له اووه‌لسو ښځو سره د سلام‌وطندار مرکې؛ «پر ټولنیزو رسنیو ځورول کېږو»

په کابل کې اووه‌لس ښځو له سلام‌وطندار سره مرکو کې ویلي چې په ځلونو پر ټولنیزو رسنیو د یوشمېر کسانو له‌خوا ځورولې شوي او پر ټولنیزو رسنیو یې امنیت خوندي نه‌دی. د دغو ښځو له دلې اته هغو ویلي چې پر ټولنیزو رسنیو ځورول کېدو یې پر ژوند سخت منفي اغېز کړی او په ټولنه کې یې نوم ته زیان اړولی دی.

د اطلاعاتو او کلتور وزارت: هغو خبریالانو ته کار پیدا کوو چې دندې یې له لاسه ورکړي

عطا نوید چې په هېواد کې یې پنځه کاله له بېلابېلو رسنیو سره کار کړی وايي، اوس وزګار دی او د کار موندلو لپاره چې هرې ادارې ته ورغلی، ناهیلی ترې راوتلی دی. نوموړی له حکومت څخه غواړي، څو د هغو خبریالانو لپاره چې کارونه یې له لاسه ورکړي، د کار اسانتیاوې برابرې کړي.

د پروان اوسېدونکي د «پروان امبولانس» د خدمتونو له کموالي سر ټکوي

د پروان امبولانس د فعالیت له کمېدو وروسته د دغه ولایت یوشمېر اوسېدونکي وايي، له سیمو څخه روغتیايي مرکزونو ته د ناروغانو په لېږدولو کې له سختو ستونزو سره مخامخ دي.
د دوی په وینا، دا ستونزه لامل شوې چې خپل ناروغان په لوړ لګښت روغتون ته ولېږدوي او کله‌ناکله داسې هم کېږي چې ناروغان یې په لاره کې ساه ورکړي.

د هرات یوشمېر زلزله‌ځپلي د یوې میاشتې په تېرېدو سره لا هم پر ډاګ ژوند کوي

په هرات کې له خونړۍ زلزلې ۳۵ ورځې تېرېږي، خو د دغه ولایت د زنده‌جان ولسوالي په ځینو سیمو کې یوشمېر زیانمن شوي کسان شکایت کوي چې د حکومت له لوري ورته اړین خدمتونه نه‌دي برابر شوي. دوی وايي، خیمو ته لاسرسی نه لري او تر پلاسټیکي ټوټو او ترپالونو لاندې شپې او ورځې تېروي.

د هرات زلزله‌ځپلي: مرستې نه‌دي را رسېدلي

د هرات ډېری اوسېدونکی له دوو اوونیو راهیسې په دغه ولایت کې د پرله‌پسې زلزلو له کبله وېرېدلي او د واټونو پر سر شپې او ورځې تېروي. دوی وايي، پر واټونو ازاده فضا کې ژوند کوي او ان لنډمهالې سرپناه ته هم لاسرسی نه لري.

اسلام‌اباد کې د افغانستان سفارت: په یوه کال کې څه باندې ۳۰۰۰ افغان کډوال نیول شوي

په پاکستان کې د افغانستان سفارت وايي چې په تېر یوه کال کې له ۳۰۰۰ ډېر افغان کډوال نیول شوي دي.
په پاکستان کې د افغانستان سفارت سرپرست سردارمحمد شکېب د تلې میاشتې په درېیمه، د دوشنبې ورځ سلام‌وطندار ته ویلي چې په تېر یوه کال کې ۲۶۰۰ افغان کډوال د پاکستان له بندخونو را خوشې شوي، خو څه باندې ۸۰۰ یې لا هم بندیان دي.

د زابل ځینو ولسوالیو کې د روغتیايي خدمتونو کموالي خلک له سختو ستونزو سره مخامخ کړي

د زابل د شاه‌جوی او خاک‌افغان ولسوالیو ډاکټران وايي، د روغتیايي خدمتونو او امکاناتو کموالي د دغو ولسوالیو اوسېدونکو له سختو ستونزو سره مخامخ کړي دي. د دوی په وینا، یوشمېر ناروغان چې روغتیايي وضعیت یې نازک وي، مرکز قلات ښار ته تر رسېدو مخکې پر لارې خپل ژوند له لاسه ورکوي.

د پاکې هوا نړیواله ورځ؛ خلک له ککړې هوا سر ټکوي

د سپټمبر اوومه او د وږي شپاړلسمه، د پاکې هوا نړیواله ورځ ده. خو افغانان د دې ورځې له را رسېدو سره سم په ښار کې له ککړې هوا شکایت کوي او وايي، مسوولان ورته لازمه پاملرنه نه کوي او له خلکو یې د پاکې هوا د تنفس کولو حق اخیستی دی.

د هرات کروندګر: موږ وچکالۍ ځپلي یوو، حکومت رانه عشر ټولوي

په هرات کې د کرنې، مالدارۍ او اوبو لګولو ریاست له لوري د عشر ټولولو لړۍ پیل شوې، خو د دغه ولایت د بېلابېلو ولسوالیو یوشمېر کروندګر وايي چې د تېر کال سړې هوا او د اوبو نشتوالي له امله يې په کرنیزو حاصلاتو کې کموالی راغلی او نه‌شي کولای چې پوره عشر ورکړي.

ناروغان د کابل دولتي کلینیکونو کې د ډاکټرانو او امکاناتو له کمښت څخه سر ټکوي

په داسې حال کې چې اوس د کابل دولتي کلینیکونو ته د ورتلونکو ناروغانو شمېر مخ په ډېرېدو دی، خو دغه کلینیکونه د درملو، مسلکي کارکوونکو او ځای له کمښت سره مخامخ دي.
د کابل ښار د تايمني اوسېدونکې سیماګل چې خپل دوه‌کلن ماشوم يې د دې سیمې کلينيک ته ور وړى، په دغه روغتيايي مرکز کې د درملو له نشتوالي شکايت کوي.

د امر بالمعروف وزارت: تېر یوه کال کې مو نږدې ۸۰۰۰ شکایتونه څېړلي

ملت ته د دولت د حساب ورکولو په دوام، د امر بالمعروف او نهې عن‌المنکر وزارت مسوولانو نن د دغه وزارت د تېر یوه کال کاري راپور چې تل یې په کور دننه او بهر غبرګونونه را پارولي وو، وړاندې کړ. دغه وزارت په تېره یوه کال کې د افغان ښځو پر وړاندې بېلابېل محدودیتونه لګولي او همدا لامل و چې وخت‌ناوخت به یې د خبرونو د سر ټکي جوړول.

په دشت‌برچي کې پر نشه‌يي توکو د روږدو کسانو د زیاتوالي په اړه شکایتونه

د کابل ښار د دشت‌برچي سیمې د فروشګاه تم‌ځای یوشمېر اوسېدونکي شکایت کوي چې په دې سیمه کې پر نشه‌يي توکو اخته کسان ډېر شوي دي. دوی سلام‌وطندار ته ویلي چې روږدي کسان دغلته تر مروارید پله لاندې را ټولېږي او د سیمې اوسېدونکي یې له غلاوو او ځورونو تر پوزې راغلي دي.