په کابل ښار کې د یوشمېر معاملاتو د لارښوونې دفترونو مسوولان وايي، د ا.ا له لوري د شرعي قبالو د صادرولو په بهیر کې ځنډ او د هېوادوالو د اقتصادي ستونزو له امله د کورونو او ځمکو د پېر او پلور کاروبار ۷۰ سلنه کم شوی دی.
پر ټولنیزو رسنیو د ا.ا اړوند ځواکونو له لوري د یوه ځوان د وهلو ویډیو له خپرېدو وروسته، د پلازمېنې یوشمېر اوسېدونکي له خلکو سره د ا.ا د ځواکونو له ناسم چلن څخه شکایت کوي. د امربالمعروف و نهېعن المنکر وزارت ویاند عاکف مهاجر سلام وطندار ته وویل، دغه محتسب ټکسي چلوونکي ته د سپکاوي په تور د اسلامي امارت لهخوا نیول شوی دی.
د ملکي ادارو یوشمېر کارکوونکي وايي، له کوم دلیل پرته له دندو لرې شوي او پر ځای يې د اسلامي امارت اړوند کسان ګومارل شوي دي.
د کابل ښاروالي کارکوونکی احمدجواد (مستعار نوم) چې تازه له دندې ګوښه شوی وايي، له ۱۳۶۶ کال څخه تر اوسه یې یاده اداره کې کار کاوه، خو څو ورځې وړاندې یې د اداري اصولو او قوانینو له پام کې نیولو پرته لرې کړی دی.
هېواد کې د سړې هوا له بېسارې څپې سره د کابل ښار او یوشمېر سړو ولایتونو اوسېدونکي شکایت کوي چې د څښاک اوبو له کمښت یا هم نشتون سره مخامخ دي.
د کابل ښار اوسېدونکي وارث شینواری او اجمل شېرزاد وايي، کورونه یې ته د اوبو ورغلي نلونه یخ وهلي چې له کبله یې ګڼو ستونزو سره لاس او ګرېوان دي.
د هوا په سړېدو سره یوشمېر کابل ښاریان د برښنا پرچاوۍ او د سونتوکو د لوړې بیې په اړه شکایت کوي او وايي، له یوې خوا یې کورونه تیاره دي او بلهخوا یې د تودولو لپاره سونتوکي نه لري.
د کندوز یوشمېر اوسېدونکي په دغه ولایت کې د بېکیفیته درملو په اړه شکایت کوي او وايي، له یوې خوا د درملو بیې لوړې دې او بلهخوا درمل پلورونکي بېکیفیته درمل راوړي چې ناروغانو ته یې د ګټې پر ځای، زیان ډېر دی.
شکریه چې خاوند او درې ماشومان یې هم ورسره دي وايي، یو کال مخکې پاکستان ته تللې، خو لا هم بېبرخلیکه پاتې ده. هغه هلته له اروايي ستونزو هم سر ټکوي او وايي: «مخکې مې نورو ته د اروايي وضعیت د کنټرول لارښوونې کولې، خو اوس خپله پرې اخته شوې یم. زړه مې تنګېږي. ځان بېبرخلیکه بولم. فکر کوم هر څه خراب شوي، بېرته به جوړ نه شي.»
یوشمېر افغان متقاعدان شکایت کوي چې له څه باندې یوه کال راهیسې یې خپل کلني حقونه او امتیازونه نهدي اخیستي او له سختو اقتصادي ستونزو سره لاس او ګرېوان دي.
دوی ادعا کوي چې پر هېواد د اسلامي امارت له بیا ځل واکمنۍ راهیسې یې څو ځله د خپلو معاشونو د اخیستو لپاره غږ پورته کړی، خو چا مثبت ځواب نهدی ورکړی.
که څه هم نړیوالې ټولنې د اسلامي امارت له واکمنېدو وروسته هم له افغانانو سره خپلې بشري مرستې نه یوازې کمې کړې نه دي، بلکې نورې هم زیاتې شوې دي، خو یوشمېر کابل ښاریان بیا شکایت کوي چې د دوی په نوم راغلې مرستې، اړمنو کورنیو ته نه رسېږي.
کندهار کې یوشمېر ښځينه صنعتکارانې سلاموطندار ته وايي، په دې وروستیو کې يې صنعتي کارونه پیکه شوي او ان تر دې چې کاروبار يې په ټپه ولاړ دی.
دوی زیاتوي چې د ګڼشمېر ښځينه صنعتکارانو کاري جوازونه تر وخت تېر شوي، خو د اړوندو مسوولو ادارو لهخوا نه تمدیدېږي.
یوشمېر هېوادوال د افغاني بانکنوټونو د زړښت او کمښت له امله شکایت کوي او وايي چې دوی له ګڼو ستونزو سره مخ کړي دي. دوی زیاتوي چې افغاني بانکنوټونه ډېر زاړه شوي او د اسلامي امارت سرپرست حکومت باید نوې افغانۍ چاپ او بازار ته وړاندې کړي.
وروسته له هغې چې د اسلامي امارت د ځواکونو له لوري د کور په کور پلټنې له بهیر څخه شکایتونه وشول، اوس د اسلامي امارت د کورنیو چارو وزارت سرپرست ویلي چې د کورونو د تلاشۍ پرمهال باید څوک ونه ځورول شي.
د کورنیو چارو وزارت چارسمبالي دغه څرګندونې نن په کابل کې د پولیسو اکاډمۍ څخه د سلګونه افسرانو د فراغتغونډې پرمهال وکړې.
په وروستیو اوونیو او له هغې راهیسې چې طالبانو پر افغانستان ولکه ټینګه کړې، په کابل او ګڼشمېر ولایتونو کې جنايي پیښې رامنځته شوې چې د اړوند چارواکو له لوري ورته رسېدنه نه ده شوې.
د ملي پوځ یوشمېر هغه ځواکونه چې پر کورونا ویروس اخته شوي او د هغوی د کورنۍ غړي وايي، د سردار داوودخان د څلورسوه بستریز روغتون د کورونا د تشخیص په ځانګړې برخه کې په ناعادلانه ډول اکسېجن وېشل کېږي. د دوی په وینا، په دغه روغتون کې د کورونا د تشخیص او درملنې ځانګړې برخه هم پر درېوو بېلابېلو (ويایپي، د جنرالانو او عادي سرتېرو) څانګو وېشل شوې ده.
دورانعلي حکیمي چې د اسټرالیا په ملبورن ښار کې اوسېږي وايي، له کابله ورته د افغان پُسټ له لارې د ۱۷ زره افغانیو په بدل کې ور لېږل شوې وه او باید په یوه میاشت کې ور رسېدلې وای، خو په وینا یې، یو کال وروسته ور ورسېده او هغه هم نیمګړې.
د کابل ښار په یوشمېر ښوونځیو کې ځینې سرچینې وايي چې د عبدالقهار عاصي ښوونځی سره له دې چې له څلور زرو ډېر زدهکوونکي لري، خو لپاره یې یوازې ۶۷ ښوونکي او سرښوونکي لري.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
