګول به افغانستان کې د خبریالانو د کار دوام له بېلابېلو جدي ننګونو سره مخ کړي.
د لوګر ولایت د ملي المپيک ادارې چارواکي وایي، د دغه ولایت په مرکز پلعلم ښار کې د هېواد په کچه د اته ولایتونو ترمنځ د کبډي څلورورځنۍ سیالۍ وشوې.
د نوموړي په وینا، په دغو سیالیو کې د لوګر، پکتیا، خوست، میدان وردګ، هرات، غور او فراه ولایتونو د کبډي لوبغاړیو برخه اخیستې وه.
یوشمېر معلولان د حکومت له لوري دوی ته د خپلو حقوقو د نه ورکړې له امله شکایت کوي او وايي چې د ژمي په دې شپو او ورځو کې د خوړو او کور ګرمولو لپاره څه نهلري.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
