د کورنیو چارو وزارت ویاند عبدالمتین قانع نن د یوې خبري غونډې پر مهال د دغه وزارت د امنیتي وضعیت او د امنیت ټینګ په برخه کې د مسوولانو د اجرااتو په اړه تازه جزیات له رسنیو سره شریک کړل.
سحر رحیمي چې دوهویشت کلنه ده وايي، د اسلامي جمهوري نظام له سقوط مخکې یې د ملي راډيو ټلوېزیون په ګډون، په خاور او ستاره ټلوېزیونونو کې د خبريالې او د شهیدانو او معلولانو چارو وزارت کې هم د کارکوونکې په توګه کار کاوه او د کورنۍ لګښتونه به یې پرې پوره کول، خو وزګارتیا او بېوزلۍ اوس ژوند ور تریخ کړی دی.
د ا.ا حکومت په تازهګۍ سره پرېکړه کړې هغه معلولان او متقاعدین چې د کار کولو وړتیا ولري، په حکومتي ادارو کې به یې پر دندو وګوماري.
خو دغه پرېکړه د معلولانو او متقاعدینو له دوهګوني غبرګون سره مخ شوې ده. یوشمېر متقاعدین له دې پرېکړې د هرکلي ترڅنګ وايي چې ډېری متقاعدین د کار کولو وړتیا لري او په خپلو دندو کې مسلکي دي.
افغانستان کې د بېوزلي کچې پراخېدو په اړه د مرسته رسوونکو بنسټونو د رپوټونو خپرېدو په دوام، افغانستان کې د ملګروملتونو د سیاسي استازولي یا یوناما مرستیال رامز الاکبروف یوې غونډې ته ویلي، د تېرو ۱۸ میاشتو پر مهال دغه هېواد کې ۷۰۰ زره کسانو دندې له لاسه ورکړي او د یاد هېواد ناخالص کورني تولیدات هم ۳۵ سلنه کم شوي دي.
عبدالرحیم چې تخار کې د انګلیسې ژبې له ادبیاتو فارغ شوی او د دې ولایت د ینګيقلعه ولسوالي اوسېدونکی دی، وايي، په تېر یوه کال کې یې د دندې موندنې لپاره ډېرې هڅې وکړې، خو بریالی نهشو.
د بهرنیو چارو وزارت سیاسي مرستیال شېرمحمد عباس ستانکزي نن د کابل لپاره د نوي والي د پېژندنې په غونډه کې یو ځل بیا هېواد کې ټولو ته د زدهکړو پر برابرولو ټينګار وکړ. نوموړي د سرپرست حکومت پر مسوولانو هم غږ وکړ چې خپلې دندې په سمه توګه ترسره کړي او په وینا یې، ولس سره دې نږدې پاتې شي.
په کندهار کې هغه دوه چارواکي له دندې ګوښه او زنداني شوي چې د ا.ا د مشر هبتالله اخندزاده یو فرمان یې پنځه میاشتې ځنډولی و. د کندهار محلي مسوولان وايي، د دغه ولایت د سرې میاشتې رییس فیضالله فیضي او د سوېلي زون د سرې میاشتې مسوول اخترمحمد خادم د ا.ا د مشر هبتالله اخندزاده د فرمان ځنډولو له امله له دندې ګوښه او زنداني شوي.
امیرخان متقي چې پر افغانستان د اسلامي امارت د بیاواکمنېدو د لومړۍ کلیزې په اړه جوړې شوې نمانځغونډې ته وینا کوله همداراز زیاته کړه چې افغانستان کې بېثباتۍ ته لمن وهل د چا په ګټه نه ده او په وینا یې، نړیوال باید د بندیزونو پرځای له افغانستان سره همکاري وکړي.
افغانستان له بدلونونو ډک کال شاته پرېښوده او د یوه سیاسي بدلون پرمهال د حکومت چارې یوې نوې رهبرۍ ترلاسه کړې. اسلامي امارت تېر کال د زمري میاشتې پر ۲۴مه کله چې د جمهوريت چارواکي له کابل څخه ووتل واک ته ورسېده.
د افغانستان د ازادو ژونالستانو د ټولنې مسوولانو نن په کابل کې د «افغان خبریالانو ملي کنفرانس» تر نوم لاندې په یوې غونډه وویل چې په هېواد کې د وروستیو تحولاتو راهیسې ۷۰ سلنه خبریالان وزګاره شوي دي.
د هېواد په لوېدیځ لرغوني هرات ولایت کې د کاشيجوړولو کارخونه چې څو سوه کاله مخینه لري او د خطاطۍ او رسامۍ سربېره په بېلابېلو هنري برخو کې فعالیت کوي، چارواکي یې وايي چې د دغه ولایت د رسامۍ او خطاطۍ په برخه کې یوشمېر وتلي هنرمندان په دندو ګوماري.
په غور کې د «سرحد» په نوم د محلي راډیو مسوولانو ویلي چې د مالي ستونزو، برښنا نهشتون او د خبریالانو د دندې د بدلون له امله یې د دغه راډیو نشرات درولي دي. په غور کې د سرحد راډیو مدیر مسوول سیدمعروف سعیدي سلاموطندار ته وایي چې د دغه راډیو په تړل کېدو سره د یاد ولایت ګڼشمېر اوسېدونکي اطلاعاتو ته له لاسرسي محروم شوي دي.
یوه باوري سرچینه سلاموطندار ته وایي چې د کابل پوهنتون یوشمېر ښوونکي غواړي په دغه پوهنتون له خپلو دندو استعفا وکړي.
د ارشاد، حج او اوقافو وزیر محمدقاسم حلیمي نن په کابل کې یوې خبري غونډې ته د خبرو پر مهال هرات کې د یوه دیني عالم مجیبالرحمان انصاري پر وروستیو څرګندونو تونده نیوکه وکړه او هغه یې د طالب ډلې غلام یاد کړ.
حلیمي وویل، انصاري سره له دې چې د دولت پیسې اخلي، خو د طالبانو د نظام لپاره تبلیغ کوي.
د فاریاب د ولایتي شورا یوشمېر غړي وایي چې له دوو اوونیو راهیسې د آقینې بندر فعالیتونه په ټپه ولاړ دي او هېواد ته له ترکمنستان څخه د سوداګریزو توکو د لېږد چارې هم درېدلي دي. د فاریاب د ولایتي شورا غړې انیسه تینچ سلاموطندار ته وایي چې وسلهوالو طالبانو د اقینې بندر ۱۲کیلو مټرۍ ته ځانونه رسولي دي.
د روان کال د غبرګولي په ۱۸مه د بدخشان یوشمېر اوسېدونکو د اوبو او برېښنا نهشتون او د ناامنیو زیاتېدو په تړاو اعتراض وکړ، خو دغه اعتراض په تاوتریخوالي واوښت او په پایله کې یې ۴ اعتراض کوونکي ووژل شول او تر ۴۰ زیات ټپیان شول.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
